म्याग्दीका मुख्य सडक अवरुद्ध

आदर्श समाज सम्वाददाता
असार १, २०७८
myagdima sadak abarudda (1)

म्याग्दी । वर्षाका कारण म्याग्दीका मुख्य सडक अवरुद्ध भएका छन् । वर्षाका कारण खसेको पहिरोले बेनी–जोमसोम, बेनी–दरबाङ, बेनी–रत्नेचौर र बेनी–मालढुंगा सडक अवरुद्ध भएको जिल्ला प्रहरी कार्यालय म्याग्दीले जनाएको छ । निरन्तर पहिरो खसेका कारण अवरुद्ध सडक खुलाउन कठिनाइ भएको छ ।

बेनी–जोमसोम सडक खण्डअन्तर्गत म्याग्दीको अन्नपूर्ण गाउँपालिका वडा नम्बर ३ रुप्से, सोही गाउँपालिका वडा नम्बर २ नैनीबगर र नागढुंगा खण्डमा माथिबाट खसेको पहिरोले सडक अवरुद्ध भएको प्रहरी नायव उपरीक्षक श्यामकुमार राईले जानकारी दिए । त्यस्तै बेनी–दरबाङ सडक खण्डअन्तर्गत बेनी नगरपालिका वडा नम्बर ४ घुमाउने भीरमा खानीखोलामा आएको बाढीले सडक अवरुद्ध भएको हो ।

बेनी –रत्नेचौर र बेनी– मालढुंगा सडक खण्डको विभिन्न स्थानमा समेत बाढी पहिरोको कारण सडक अवरुद्ध भएको प्रनाउ राईले बताए । त्यस्तै पहिरोको कारण दरबाङ–धारापानी–ताकम–मुना सडक पनि अवरुद्ध भएको छ । अवरुद्ध सडक पूर्ण रुपमा खुलाउन पहल भइरहेको प्रहरीले जनाएको छ । यसैगरी वर्षाका कारण म्याग्दीका मुख्य नदीमा पानीको सहत बढेको छ । म्याग्दी नदी र कालीगण्डकी नदीमा पानीको बहाव बढेपछि तटीय क्षेत्रमा उच्च सतर्कता अपनाउन आग्रह गरिएको छ ।

Related News

सम्बन्धित समाचार

    • थुनिएको गुर्जा खोला ओभरफ्लो भएर बग्न थाल्यो

      आदर्श समाज सम्वाददाता श्रावण १०, २०७८
      म्याग्दी ।  शनिबार दिउँसो पहिरोले थुनिएर ताल बनेको गुर्जा खोला बग्न थालेको छ । म्याग्दीको धवलागिरी गाउँपालिका वडा नम्बर १…
    • सराङकोटलाई धार्मिक पर्यटकीय क्षेत्र बनाउन पहल

      श्रीभद्र पौडेल श्रावण १०, २०७८
      हेमजा । पोखरा १८ सराङकोटलाई धार्मिक पर्यटकीय क्षेत्रका रुपमा चिनाउन पहल थालिएको छ । जसअन्तर्गत सराङकोट टपमा ४० करोडको गुरुयोजनासहित…
    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • जनयुद्धका योद्धादेखि अर्थमन्त्रीसम्म

      आदर्श समाज सम्वाददाता श्रावण १०, २०७८
      पोखरा । जनयुद्धका योद्धा रामजीप्रसाद बराल ‘जीवन’ ले यतिखेर गण्डकी प्रदेशमा महत्वपूर्ण मन्त्रालयको जिम्मा पाएका छन् । सादा जीवन उच्च…
    • गण्डकीमा २७७ निको, ४ को मृत्यु

      आदर्श समाज सम्वाददाता श्रावण ९, २०७८
      पोखरा । गण्डकी प्रदेशमा थप २ सय ७७ जना निको भएका छन् । शुक्रबार ४ सय १० संक्रमणमुक्त भएकोमा शनिबार निको…

    hero news full width

    मुख्य समाचार

    Gandaki University

    sanil ads

    wordlink ads