स्याङजा सेतीवेणीका ८ घरमा पूर्णक्षति,

आदर्श समाज सम्वाददाता
असार २, २०७८
सेतिवेनी १

स्याङ्जा । केहीदिनदेखिको लगातारको बर्षाका कारण कालीगण्डकी नदी बढेपछि सेतीवेणी बजारका ८ वटा घरमा पूर्ण क्षति पुगेको छ ।

उच्च बाढीका कारण गल्याङ नगरपालिका ५ स्थित सेतीवेणी बजार डुवानमा पर्दा ती घरहरुमा पूर्णक्षति पुगेको प्रहरी नायब उपरीक्षक राजेन्द्र अधिकारीले जानकारी दिए। उनले भने ‘मानवीय क्षति नभए पनि करोडौं मूल्य बराबरको धनको क्षति पुगेको छ ।’

पुराना शैलीका ती घरका आधाआधी भाग भत्केका छन् । घरका आधाआधी भाग पानीको डुबानमा छन् । घरभित्रका सामान झिक्न नपाउदा सबै नदीले बगाएका हुन् ।
मानवीय क्षति हुन नदिन प्रहरी, स्थानियबासी, जनप्रतिनिधि र रेडक्रसको सहकार्यमा ती परिवारलाई उद्धारगरी सुरक्षित स्थलमा सारिएको छ ।

प्रनाउ अधिकारीका अनुसार ‘गल्याङ ५ सेतीवेणी निवासी केशबहादुर क्षेत्रीको दुई तले, केशराज न्यौपानेको ३ तले, ठाकुरप्रसाद श्रेष्ठको २ तले, रेशमराज न्यौपाने २ तले, लक्ष्मी पति न्यौपानेको २ तले, गुरुबहादुर क्षत्रीको २ तले घर, तेजराम काफ्ले २ तले, त्रिबिक्रम हेजुको २ तले कच्चीघरहरु पूर्णरुपमा नष्ट भएका छन् ।’

यसैगरी, कालीगण्डकी नदीमा पानीको वहाव कम भएको छैंन । अझैं पनि बजारका अन्य १५ घरहरु सुरक्षित स्थानमा सार्ने तयारी भैरहेको वडाअध्यक्ष विष्णुबहादुर क्षेत्रीले जानकारी गराए ।

Related News

सम्बन्धित समाचार

    • संक्रमित भेट्दै मनोबल बढाउँदै

      सविन लामिछाने श्रावण १५, २०७८
      दमौली । हर्न बजाउँदै घर अगाडि स्कुटर आएपछि सेतै फुलेका पाका मानिस बाहिर निस्किए । केही साताअघि कोरोना संक्रमित उनी होम…
    • वरिष्ठ अधिवक्ता तिलक आचार्यको निधन

      आदर्श समाज सम्वाददाता श्रावण १५, २०७८
      पोखरा । लामाे समयदेखि पाेखरामा क्रियाशील वरिष्ठ अधिवक्ता तिलकप्रशाद शर्मा आचार्यकाे निधन भएकाे छ । आचार्यकाे बिहीबार राति ८२ वर्षकाे…
    • चामे सडक खोल्न दिनरात काम

      आदर्श समाज सम्वाददाता श्रावण १५, २०७८
      पोखरा  । डेढ महिनादेखि ठप्प वेंसिसहर–चामे सडक सञ्चालनमा ल्याउने तयारी गरिएको छ । डुम्रे–वेंसिसहर–चामे सडक आयोजनाले पहिरोका कारण अवरुद्ध सडक सुचारु…
    • गण्डकीमा ९२ प्रतिशत निको

      आदर्श समाज सम्वाददाता श्रावण १४, २०७८
      पोखरा । गण्डकी प्रदेशमा बिहीबार ३३ जना कोरोनामुक्त भएका छन् । अघिल्लो दिनको तुलनामा निको हुनेका संख्या अत्यन्तै कम हो…
    • १३२ देशमा फैलियो डेल्टा भेरियन्ट

      रासस श्रावण १४, २०७८
      जेनेभा । विश्वभरी कोरोनाभाइरसबाट सङ्क्रमितको साप्ताहिक सङ्ख्या बढ्दै गएको पाइएको छ । यही जुलाई १७ देखि २५ सम्मको सात दिनमा…

    hero news full width

    Gandaki University

    sanil ads

    wordlink ads