भीरकोटमा जीप दुर्घटना एकको मृत्यु ६ घाईते

आदर्श समाज सम्वाददाता
असार २, २०७८
accident

स्याङ्जा । भीरकोट नगरपालिका ४ मा बुधबार बिहान जिप दुर्घटना हुँदा एक जनाको मृत्यु भएको छ । एकजनाको सकुशल उद्धार भएको छ भने ६ जना घाईते भएका छन् ।

भीरकोटको दर्बुङठाँटीस्थित भित्री कच्ची सडकमा जीप अनियन्त्रित भई दुर्घटना भएको प्रहरीले जनाएको छ । बानेथोकबाट बयरघारी बजारकालागि गुडेको ग१ज ४९४० नम्बरको महिन्द्रा जीप दुर्घटना भएको हो ।

दुर्घटनामा घाइते भएका ३६ वर्षे गणेशजंग अधिकारीको भीरकोट नगर अस्पतालमा उपचारका क्रममा मृत्यु भएको हो । यसैगरी, चालक ३० वर्षे मनु भन्ने विकास थापा, ४० का रेशम परियार, ४६ का प्रतिमा परियार, ४८ का रुकबहादुर परियार, २८ का सोनी श्रेष्ठ र २४ का दिनेश परियार घाइते भएका हुन् ।

तीमध्ये रेशम परियार र सोनी श्रेष्ठको भीरकोट नगर अस्पतालमा उपचार भइरहेको छ। अन्य ४ घाइतेलाई थप उपचारका लागि पोखरा रिफर गरिएको छ ।

Related News

सम्बन्धित समाचार

hero news full width