पोखरा । दुई दिनदेखि लगातारको बाढीसँगै नहरमा अव्यवस्थित रुपमा आएको पानीले पोखरा महानगरपालिका वडा नं ३२ का विभिन्न स्थानमा घरहरू डुवानमा परेका छन् ।
पानीका कारण पोखरा महानगरपालिका वडा नं ३२ को टाँडीका साथै कालिका चोकका झण्डै २० वटा घरमा पानी पसेको छ । पानी पसेका कारण कतिपयको घरमा धान लगायतका अन्न पनि भिजेको छ । कालिका चोकमा पानी जमेर तालजस्तै बनेको र खुदी खोलाको किनारा भत्काउन थालेको बाढी नियन्त्रण तथा व्यवस्थापन समिति पोखरा –३२ का अध्यक्ष शिवजी लामिछानेले जानकारी दिए ।
समितिको सकृयतामा वर्षात्को पानीका साथै विजयपुर सिँचाइ आयोजना र गडुवा खोलाको पानी तथा बेगनास ताल जल उपभोक्ता संस्थाको बिसिटु सिँचाइ आयोजनाबाट अनियन्त्रित भई आउने पानीका कारण पर्ने गरेको असरलाई दीर्घकालीन रुपमा समाधान गर्न सम्बद्ध निकायमा यस अघि नै पत्राचारसहित ध्यानाकर्षण गराइए पनि त्यसको कार्यान्वयनमा चासो नदिदा समस्या भएको उनले बताए ।
नहरमा आउने पानीलाई व्यवस्थित नगरिदा यस क्षेत्रमा सिंचाइ जस्तो नभएर खहरे खोला जस्तो बन्दा वर्षेनी समस्या बढीरहेको स्थानीयको माग छ ।
टाँडी र आसपासका क्षेत्रका स्थानीयवासी अव्यवस्थित नहरका कारण वर्षेनी समस्यामा पर्ने गरेको बताउने स्थानीय युवा नवराज घिमिरे समस्याको दीर्घकालिन समाधानका लागि सम्बन्धित निकायले तत्काल चासो दिनुपर्ने बताउँछन् ।यसैबीच नहरमा आउने अव्यवस्थित पानीका कारण वर्षेनी हुने गरेको समस्यालाई समाधान गर्न बाढी नियन्त्रण तथा व्यवस्थापन समितिका पदाधिकारी, जनप्रतिनिधि एवम् सञ्चारकर्मी सहितको टोलीले आज जिल्ला प्रशासन कार्यालयमा ध्यानाकर्षण गराएको छ ।
कास्कीका सहायक प्रमुख जिल्ला अधिकारी श्रीनाथ पौडेललाई भेटेर टोलीले तत्कालिन एवम् दीर्घकालीन समाधानका सम्बन्धमा जानकारी गराइएको छ । भेटघाटमा बाढी नियन्त्रण तथा व्यवस्थापन समितिका अध्यक्ष शिवजी लामिछाने, समितिका सचिव प्रकाशचन्द्र पागल, पोखरा–३२ का वडा अध्यक्ष अक्कलबहादुर कार्की, गण्डकी प्रदेश सभा सदस्य एवम् अर्थ तथा विकास समितिका सभापति दीपक कोइराला, नेपाली काँग्रेस कास्कीका प्रवक्ता नवीन सिग्देल, रासस गण्डकी प्रदेश प्रमुख वासुदेव पौडेल, नेपाल तरुण दलका केन्द्रीय सदस्य भरत थापा, युवा संघ नेपालका केन्द्रीय सदस्य गंगा खत्री, नेपाली काँग्रेसका वडा सचिव किसान परियार, नेपाली काँग्रेस– ३२ का युवा संयोजक शरण प्रधान, लगायतको उपस्थिति थियो ।
छलफलका क्रममा समस्याको दीर्घकालीन समाधान खोजिनुपर्नेमा जोड दिदै वक्ताहरूले तत्कालका लागि बाँधाको रह, डाँडाको नाक जस्ता स्थानबाट पानी कटाउनुपर्ने बताए । समस्याको तत्कालीन समाधानका लागि विपद् कोषबाट बजेट विनियोजन गरिनुपर्नेमा सरोकारवालाको माग छ ।
Related News
सम्बन्धित समाचार
पोखरा विश्वविद्यालय शिक्षण अस्पतालको निरीक्षण
एमाले कास्की अध्यक्षमा बैनबहादुर विजयी
क्षत्री समाज नेपालको केन्द्रीय महाधिवेशन दमौलीमा हुने
कालीगण्डकी कोरिडोरः १५ महिनापछि बेनी–मालढुंगाखण्ड निर्माणमा प्रगति
आँखाको साथसाथै कानको उपचार सेवा विस्तार गर्दै नेपाल नेत्रज्योति संघ
hero news full width
मुख्य समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०एमाले कास्कीमा नयाँ नेतृत्वका लागि मतदान
चैत्र १३, २०८०