पोखरा । विपक्षी सांसद फकाउन नसक्दा मुख्यमन्त्री पृथ्वीसुब्बा गुरुङको पद गुमेको छ । प्रदेशसभामा बिहीबार टेबुल भएको विश्वासको मतसम्बन्धी प्रस्ताव बहुमत सांसदले अस्वीकृत गरेपछि उनले पद गुमाएका हुन् । संविधानको धारा १६८ (३) अनुसार वैशाख २९ गते मुख्यमन्त्रीमा नियुक्त उनले लामो कसरतबीच बहुमत जुटाउन सकेनन् । माओवादी र जनमोर्चाको समर्थन गुमाएपछि अल्पमतमा परेका उनी ठूलो दलको नेताका हैसियतमा मुख्यमन्त्री बनेका थिए ।
वैशाख २ गते विपक्षी गठबन्धनले गुरुङविरुद्ध अविश्वास प्रस्ताव दर्ता गराएकोमा २६ गते राजीनामा दिएका उनी २९ गते पुनः मुख्यमन्त्रीमा नियुक्त भएका हुन् । बिहीबार भएको मत विभाजनमा गुरुङले २७ मतमात्रै पाए भने विपक्षमा ३० मत प¥यो । जनमोर्चाले कारबाही गरेका सांसद कृष्ण थापा तटस्थ बसे । सत्ता जोगाउन डेढ महिना अघि मन्त्री बनाइएका स्वतन्त्र सांसद राजीव गुरुङ (दीपक मनाङे) आफ्नै सरकारविरुद्ध लागे र संसदमै उपस्थित भएनन् ।
गुरुङ सरकारकै मन्त्री राजीव गुरुङ अनुपस्थित र जनमोर्चाले कारबाही गरेका कृष्ण थापा तटस्थ बस्दा मुख्यमन्त्रीलले २७ मत पाए
पद गुमेपछि गुरुङले प्रक्रियाको परिणाम आएको प्रतिक्रिया दिए । ‘एउटा पक्रिया हो । त्यसको परिणाम आयो,’ उनले भने, ‘अब संवैधानिक प्रक्रियाअनुसार जहाँ जहाँ हुन्छ, त्यहीं जाने हो । उपधारा (५) अनुसार अघि बढ्छ ।’
नेपाली कांग्रेस, नेकपा माओवादी केन्द्र, राष्ट्रिय जनमोर्चा र जसपा मुख्यमन्त्री गुरुङविरुद्ध उभिए । चारवटै दलले विश्वासको मतसम्बन्धी प्रस्तावको विपक्षमा मतदान गर्न ह्विप जारी गरेका थिए । जनमोर्चा सांसद थापा ह्विप नटेरी तटस्थ बसे । प्रधानमन्त्री केपी शर्मा ओलीलाई पछ्याएको आरोपमा मुख्यमन्त्री गुरुङविरुद्ध विपक्षी एकढिक्का भएका हुन् । मुख्यमन्त्री गुरुङ २०७४ फागुन ४ गते पहिलो पटक मुख्यमन्त्रीमा नियुक्त भएका हुन् । सबैभन्दा सुरक्षित मानिएको गण्डकी सरकार राजनीतिक विग्रहले छिन्नभिन्न भएको छ । एउटै घोषणापत्रबाट चुनाव लडेर पार्टी एकीकरण नै गरेको माओवादी केन्द्र र पछि पार्टी प्रवेश गरेका स्वतन्त्र सांसद राजीव गुरुङ मिसिएपछि नेकपाको एकल बहुमत गण्डकीमा थियो ।
प्रधानमन्त्री ओलीको कदमले माओवादी पुरानै अवस्थामा पुग्यो । त्यसपछि २ तिहाइ घटेर सिधै अल्पमतमा झ¥यो । २५ चैतमै माओवादीले २ मन्त्रीलाई सरकारबाट फिर्ता बोलायो । २ वैशाखमासरकारलाई दिएको समर्थन फिर्ता लियो र सोही दिन कांग्रेसको साथ लागेर अविश्वास प्रस्ताव दर्ता गरायो । त्यसमा जनता समाजवादी पार्टीका सांसदले पनि हस्ताक्षर गरे । जनमोर्चाले अलिखित समर्थन गरिदियो ।
कांग्रेस संसदीय दलका नेता कृष्णचन्द्र नेपाली पोखरेल मुख्यमन्त्रीको रेसमा छन् । उनलाई अविश्वास प्रस्ताव दर्ता गराएकै बेला मुख्यमन्त्रीमा अघि सारिएको थियो । गुरुङ सरकार ढलेपछि बहुमतसहित सरकारको दाबी पेस गर्ने विपक्षीको तयारी छ । ‘मुख्यमन्त्रीले सदनमा फेस गर्नुभयो । विश्वासको मत पाउन सक्नुभएन । एउटा प्रक्रिया सकियो,’ पोखरेलले भने, ‘अब गठबन्धन बहुमत पु¥याएर अगाडि बढ्छ । प्रदेश प्रमुखले बोलाएको बेलामा बहुमतका साथ उपस्थित हुन्छौं ।’
स्रोतका अनुसार बिहीबार मतदानमा उपस्थित नभएका सांसद मनाङेले विपक्षी गठबन्धनलाई सरकार गठनका लागि हस्ताक्षरसमेत बुझाइसकेका छन् । ‘उहाँको हस्ताक्षर भइसक्यो । आवश्यक सबै प्रक्रिया अनुसारको कागजात तयार छ,’ स्रोत भन्छ, ‘प्रदेश प्रमुखले बोलाएपछि सबै कागजात पेस हुन्छ । छिट्टै नयाँ सरकार बन्छ ।’ मनाङेले सरकार नै संसद विघटनमा लागेकाले सहयोग नगरेको बताए । सांसद मनाङेले संसद विघटनलाई जोगाउन गुरुङको पक्षमा मत नहालेको बताउँछन् । ‘३० सिट पुग्छ भने बहुमत पु¥याउन हालिदिन्छु भनेको हुँ । यस्तो बेला संसद विघटन गरेर जाने कुरा सबैभन्दा इलिगल हो, उनले भने, ‘एमालेकै ३० प्रतिशत सांसदले विपक्षीमा मतदान गरिदिन आग्रह गरे । संसद जोगाइदिन आग्रह गरे । विघटन कोरोनाभन्दा नराम्रो बिमार हो । कोरोनामा भ्याक्सिन लगाउन मिल्छ । यसको भ्याक्सिन पनि छैन ।’
उनलाई फकाउन बुधबार साँझ मुस्ताङका सांसद इन्द्रधारा विष्ट र महेन्द्रबहादुर थकाली तथा कास्कीका सांसद राजीव पहारी पुगेका थिए । उनीहरुले सरकारले बहुमत पु¥याउन नभई विपक्षीलाई बहुमत पु¥याउनबाट रोक्ने प्रस्ताव गरेपछि सत्तापक्षलाई भोट नदिएको मनाङेले सुनाए ।
संसदबाट नतिजाको विवरण प्रदेश प्रमुखको कार्यालयमा अझै पुगेको छैन । ‘काम गर्दागर्दै ढिलो भयो । मतदान सकिँदा साँझ परिसकेको थियो,’ सचिवालयका अधिकृत जितेन्द्र केसीले भने, ‘शुक्रबार फस्ट आवरमा पठाइन्छ ।’ संसदको पत्र पाएपछि प्रदेश प्रमुख सीताकुमारी पौडेलले उपधारा (५) अनुसार सरकार गठनको आह्वान गर्नेछिन् । यो उपधारा अनुसार जसले बहुमत सांसदको हस्ताक्षर बुझाउन सक्छ, उही मुख्यमन्त्रीमा नियुक्त हुने प्रावधान छ । तर बहुमत पेस गर्न नसके संसद विघटन हुन्छ । गुरुङ सरकारले नै ६ महिनाभित्र निर्वाचन गर्नेछ । सत्तापक्ष आफ्नो बहुमत पु¥याउन नसकेपछि विपक्षीलाई सरकार बनाउने बाटो छेक्ने प्रयासमा छ । सकेसम्म ३१ हस्ताक्षर पुग्न नदिने तयारीमा सरकार पक्ष छ ।
मुख्यमन्त्री गुरुङले विश्वासको मत माग्ने बेला काठमाडौंको रिस नपोख्न बारम्बार आग्रह गरे । उनले पटक पटक राजनीतिक घटनाक्रम नेताहरुको द्वन्द्वका कारण सिर्जना भएको भन्दै त्यसबाट पाठ सिक्न सुझाए । ‘नेताहरुको द्वन्द्वका कारणले लोकतन्त्र सधैं धरापमा परेको छ । यस्ता घटनाहरुमा हामी रोमान्समा भुलिरहेका हुन्छौं कि केही सिक्छौं ?,’ उनले भने, ‘प्रदेश सरकारप्रति तपाईंहरुको ठोस र तार्किक आलोचना छैन । केन्द्रकै बाछिटाले काम गरिरहेको छ ।’ गुरुङले प्रदेशसभामा पनि प्रतिगमन गरिएको आरोप लगाए । ‘प्रतिनिधिसभा विघटन गरेको हुनाले प्रतिगमन गरेको भनेका छौं । तर जनताबाट निर्वाचित प्रदेशसभा विघटनको बाटोमा लाग्नुचाहिं प्रतिगमन होइन ?’, उनले थपे, ‘दहीजस्तै जमेर बसेको प्रदेशसभालाई तानातान र हानाहानको ठाउँ बनाएका छौं । यो पनि प्रतिगमन नै हो । हामी पनि प्रतिगमनको मतियार भएका छौं ।’ उनले प्रदेशसभा सांसदहरु केन्द्रको निर्णय भट्याउने भन्दै ‘मैनाचरी’ को संज्ञा दिए ।
माओवादी केन्द्रका संसदीय दलका नेता हरिबहादुर चुमानले मूल धमिलिएकाले त्यसलाई सङ्ल्याउने प्रयास गरिएको तर्क गरे । ‘कम्युनिस्ट नेताबाट २–२ पटक संसद विघटन यो कम्युनिस्ट आन्दोलनको इतिहासमा कालो धब्बा होइन ? तपाईं हामी, कम्युनिस्ट भन्नेहरुले यसलाई पखाल्न सक्छौं ? यो त गम्भीर भयो त,’ उनले भने, ‘यो संविधानको स्वामित्व हामीले कसरी लिउँला ? तर्क गरेर हुँदैन । व्यवहार हेर्छन्, जनताले । यसको असर प्रदेशमा पनि परिहाल्यो ।’
जसपा सांसद हरिशरण आचार्यले संसदीय मूल्य मान्यतालाई भत्काउन लागेको आरोप लगाए । ‘खानेकुरामा विषादी राख्छौं । खायो भने मान्छेलाई नै असर गर्छ । आज संघीय शासन प्रणालीमा जुन गलत नजिर छ, गण्डकी प्रदेशमा त्यही अवस्था छ,’ उनले भने, ‘संविधानलाई च्यातेर नेपालमा शासन गर्न खोजिन्छ भने त्यसलाई ठीक छ भनेर लुरुलुरु हिँड्ने साथीहरुलाई कसरी समर्थन गर्ने ?’ जनमोर्चा सांसद पियारी थापाले प्रदेश सरकार पनि संविधान विपरीत हिँडेकाले विपक्षमा लागेको बताइन् । ‘एउटा कुकरभित्र पकाएको चामल पनि कुनै पाक्ने कुनै काँचो हुन्छ र ? यो सरकार पनि केन्द्रकै लाइनमा छ, उनले भनिन्, ओली पथ बारम्बार दोहो¥याएको छ । विकास र समृद्धिको हुर्मत लिन खोज्ने सरकारले विपन्न वर्गको उन्मुक्तिको पक्षमा काम गरेन ।’ सांसदहरुले विपक्षी गठबन्धन देश र जनताको पक्षमा भएको दाबी गरे ।
Related News
सम्बन्धित समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
पाेखरा नयाँबजारमा श्रीमद्भागवत् ज्ञानमहायज्ञ जारी
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
hero news full width
मुख्य समाचार
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१