मुस्ताङ । मुस्ताङ जिल्लामा स्याउको जन्मदाताको रूपमा परिचित बुद्धिरत्न शेरचनको निधन भएको छ । बिहीबार साँझ पौने ९ बजे शेरचनको निधन भएको पारिवारिक स्रोतले जनाएको छ । उनी लामो समयदेखि बिरामी थिए ।
१९९६ साल चैत १८ गते शनिबार म्याग्दीको सिंगामा जन्मिएका शेरचन मुस्ताङमा स्याउ खेती गर्नुपर्छ भनेर दीर्घकालीन सोच बनाएर अघि बढ्ने एकमात्र व्यक्ति थिए । उनी पूर्णबहादुर शेरचन र लालकुमारीका जेठा छोेरा हुन् । सुरुआती चरणहरुमा प्रशस्त खेतीयोग्य जमिनमा स्याउका बिरुवा लगाएको देखेर उनकी हजुरमुमाले खुब गाली गरेकी थिएन् रे । शेरचनले परिकल्पना गरेर साकार पारेको हजारौं स्याउ खेतीबाट अहिले आम मुस्ताङबासीले मनग्ये आम्दानी गर्छन् । मुस्ताङको स्याउ खेती आम मुस्ताङबासीको लागि दैनिक रोजिरोटीको गतिलो स्रोत बनेको छ ।
पूर्व वागवानी अधिकृत मदन राइले स्व. शेरचन आम मुस्ताङबासीको लागि पितासमान भएको बताउँछन् । हरेक जनताको जीवनस्तर उकास्ने सकारात्मक उद्देश्यसहित भूमिका निर्वाह गर्न सक्ने क्षमता शेरचनसँग भएको राई सम्झन्छन् । ‘विशेषगरी मार्फाबासीको लागि त शेरचन भगवान् नै हुन्,’ राईले भने, ‘तत्कालीन समयमा शेरचनले भारतको जम्मु कश्मिरबाट १२ प्रजातिका स्याउका बिरुवा ल्याएर मार्फाको उर्वरभूमिमा लगाएको उल्लेख गरे । आज उनकै प्रेरणास्वरुप शीतोष्ण बागवानी विकास केन्द्रमा करिब ४ दर्जनजति स्याउका प्रजातिहरु छन् । यो सँगसँगै शेरचनले ओखर, कागजीबदाम, खुर्पानी, चिली, नास्पाती, आरु, चेरी, कटुसलगायत फलफूल खेतीको किास गरेको राईले बताए । ‘अझ भनौं शेरचन शीतोष्ण बागवानी विकास केन्द्रको जन्मदाता नै हुन्,’ राइले भने ।
मुस्ताङको स्याउलाई विश्वभर चिनाउने शेरचनले थालेको गरेको वैज्ञानिक स्याउ खेती अहिले जीविकोपार्जनको उपयुक्त माध्यम बनेको छ
पारिवारिक स्रोतका अनुसार शेरचनले २०१५ सालमा काठमाडौंको जुद्धोदय पब्लिक हाइ स्कुलबाट एसएलसी उत्तीर्ण गरेका थिए । २०२२ सालमा भारतको युनिभर्सिटी अफ एग्रिकल्चर इन टेक्नोलोजी भुवनेश्वरबाट हर्टिकल्चरमा बिएससी उत्तीर्ण गरेका थिए । २०३१ सालतिर भारतकै उडिसाबाट एमएससी (मास्टर) गरेका थिए । जननी जन्म भूमिश्च स्वर्गादपि गरियसी भन्ने मुल मन्त्रलाई आत्मसात गरी शेरचन आफ्नो जिल्ला मुस्ताङ आएका थिए । साथै उनको साथमा भारतबाट प्राविधिकसहित टोली मुस्ताङ आइ स्याउ खेतीका लागि मुस्ताङको मार्फा नै रोजेका हुन् । हप्तौं लगाएर उत्तरी सिमाना तिब्बतसम्म पुगेर स्याउ खेतीका लागि प्रारम्भिक तयारीसमेत गरेका थिए । तर अत्यधिक चिसो र उचित वातावरण नदेखेपछि फर्केका उक्त टोलीद्वारा स्थापना गरेको बागवानी अहिले आम मुस्ताङबासीमात्रै नभएर सारा संसारको मान्छेहरूले मुक्तकण्ठले प्रशंसा गर्ने ठाउँ भएको छ, मार्फा ।
यसैगरी शेरचनलाई अत्यन्तै नजिकबाट नियालेका सुकबहादुर भट्टचनले मुस्ताङमा २०२२ सालमा स्याउ खेती सुरु गरेका थिए । २०२२ सालको अन्ततिर र २०२३ सालको भदौ महिनाबाट औपचारिक रूपमा स्याउ खेतीको सुरुआत गरेकै कारण मार्फाली जनताहरुको जीवनस्तर धेरै नै माथि उठेको भट्टचनको भनाइ रहेको छ । जिल्लाको कृषि क्षेत्रलाई अत्यन्तै माया गर्ने शेरचनकै कारण आज आम मुस्ताङी जनताहरुको आर्थिक स्थिति मजबुत बनेको भट्टचनले बताए, उनले भने, शेरचनकै कारण शीतोष्ण बागवानी विकास केन्द्रको स्थापना भएको हो । तर दुखको कुरा उनको योगदानलाई जिउँदो हुँदै कसैले पनि सम्झन सकेन, भट्टचनले दुखेसो पोखे ।
शेरचनले जीवनको आधाभन्दा बढी समय स्याउ खेती विस्तार र अर्गानिक स्याउ उत्पादनमै खर्चेको भट्टचनको जिकीर छ । त्यसैले त आज सारा नेपालीको लागि शेरचन स्याउका पिता हुन् । शेरचन दुई पटकसम्म बागवानी अधिकृसमेत बनेका थिए । र मुस्ताङको मार्फालगायत अन्य दर्जनौं गाउँहरुमा औपचारिक रुपमा स्याउ खेतीको सुरुआत गरी निरन्तरता दिएका थिए । आज उनै शेरचनले सुरुआत गरेको वैज्ञानिक स्याउ खेती सबैको लागि जीविकोपार्जनको उपयुक्त माध्यम बनेको छ ।
Related News
सम्बन्धित समाचार
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
सहारा एकेडेमीमा यु–१४ फुटबल प्रशिक्षण
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१