हेमजा । केही हप्ता अघि हेमजा मेलबोटकी कोरोना संक्रमित पुनम गिरीलाई चिन्ता सुरु भयो अब कसरी निको हुने । संक्रमित भएको थाहा पाएसँगै आफन्त पनि बोल्न हिचकिचाए, कतिपयले त फोनबाट पनि संक्रमण सर्लाजस्तो व्यवहार गरे । दुखको घडीमा कतिपय आफन्त र छिमेकीको व्यवहारमा मानवीयता पाइनन् उनले ।
एकातिर संक्रमणले दिनप्रतिदिन च्याप्दै थियो । अर्कातिर चाँडै निको भएर अन्य संक्रमितको सेवा गर्ने धोको थियो तर सोचेजस्तो सजिलो कहाँ थियो र । उनलाई कोरोनकै कारण परलोक भइन्छ कि जस्तो त्रसित पनि बनायो कोरोनाले । यसबीचमा परिवारका सबैमा कोरोना देखियो । कोरोनाले इन्तु न चिन्तु गिरी परिवारको खबर बुझ्न समेत सुरुका दिनमा कोही गएनन् । आशा नै मरिसकेको थियो समुदायसँग गिरी परिवारको ।
त्यस बीचमा वडास्तरीय कोरोना महामारी नियन्त्रण समन्वय समिति स्वास्थ्यकर्मीसहित गिरीको घरमा पुग्यो । सबैको अवस्था बुझ्यो । पल्स अक्सिमिटरलगायत अन्य प्राथमिक स्वास्थ्य उपचारका सामग्री पनि दियो । शरीरमा अक्सिजन कम हुँदा कसरी आसन गर्ने र कसरी सामग्री प्रयोग गर्ने भन्ने बारेमा बेलिबिस्तार पनि समितिले लगायो ।
त्यसपछि पीडाको समयमा पनि गिरी परिवारमा कोही न कोही त सहयोगी हुँदा रैछन् भन्ने भान भयो । बिस्तारै मनोबल बढ्यो र संक्रमणको पीडा कम हुँदै गयो । केही दिन अगाडि मात्रै पुनमलगायत परिवारका सबै कोरोनामुक्त भए ।
गिरी परिवारजस्तै २०७७ भदौ यता शुक्रबारसम्म गरी हेमजाभर कुल ४८५ जनामा संक्रमण देखापर्यो। जसमध्ये ३८८ जना निको भए । यस बीचमा ९ जनाले ज्यान गुमाए भने ८८ जना हाल होम आइसोलेसनमा उपचाररत छन् । तिनै होम आइसोलेसनमा उपचाररत संक्रमितको सहारा बन्दै आएको छ समन्वय समिति ।
कोषमा संकलित २२ लाख १२ हजारमध्ये १० लाख ६० हजार खर्च भयो भने ११ लाख ५२ हजार मौज्दात
हेमजास्थित जागरण अभियान नेपाल र राष्ट्रिय परोपकार महासंघको संयुक्त भेलाबाट समिति गठन गरिएको हो । समिति संयोजक मोतिराज तिम्सिना, सहसंयोजक कृष्णप्रसाद पौडेल, सचिव चिरञ्जीवी अधिकारी, कोषाध्यक्ष रमा त्रिपाठी तथा सदस्यहरु परशुराम अधिकारी, मीनबहादुर पराजुली, लक्ष्मी अधिकारी, विजय पौडेल, कृष्णबहादुर खड्का, खेम गुरुङ र आशबहादुर पुन छन् ।
भेलाले वडाध्यक्ष शोभाकर तिम्सिना, कमलजंग कुँवर, रामचन्द्र त्रिपाठी, दानबहादुर थापा, वसन्त बास्तोला, विष्णु बास्तोला, शंकरमणि त्रिपाठी, शिव त्रिपाठी र शिवकुमार श्रेष्ठ सम्मिलित ९ सदस्यीय सल्लाहकार समिति चयन गरेको छ ।
यही १ जेठमा गठित उक्त समितिले जनचेतनामूलक माइकिङ, स्थानीय प्रहरीसँग मिली विभिन्न बस्तीमा गस्ती, स्वास्थ्यकर्मीसहित संक्रमितको घरमै पुगी महत्वपूर्ण स्वास्थ्य सामग्री र परामर्श प्रदान गर्नुका अलवा एम्बुलेन्स सेवा(लायन्स क्लब अफ हेमजाको सहकार्यमा) समेत प्रदान गर्दै आइरहेको छ ।
यसका साथै उक्त समितिले वडास्थित उच्च जोखिममा परेका विपन्न श्रमिक बस्तीको पहिचान गरी स्वास्थ्यकर्मीसहित परामर्श दिन पनि थालेको छ । जसबाट हेमजास्थित मसिनामगर, झिर्झिका, सेती नदी र सुइँखेत खोलाका तटीय क्षेत्रमा बसोबास गरी दैनिक ज्याला मजदुरी गर्दै आएका श्रमिक परिवार लाभान्वित भएका छन् ।
हेमजास्थित साझाचोकमा सहयोगी कक्ष स्थापना गर्नुका साथै वडाभर हप्तामा २ पटक पिसिआर परीक्षण र एन्टिजेन्ट टेस्टको प्रबन्ध पनि समितिले मिलाएको छ । यसबीचमा समितिको कार्यलाई वडा कार्यालय, अस्थायी प्रहरी पोस्ट, सामुदायिक प्रहरी, नेपाल हेल्थ क्रोब्स, हेमजास्थित विभिन्न संघ संस्थाले खुलेर सहयोग गर्दै आएका छन् ।
सुरुमा सदस्यहरुबाटै आफ्नो क्षमतानुसार अनुसार रकम संकलन गरी सुरुआत गरिएकोमा देश विदेशबाट सहयोग जुटिरहेको छ । जसअनुसार शुक्रबारसम्म २२ लाख १२ हजार संकलन भएको छ जसमध्ये १० लाख ६० हजार खर्च भइसकेको र ११ लाख ५२ हजार मौज्दात रहेको कोषाध्यक्ष रमा त्रिपाठीले जानकारी दिइन् ।
समितिको कार्यलाई आम हेमजावासीले महायज्ञको रुपमा हेरी सहयोग गर्दै आएको संयोजक तिम्सिनाले बताए । हेमजाको कोरोना नियन्त्रणमा जसरी पनि सफल हुने उनको विश्वास छ ।
Related News
सम्बन्धित समाचार
पोखरा १० का सामुदायिक विद्यालयलाई स्टे्सनरी सहयोग
भुजेल समाजको रक्तदान
स्पोर्टस् अवार्डमा सहयोग प्रतिबद्धता
हेमजामा नागरिक आरोग्य कार्यक्रम
‘शक्ति र सत्तामा रहेकाको मात्रै इतिहास लेखिनुपर्छ भन्ने छैन’
hero news full width
मुख्य समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१