Worldlink ads

अग्रज पत्रकार बास्तोलाको निधन

आदर्श समाज सम्वाददाता
जेठ २७, २०७८
yagya bastola dies

पोखरा ।  आदर्श समाज राष्ट्रिय दैनिकका पूर्व सम्पादक, नेपाल पत्रकार महासंघ कास्की शाखा सदस्य एवं अग्रज पत्रकार यज्ञप्रसाद बास्तोलाको कोरोना संक्रमणका कारण ७० वर्षको उमेरमा निधन भएको छ ।

कोरोना संक्रमण पुष्टि भएपछि रिजनल अस्पताल पोखरामा उपचार गराइरहेका उनलाई थप उपचारका लागि चरक अस्पताल भर्ना गरिएकोमा बिहीबार बिहान ३ः१० बजे उपचारका क्रममा निधन भएको हो । कास्कीको पुरुञ्चौरमा जन्मिएर पोखरा ५ मा स्थायी बासिन्दा बास्तोलाका २ श्रीमती, ३ छोरा र १ छोरी छन् ।
पोखरामा झण्डै ३ दशक पत्रकारिता गरेका बास्तोलाले पोखराको माछापुच्छ«े एफएम, माइक्रो न्युज र स्वतन्त्र सन्देशमा कार्यक्रम प्रस्तोता, सहसम्पादक र सम्पादक पदमा रही काम गरेका थिए ।

यसैबीच बास्तोलाको निधनप्रति नेपाल पत्रकार महासंघ कास्कीले चरक अस्पताल परिसरमा श्रद्धाञ्जलीसभा गरेको छ । श्रद्धाञ्जलीसभामा महासंघका अध्यक्ष विमला भण्डारी र केन्द्रीय सदस्य त्रिभुवन पौडेलले पत्रकारिताका क्षेत्रमा उनले पु¥याएको योगदानको चर्चा गरेका थिए । असामयिक निधनप्रति नेपाल पत्रकार महासंघ गण्डकी प्रदेश समितिलगायत पत्रकार सम्बद्ध संघसंस्थाले शोक वक्तव्य प्रकाशित गर्दै दुख व्यक्त गरेका छन् ।

बास्तोलाको निधनले नेपाली पत्रकारिता क्षेत्रले १ कुशल, ऊर्जाशील, इमानदार र यस क्षेत्रको अभिभावक गुमाएको उल्लेख गरिएको छ । विज्ञप्तिमा स्व. बास्तोलाप्रति श्रद्धाञ्जली व्यक्त गर्दै शोक सन्तप्त परिवारजनमा समवेदना व्यक्त गरिएको छ । यसअघि कास्कीका युवा पत्रकार जगन्नाथ पौडेल (गणेश) को पनि कोरोना संक्रमण भई निधन भएको थियो ।
स्वतन्त्र पत्रकार संघ नेपालका केन्द्रीय पार्षद उनी आनन्द मार्ग आध्यात्मिक संघ पोखरा शाखाका संस्थापक पनि हुन् ।

यसैबीच स्वतन्त्र पत्रकार संघ कास्कीका अध्यक्ष असफल गौतमले शोक विज्ञप्तिमार्फत बास्तोलाको निधनप्रति दुख व्यक्त गरेका छन् । विज्ञप्तिमा संस्थाले १ विवेकशील र संयमशील व्यक्तित्व गुमाएको उल्लेख गर्दै शोकसन्तप्त परिवारप्रति समवेदना व्यक्त गरिएको छ ।

Related News

सम्बन्धित समाचार

    hero news full width

    Jewellery

    sanil ads

    wordlink ads