पोखरा । बाढीपीडितका लागि राहत लिएर मनाङ सदरमुकाम चामे पुगेका मुख्यमन्त्री कृष्णचन्द्र नेपाली पोखरेल मौसमको खराबीका कारण उतै रोकिएका छन् । मौसम सफा नै हुँदा पोखराबाट नेपाली सेनाको हेलिकोप्टरमा उनीसहितको टोली बिहीबार दिउँसो चामे पुगेको थियो ।
साँझपख हेलिकोप्टर उडे पनि फेरि मौसम बिग्रेपछि फर्केको छ । मुख्यमन्त्री उतै रोकिएपछि शुक्रबार उनले संसदमा विश्वासको मत लिने कार्यक्रम अन्यौलमा परेको छ । शुक्रबार बिहानै मौसम खुलेमा उनी आउने र कार्यसूची अनुसार नै संसद चल्ने छ । आउन ढिला भएमा विश्वासको मत लिने कार्यसूची अर्को दिन सारिने सरकारका प्रवक्ता मन्त्री कुमार खड्काले बताए । उनले भने, ‘सदनमा विश्वासको मतसम्बन्धी प्रस्ताव मुख्यमन्त्रीज्यूले पेस गर्ने हो, उहाँ आउनु भयो भने सदन चल्छ, हैन भने संसद सचिवालयले कार्यसूची सार्छ ।’ यसबारेमा संसद सचिवालयमा कुरा भइसकेको उनले प्रष्ट्याए ।
पृथ्वीसुब्बा गुरुङको सरकार अल्पमतमा परेपछि नेपालमा संविधान धारा १६८ को ५ अनुसार कृष्णचन्द्र नेपाली पोखरेल जेठ २८ मा मुख्यमन्त्रीमा नियुक्त भएका थिए । मुख्यमन्त्री पोखरेलले ३० दिनभित्र सदनबाट विश्वासको मत लिनुपर्छ । नीति तथा कार्यक्रम पारित भइसकेको र सरकारले बजेट प्रस्तुत गरे पनि विश्वासको मत लिएपछि मात्र छलफल सुरु गर्ने सहमति दलहरुबीच भएको छ । सरकारले हतारमा बजेट ल्याउनु परेकाले रातो किताब पनि तयार भइसकेको छैन । मन्त्री कुमार खड्का रातो किताब तयारका लागि आफूहरु लागिरहेको र छिट्टै तयार गरेर छलफलमा जाने बताए ।
६० सदस्यीय गण्डकी प्रदेश सभामा अहिले सरकारसँग ३१ मत छ । नेपाली कांग्रेसका १५, माओवादी केन्द्रका ११, जनमोर्चाका २, जनता समाजवादी पार्टीका २ र स्वतन्त्र सांसद १ छन् । सभामुखले मत हाल्न पाउँदैनन् । उता प्रमुख प्रतिपक्षी दल एमालेसँग आफ्नो पार्टीको मात्रै २७ सांसद छन् । राष्ट्रिय जनमोर्चाका कृष्ण थापाको सांसद पद पनि उनकै पार्टीले कारबाही गरेपछि गुमेको छ ।
Related News
सम्बन्धित समाचार
जसुलाई रोटरी भोकेसनल एक्सिलेन्स अवार्ड
पोखराको काहुँडाँडामा भीषण आगलागी
आर्वामा भलिबल प्रतियोगिता हुने
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
hero news full width
मुख्य समाचार
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०