लेखनाथ । पोखरा महानगरपालिकाका प्रमुख मानबहादुर जिसीले प्राकृतिक स्रोतसाधन राज्यको सम्पत्ति भएकाले संरक्षणमा जोड दिएका छन् । लेखनाथ खानेपानी उपभोक्ता संस्थाको शुक्रबार २० औं वार्षिकोत्सव उद्घाटन समारोहमा उनले यी स्रोत संरक्षण गरेर उपभोग गर्नु अहिलेको आवश्यकता भएको पनि बताए ।
विकासका नाममा विनासकारी कार्यले मानिसको जनजीवन प्रभावित पारेकाले यसतर्फ सचेत हँुदै विकासका पूर्वाधार निर्माण गर्दा सडक, खानेपानी, बिजुली, सिंचाइबीच सहकार्य हुनुपर्ने प्रमुख जिसीको भनाइ थियो ।
संस्थाका अध्यक्ष विष्णुप्रसाद बरालले २० वर्ष पार गरेको संस्थाले समथर र पहाडी भूभाग गरी करिब १४ हजार ४ सय ४० उपभोक्तालाई स्वच्छ खानेपानी उपलब्ध गराउँदै आएको बताए । संस्थामार्फत २ पानीका मुहान, ७ बोरिङमार्फत पानी वितरण हँुदै आएको जानकारी गराए ।
कार्यक्रममा संघीय खानेपानी आयोजनाका प्रतिनिधि सागर बस्यालले लेखनाथ खानेपानी उपभोक्ता संस्थाद्वारा वितरित पानी विश्व स्वास्थ्य संगठनको मापदण्ड पूरा गरेकोले ढुक्क भएर उपभोग गर्न आमउपभोक्तालाई अनुरोध गरे ।
कार्यक्रममा संस्थाका निवर्तमान अध्यक्ष बोधराज लामिछाने, पोखरा २७ का वडाध्यक्ष पूर्णकुमार गुरुङ, वडा ३० का वडाध्यक्ष श्रीराम पोखरेल लगायतले व्यवस्थित खानेपानी वितरणमा राज्यले ध्यान दिनुपर्ने बताए ।
सो अवसरमा प्लम्बर शुभराज अधिकारी र स्टोरकिपर सूर्यप्रसाद पौडेललाई सम्मान गरिएको थियो ।
संस्थाका सचिव मुरारी शर्माले सञ्चालन गरेको कार्यक्रममा धन्यवाद ज्ञापन कोषाध्यक्ष नारायणी भट्टराई सध्याले गरेकी थिइन् ।
Related News
सम्बन्धित समाचार
सुनौली–मुक्तिनाथ धार्मिक मार्ग यात्रा सुरू
प्रदेश सरकार उलटपुलट
दृष्टिविहीनलाई बाटो देखाउँदै गुगल
रुपाको अस्पताल र स्वास्थ्य बिमा बोर्डबीच सम्झौता
युनाइटेडद्वारा शैक्षिक तथा खेल सामग्री वितरण
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१