दमौली । शुक्लागण्डकी ७ का ३५ वर्षीय पुरुषले वडास्तरमा खटिएको स्वास्थ्यकर्मीको टोलीसमक्ष स्वाब दिए । एन्टिजेनमार्फत गरिएको परीक्षणमा रिपोर्ट भने पोजेटिभ आयो ।
पोजेटिभ देखिएकालाई स्वास्थ्यकर्मीले परामर्श दिँदै स्वास्थ्य अवस्था सामान्य रहे होम आइसोलेसनमा बस्न सुझाउने गरेबमोजिम उनी पनि होम आइसोलेसनमै बसे । अहिले निको पनि भइसक्यो ।
‘कोरोना देखिए पनि बेलैमा परीक्षण हँुदा सचेतना अपनाउन सकियो,’ ती पुरुषले भने, ‘वडा वडामा कोरोना परीक्षण गरेर राम्रो भयो । अझै यसलाई सबैमाझ लैजान पाए राम्रो हुन्थ्यो ।’
सहरमा लकडाउनका कारण कोरोना संक्रमणदर घटेको देखिए पनि गाउँ तहमा संक्रमण फैलिएको पाइएपछि एन्टिजेन परीक्षणको दायरा बढाइएको हो ।
स्वास्थ्य कार्यालय तनहँुले प्रत्येक स्थानीय तहलाई एन्टिजेन किट उपलब्ध गराउँदै आएको छ । कार्यालयमा पर्याप्त मात्रामा किट रहेकाले स्थानीय तहले मागे जति किट उपलब्ध गराइने कार्यालय प्रमुख शंकरबाबु अधिकारीले जानकारी दिए ।
सहरमा लकडाउनका कारण कोरोना संक्रमणदर घटेको देखिए पनि गाउँ तहमा संक्रमण फैलिएको पाइएपछि एन्टिजेन परीक्षणको दायरा बढाइएको हो ।
‘पिसिआर रिपोर्ट आउन ढिलाइ हुने र एन्टिजेन पनि पिसिआर सरह नै भएकाले यसको दायरा बढाएका छौं,’ उनले भने, ‘एन्टिजेनबाट १५/२० मिनेटमै नतिजा आउँछ । ’ कार्यालयमा पछिल्लो पटक ७ हजार २ सय एन्टिजेन किट आएको थियो । एन्टिजेनबाट कोरोना परीक्षणका लागि सबै पालिकाका स्वास्थ्यकर्मीलाई तालिम दिइएको छ । एन्टिजेन परीक्षणका लागि दबाब पनि आउने गरेकाले जोखिममा रहेकालाई मात्रै परीक्षण गर्ने गरिएको छ । ‘कतिपय ठाउँमा चिनेजानेकाले यत्तिकै पनि एन्टिजेन गर्नुपथ्र्यो भन्नुहुन्छ तर अवस्था हेरेर मात्रै परीक्षण गराएका छौं,’ अधिकारीले भने । तर जिल्लाका कतिपय ठाउँमा भने समाजबाट अपहेलित हुने डरले सर्वसाधारण परीक्षणको दायरामा आउन मानेका छैनन् । ‘सक्रमितलाई समाजले हेर्ने नजर राम्रो नभएकाले लक्षण देखिए पनि कतिपय लुकाएरै बस्ने गरेका छन्, त्यसले जोखिम झन् बढाउँछ,’ उनले भने, ‘यसका लागि सकारात्मक सन्देश फैलाउन पनि उत्तिकै आवश्यकता छ ।’
कोरोना संक्रमणदर व्यास र शुक्लागण्डकीमा तीव्ररुपमा फैलिएको छ । व्यासमा कोरोना संक्रमण दर उच्च छ भने शुक्लागण्डकीमा मृत्युदर बढी छ । यस्तै ऋषिङ गाउँपालिकामा मृत्यु शून्य रहेको स्वास्थ्य कार्यालयले जनाएको छ । शुक्लगण्डकीमा ३१ जना कोरोना संक्रमितको मृत्यु भएको छ भने व्यासमा १७ जनाले ज्यान गुमाइसकेका छन् । त्यस्तै, भीमाद नगरपालिकामा १२, भानु नगरपालिकामा ६, म्याग्दे गाउँपालिकामा ४, घिरिङ गाउँपालिकामा ३, बन्दीपुर गाउँपालिकामा २, देवघाट र आँबुखैरेनी गाउँपालिकामा १–१ जना र ऋषिङमा शून्य छ ।
Related News
सम्बन्धित समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
दृष्टिविहीनलाई बाटो देखाउँदै गुगल
hero news full width
मुख्य समाचार
प्रकट पगेनी ‘शिव’ को निधन
कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
वैशाख ३, २०८१झण्झटिलो प्रशासनिक सेवा र भ्रष्टाचार विकासका बाधकः राष्ट्रपति
वैशाख ३, २०८१बजेटमाथि बहुवर्षे योजनाको चाप : दायित्व पौने १६ अर्ब
वैशाख ३, २०८१