पोखरा । कास्कीमा निषेधाज्ञा अवधि असार ७ सम्म थप भएको छ । दैनिक उपभोग्य खाद्यन्न सामग्री बेच्न पसल, तरकारी, फलफूल, दुध तथा दही, माछा मासु, बिक्री वितरण गर्ने पसल, कृषिजन्य सामग्रीका पसल खोल्न पाइने अवधि ५ देखि १० सम्म खुला राख्न सकिने गरी सेवा यथावत राखिएको छ ।
डिसिसिएमसीको निर्णयका आधारमा कास्कीका प्रमुख जिल्ला अधिकारी थानेश्वर गौतमले आइतबार आदेश जारी गर्दै असार ७ गते राति १२ बजेसम्म निषेधाज्ञा कायम रहने जनाएका हुन् । नयाँ भेरियन्टको दोस्रो लहरको कोरोना सुरु भएपछि जिल्लामा गत वैशाख १५ देखि निषेधाज्ञा जारी छ । यसअघि पछिल्लो पटक जारी निषेधाज्ञा जेठ ३१ गते राति १२ बजेसम्म कायम थियो ।
असार १ देखि लागु हुने गरी बैंक तथा वित्तीय संस्थाले अत्यावश्यक सेवाको लागि ५० प्रतिशत कर्मचारीको उपस्थितिमा ५० प्रतिशत शाखाबाट बिहान ११ देखि दिउँसो २ सम्म सेवा दिन सकिनेछ । जसमा निक्षेप ५० हजारभन्दा बढी, चेक भुक्तानी, क्लीअरिङ र विप्रेषण सेवामात्र सञ्चालन हुनेछ ।
विकास निर्माणजन्य सामग्रीका पसल (छड, सिमेन्ट, बिजुलीका सामान, सेनिटाइजर हार्डवयर पसल) साँझ ५ देखि ७ बजेसम्म सञ्चालन गर्न पाइनेछ । डिपोर्टमेन्टल स्टोर्स एवं सपिङ मलले दैनिक उपभोग्य खाद्य सामग्री मात्र बिहान ५ देखि १० बजेसम्म मात्र खोल्न सकिने आदेशमा उल्लेख छ ।
यसबाहेक यसअघि जारी आदेश अनुसार नै अत्यावश्यक काममा बाहेक घरबाहिर ननिस्कने र हिडडुल नगर्ने, अत्यावश्यक काम परी घरबाहिर जानु परे अनिवार्य रुपमा मास्क लगाउनुपर्ने, कुनै प्रकारको सभा, सम्मेलन, गोष्ठी, तालिम, सेमिनार सञ्चालन नगर्ने भनिएको छ ।
बागलुङमा निषेधाज्ञा थप
कोरोना भाइरस कोभिड–१९ को जोखिम नघटेपछि बागलुङमा १ साता निषेधाज्ञा थप गरिएको छ ।
जिल्ला कोभिड संकट व्यवस्थापन समिति (डिसिसिएसी) को आइतबार बसेको बैठकले थप १ साता लकडाउन थप्ने निर्णय गर्दै असार ७ सम्म लम्बाएको हो ।
थपिएको निषेधाज्ञामा बैंक तथा वित्तीय संस्था साताको ४ दिन खुला गरिने निर्णय गरिएको जिल्ला प्रशासन कार्यालय बागलुङले जनाएको छ । हाल सातामा २ दिनमात्र बैंक तथा वित्तीय संस्था खुल्दै आएका थिए ।
जिल्लामा गत बैशाख २१ देखि निषेधाज्ञा सुरु भएको हो ।
तनहुँमा निषेधाज्ञा खुकुलो
कोरोना महामारीका कारण गत वैशाख २२ देखि तनहँुमा जारी निषेधाज्ञा केही खुकुलो पारिने भएको छ । जिल्ला कोभिड–१९ संकट व्यवस्थापन समिति (डिसिसिएमसी) को बैठकले केही खुकुलो पार्दै असार ७ सम्म निषेधाज्ञा थप गर्ने निर्णय गरेको हो ।
अब दैनिक बिहान ५ देखि १० बजेसम्म अत्यावश्यक वस्तु तथा सेवाका पसल खोल्न पाइनेछ । बिहान १० बजेदेखि १ बजेसम्म बैंक तथा वित्तीय संस्था खोल्न पाइने निर्णय भएको प्रमुख जिल्ला अधिकारी सागर आचार्यले जानकारी दिए ।
छापाखाना, पुस्तक तथा स्टेसनरी र वर्कसप खुल्नेछन्,’ प्रमुख जिल्ला अधिकारी आचार्यले भने, ‘मोडालिटी परिवर्तन गर्दै बजारलाई केही खुकुलो पारिएको छ । अवस्था हेरेर निर्णय गर्दै जानेछौं ।’
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१