गण्डकीमा एक हप्तामा ४ हजार १९३ ले कोरोना जिते

आदर्श समाज सम्वाददाता
असार २, २०७८
Corona Banner

पोखरा । गण्डकी प्रदेशमा बुधबार ५ सय २५ जना कोरोना संक्रमणमुक्त भएका छन् ।

मंगलबार ३६० जनामा नेगेटिभ देखिएको थियो । पछिल्लो एक हप्तामा ४ हजार १ सय ९३ जनाले कोरोना जितेका छन् । भने सोही अवधिमा २ हजार ९ सय ६३ जना संक्रमित भएका छन् । योसँगै प्रदेशमा कोरोना संक्रमितको संख्या ४५ हजार ३४६ पुगेको छ ।

बुधबार प्रदेशमा ४ सय ८ जना नयाँ संक्रमित थपिएका छन् । प्रदेशमा १ हजार ३८४ जनाको नमुना परीक्षण गरिएकोमा गण्डकी प्रदेशमा २९.४७ प्रतिशतमा कोरोना पोजेटिभ देखिएको विज्ञप्ति मार्फत निर्देशनालयले उल्लेख गरेको छ ।

कास्कीका १०५ सहित म्याग्दीका ५, पर्वतका ४, गोरखाका १६, लमजुङका ५८ र तनहुँका ८७ जनामा कोरोना देखिएको हो । यस्तै बाग्लुङका ५६, स्याङ्जाका ८ र नवलपुरका ६९ जना संक्रमित भएका हुन् । प्रदेशका ९ जिल्लामा २०६ पुरुष तथा २०२ जना महिलामा कोरोना पुष्टि भएको हो । योसँगै गण्डकी प्रदेशमा कोरोना संक्रमितको कुल संख्या ५१ हजार ४३५ पुगेको छ ।

प्रदेशमा ७ जनाको कोरोनाबाट मृत्यु
गण्डकी प्रदेशका थप ७ जना कोरोना संक्रमितहरुको मृत्यु भएको छ । निर्देशनालयका अनुसार प्रदेशमा कोरोना संक्रमणबाट निधन हुनेको संख्या ८६१ पुगेको छ । कोरोनाबाट ज्यान गुमाउनेहरुमा कास्कीका २ सहित तनहुँका १, मुस्ताङका २ र नवलपुरका २ जना रहेको प्रदेश स्वास्थ्य निर्देशनालय पोखराले जनाएको छ ।

कास्कीको पोखरा महानगरपालिका १७ की ३८ वर्षीया महिलाको फिस्टेल अस्पताल, पोखरामा उपचारको क्रममा मृत्यु भएको हो । पोखरा १५ का ४४ वर्षीय पुरूषको होम आइसोलेसनमा निधन भएको हो । नवलपुरको विनयत्रिवेणी गाउँपालिका २ का ४१ वर्षीय पुरूषको अस्पताल लैजाने क्रममा बाटैमा ज्यान गएको हो । विनयत्रिवेणी गाउँपालिका ७ का ५५ वर्षीय पुरूषको अस्पताल लैजाने क्रममा मृत्यु भएको हो ।

मुस्ताङको वाराङगुङ गाउँपालिका १ की ७७ वर्षीया महिलाको जिल्ला अस्पताल, मुस्ताङमा उपचारको क्रममा मृत्यु भएको हो । मुस्ताङको वाराङगुङ गाउँपालिका १ की ८४ वर्षीया महिलाको जिल्ला अस्पताल, मुस्ताङमै निधन भएको हो । तनहुँको म्याग्दे गाउँपालिका ४ का ४१ वर्षीय पुरूषको गण्डकी मेडिकल कलेज, पोखरामा उपचारको क्रममा मृत्यु भएको हो । योसँगै प्रदेशमा कोरोनाबाट ज्यान गुमाउनेको संख्या ८६१ पुगेको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width