लामो समयको रस्साकस्सीपछि गण्डकीमा विपक्षी दलको गठबन्धनले सरकारको अवसर पाएको छ । प्रदेशसभामा प्रमुख प्रतिपक्षी दल नेपाली कांग्रेस संसदीय दलका नेता कृष्णचन्द्र नेपाली पोखरेल शनिबार प्रदेशमा दोस्रो मुख्यमन्त्री रुपमा नियुक्त भएका हुन् । उनलाई माओवादी केन्द्र, राष्ट्रिय जनमोर्चा नेपाल (राजमो), जनता समाजवादी पार्टी (जसपा) र स्वतन्त्र सांसद राजीव गुरुङको समर्थनमा मुख्यमन्त्रीको ढोका खुलेको हो । यसअघि सत्ताधारी नेकपा (एमाले) बाट संसदीय दलका नेता पृथ्वीसुव्वा गुरुङ २०७४ फागुन ४ मा पहिलो पटक मुख्यमन्त्री नियुक्त भएका थिए । उनी गत २०७८ वैशाख २९ मा पुनः मुख्यमन्त्री नियुक्त भएकोमा संसदमा विश्वासको मत गुमाएपछि स्वतः पदमुक्त हुन पुगे । उनलाई सत्तारुढ एमालेका २७ जनाले मात्रै समर्थन गर्दा विपक्षीमा ३० मत थियो । विपक्षीमा मतदान गरेका तिनै ३० सदस्यमा कांग्रेसका १५, माओवादी केन्द्रका ११, राजमो र जसपाका २–२ सहित स्वतन्त्र सांसद राजीव गुरुङले कृष्णचन्द्रलाई मुख्यमन्त्री बनाउनुपर्ने दाबीसहित प्रदेश प्रमुखसमक्ष हस्ताक्षर बुझाएका थिए ।
संविधानको धारा १६८ (५) बमोजिम प्रदेश प्रमुख सीताकुमारी पौडेलले २४ घण्टाको समय दिँदै शुक्रबार दलहरुलाई सरकार बनाउन आह्वान गरेबमोजिम कांग्रेससहित विपक्षी गठबन्धनले २ घन्टा नबित्दै हस्ताक्षर बुझाएको थियो । केन्द्रको तिकडमको सिको प्रदेशमा पनि हुने शंकामा सांसदहरु बहुमत हस्ताक्षरसहित सशरीर प्रदेश प्रमुख निवासमा उपस्थित भई दह्रिलो प्रमाण पेस गरेका थिए । प्रदेशका ६० सदस्यमध्ये बहुमत लिएर सरकारको दाबी प्रस्तुत गरेपछि सबैजना प्रदेश प्रमुखले दिएको समयसीमा शनिबार ३ बजे लगत्तै नयाँ सरकार आउने आशावादी थिए । तर दृश्य एक्कासि फेरियो । कामचलाउ सरकारका मुख्यमन्त्री गुरुङले समेत मुख्यमन्त्रीमा दाबी पेस गरेको चर्चाले वातावरण तात्यो । संसद विघटनको षड्यन्त्रको आशंकामा विपक्षीहरु प्रदेश प्रमुख निवासअघि नै धर्ना कसे । नाराबाजी भयो । संविधानबाहिर जान प्रदेश प्रमुखलाई दिएन । चौतर्फी दबाब आयो । अन्ततः मुख्यमन्त्री गुरुङले पनि हार स्वीकारेपछि उनको दाबी नै नपरेको व्यहोराको पत्र उल्लेख गरी कृष्णचन्द्रलाई प्रदेशमा बाँकी कार्यकालको लागि बागडोर सम्हाल्ने द्वार खुलाइएको हो । यसअघि वैशाख २ मा गुरुङ सरकारविरुद्धको अविश्वासको प्रस्ताव खेर गएपछि ४ दलले २९ वैशाखमा धारा १६८ (३) बमोजिम त्यतिबेलै हस्ताक्षरसहित पत्र बुझाएकोमा गुरुङ सरकारलाई दोहोर्याइएको थियो ।
कठिन प्रयासपछि नियुक्त मुख्यमन्त्री कृष्णचन्द्रका लागि अबको बाटो भने सोचेजस्तो सहज छैन । मन्त्रिमण्डलमा भागबण्डासहित नयाँ गठबन्धनलाई मिलाएर लैजानुपर्ने छ । नजिकिएको आर्थिक वर्षको लागि प्रदेशको बजेट, त्यसअघि नीति तथा कार्यक्रम प्रस्तुत गर्दै आर्थिक विकास र सुशासनमा गण्डकी सरकारलाई कसरी अगाडि बढाउने भन्ने चुनौती कायमै छन् । प्रदेशमा खर्च बढ्दो छ, ढुकुटी रित्तिने क्रममा छ, आम्दानी कसरी गर्ने निक्र्यौल गर्दै समृद्ध नेपाल, सुखी नेपालीको सपना साकार बनाउनुपर्ने छ । स्थिर सरकार दिँदै सपना पूरा गर्न उनलाई सफलता मिलोस् । शुभकामना ।
Related News
सम्बन्धित समाचार
निसीखोला दुर्घटनाका घाइते भन्छन्- चालकको लापरबाहीले दुर्घटना भयो
सहकारी प्रकरणमा गृहमन्त्री लामिछाने दोषी प्रमाणित भए कारबाही गर्नेे प्रधानमन्त्रीको प्रतिबद्धता
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
hero news full width
मुख्य समाचार
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०