मुस्ताङ । बहुचर्चित कालीगण्डकी करिडोर बेनी–जोमसोम–कोरोला सडकअन्तर्गत ४ नं. प्याकेजमा शनिबारदेखि धमाधम कालोपत्रे भैरहेको छ । मुस्ताङको थासाङ गाउँपालिका १ अन्तर्गत ल्हहु र म्हन्सिंह खोलादेखि औपचारिक रुपमा कालोपत्रे सुरु भएको हो । धार्मिक तथा पर्यटकीय सम्भावनाले भरिपूर्ण मुस्ताङमा कालोपत्रे हुनु गौरवको विषय हो ।
यसअघि शर्मा गजरमुखी जेबी कम्पनीले कालोपत्रे सुरु गरिसकेको भए पनि केही सातादेखिको वर्षा र सडक अवरुद्धका कारण कालोपत्रेले निरन्तरता पाउन सकेको थिएन । तर शनिबारदेखि कोशी एन्ड न्यौपाने जेबी कम्पनीले सो कार्यलाई निरन्तरता दिएको हो । राष्ट्रिय गौरवको आयोजनामध्येको यो सबैभन्दा चर्चित र महत्वपूर्ण रहेको कम्पनीको दाबी छ ।
विभिन्न ७ ओटा प्याकेजको आयोजना अवधि समाप्त भैसकेको र पुनः म्याद थप भएकोले यसलाई चाँडोभन्दा चाँडो सक्नेमा निर्माण कम्पनी ढुक्क छ । कम्पनीका प्रोजेक्ट म्यानेजर सन्तोषराज गौतमले सुरु कालोपत्रे काम जतिसक्दो चाँडो सक्ने बताए । उनका अनुसार कोबाङको खन्ती गेटदेखि जोमसोमको पक्की मोटरेबल पुलसम्म कालोपत्रे गरिने भएको छ । असारदेखि सुरु कालोपत्रे काम साउनभित्र करिब १४ किमी सक्ने गरी काम अघि बढेको गौतमले बताए । उनका अनुसार राष्ट्रिय गौरवको आयोजना र त्यसमाथि अन्तर्राष्ट्रिय सीमाना कोरोला नाका चीनसँग सिधै जोडिने र व्यापार प्रवद्र्धधन साथै दुइदेशीय अन्तरसम्बन्धका धेरै विषयमा सहजता हुने भएकोले पनि कम्पनीले यस योजनालाई प्रमुख जिम्मेवारीका साथ अगाडि बढाउने गौतमले बताए । बाँकी साढे ४ किमी सडकको काम असोजभित्र सकिने बताइएको छ ।
‘कालोपत्रे कामले थासाङ गाउँपालिकामात्रै नभएर आममुस्ताङीको लागि विकासको ढोका खोलेको छ ।’
कोशी एन्ड न्यौपाने जेबीले निर्माणको जिम्मा पाएको २ ओटा प्याकेजअन्तर्गतको यो ४ नम्बर प्याकेज हो । भौगोलिक विकटता, सडक सञ्जाल दूरावस्था लगायत समस्याले काममा ढिलाइ भएको कम्पनीको जिकिर छ । कम्पनीका सिनियर इ. संगम धितालकाले कोरोना भाइरस महामारीसमेत बेवास्ता गर्दै कामलाई नै प्राथमिकता दिएको बताए । मौसमले साथ दिए साउनसम्म कालोपत्रेको काम सकेर असोजसम्म पुरै प्रोजेक्टको काम करिडोरलाई हस्तान्तरण गर्ने धितालले बताए । उनले भने, ‘कोरोना महामारीबीच करिब २ सय जना कर्मचारी खटाएर कामलाई निरन्तरता दिएको छ ।’
थासाङ गाउँपालिका–२, खन्तीदेखि जोमसोमसम्म करिब साढे १८ किमीमध्ये डेढ किमी आरसिसी ढलान र बाँकी सबै कालोपत्रे हुनेछ । कालोपत्रेपछि समग्र मुस्ताङको मुहार नै फेरिने टुकुचे निवासी युवा समाजसेवी नीरज तुलाचनले बताए । उनले भने, ‘कालोपत्रे कामले थासाङ गाउँपालिकामात्रै नभएर आममुस्ताङीको लागि विकासको ढोका खोलेको छ । मुस्ताङको पर्यटन प्रवद्र्धन, कृषि र ब्यापारलाई समेत थप मद्धत पुग्नेछ ।’
Related News
सम्बन्धित समाचार
पुरानो पोखरा जोगाउन पहल: मेयर आचार्य
पाेखरा नयाँबजारमा श्रीमद्भागवत् ज्ञानमहायज्ञ जारी
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
लायन्स पोखरा वर्किङ टुगेदरमा जनकराज पौडेल
hero news full width
मुख्य समाचार
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१