प्रदेशमा एकैदिन अहिलेसम्मकै बढी कोरोनामुक्त

आदर्श समाज सम्वाददाता
जेठ २६, २०७८
Corona Banner

पोखरा । गण्डकी प्रदेशमा बुधबार १ हजार ७ सय ३३ जनाले कोरोना जितेका छन् । यो पछिल्लो एक महिना कै उच्च संख्या हो । यो भन्दा अघि सोमबार मात्र १५ सय ३० जना कोरोना मुक्त भएका थिए । त्योभन्दा पहिला जेठ ७ गते १३ सय ९६ जनाले कोरोना जितेका थिए । त्यो पछि बुधबार सबैभन्दा बढि कोरोना निको भएका हुन् ।

प्रदेश स्वास्थ्य निर्देशनालयका अनुसार योसँगै प्रदेशमा कोरोना निको हुनेको संख्या ४० हजार ८५३ पुगेका छन् । नेपालभर पछिल्लो २४ घण्टामा ५७६८ जना संक्रमणमुक्त भएका छन् ।

यस्तै प्रदेशमा कोरोना जित्ने बढ्दा संक्रमित भने घटेका छन् । बुधबार प्रदेशमा २ हजार १४४ जनाको नमुना परीक्षण गरिएकोमा थप ६६३ जनामा कोरोना पोजेटिभ देखिएको हो । कास्कीका ९१ सहित म्याग्दीका १७ जना, पर्वतका ३९ जना, गोरखाका ८६ जना, लमजुङका ८९ जना तनहुँका ६९ जना, बाग्लुङका ६० जना, स्याङ्जाका ५१ जना मुस्ताङका ११ जना र नवलपुरका १५० जना गरी प्रदेशका १० जिल्लामा ३३१ पुरुष तथा ३३२ जना महिलामा कोरोना पुष्टि भएको हो । योसँगै गण्डकी प्रदेशमा कोरोना संक्रमितको कुल संख्या ४८ हजार ४७२ पुगेको छ । स्वास्थ्य तथा जनसंख्या मन्त्रालयका अनुसार नेपारभर १२ हजार ७४ पीसीआर परीक्षणमा ४३४४ जनामा संक्रमण पुष्टि भएको हो ।

गण्डकीमा १० थप जनाको कोरोनाबाट मृत्यु

गण्डकी प्रदेशमा कोरोना संक्रमणबाट थप १० जनाको मृत्यु भएको छ । मृत्यु हुनेमा नवलपुरका ३, कास्की, म्याग्दी र तनहुँका २÷२ र पर्वतका १ जना रहेका प्रदेश स्वास्थ्य निर्देशनालय पोखराले जनाएको छ ।

नवलपुरको मध्यविन्दु नगरपालिका ९ का ७३ वर्षीय पुरूषको सोमबार अस्पताल लैजादै गर्दा मृत्यु भएको हो । नवलपुरको विनयत्रिवेणी गाउँपालिका ४ का ८० वर्षीय पुरूषको भरतपुर अस्पताल, चितवनमा उपचारको क्रममा निधन भएको हो । नवलपुरको गैंडाकोट नगरपालिका ९ की ४० वर्षीय कोरोना संक्रमित महिलाको भरतपुर अस्पताल, चितवनमा उपचारको क्रममा ज्यान गएको हो । कास्कीको पोखरा महानगरपालिका १७की ५५ वर्षीय महिलाको मेडिप्लस अस्पताल, पोखरामा उपचारको क्रममा मृत्यु भएको हो । पोखरा ५ का ४६ वर्षीय पुरूषको फिस्टेल अस्पतालमा ज्यान गएको हो ।

यसैगरि तनहुँको शुक्लागण्डकी नगरपालिका ७ का ९९ वर्षीय पुरूषको गण्डकी मेडिकल कलेज, पोखरामा उपचारको क्रममा मृत्यु भएको हो । तनहुँ के भिमाद नगरपालिका ५ का ६५ वर्षीय पुरूषको गण्डकी मेडिकल कलेज, पोखरामा उपचारको क्रममा निधन भएको हो । पर्वतको जलजला गाउँपालिका २ की ६३ वर्षीया कोरोना संक्रमित महिलाको बेनी अस्पताल, म्याग्दीमा उपचारको क्रममा ज्यान गएको हो । म्याग्दीको बेनी १० की ७५ वर्षीया पुरूषको बेनी अस्पताल, म्याग्दीमै उपचारको क्रममा मृत्यु भएको हो । म्याग्दी कै मालिका गाउँपालिका ६ का ४३ वर्षीय कोरोना संक्रमित पुरूषको मणिपाल शिक्षण अस्पताल, पोखरामा उपचारको क्रममा ज्यान गएको हो ।

योसँगै प्रदेशमा कोरोना संक्रमणबाट निधन हुनेको संख्या ७९९ पुगेको छ । नेपालभर पछिल्लो २४ घण्टामा कोरोना भाइरस संक्रमणका कारण ८१ जनाको मृत्यु भएको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width