३० लाख बराबरको स्वास्थ्य सामग्री सहयोग

आदर्श समाज सम्वाददाता
जेठ २१, २०७८
helth news 020 (2)

पोखरा । बोधी सत्वा बिहार, काठमाडौं र सामाजिक अभियन्ता शान्त शर्माको पहलमा कास्कीमा २० थान अक्सिजन कन्सन्ट्रेटरसहित करिब ३० लाख बराबरको स्वास्थ्य सामग्री प्राप्त भएको छ । ती सामग्री विहीबार कास्कीका ३ सामुदायिक अस्पताल, कास्कीका गाउँपालिका, पत्रकार महासंघ कास्की, फोटो पत्रकार महासंघ गण्डकी सहित विभिन्न संघसंस्थालाई वितरण गरियो ।

पोखरा स्वास्थ्य विज्ञान प्रतिष्ठानअन्तर्गत पश्चिमाञ्चल क्षेत्रीय अस्पताल, गण्डकी प्रदेशको संक्रामक तथा सरुवा रोग अस्पताल र शिशुवा कोभिड अस्पताललाई १० लिटरका २ र ५ लिटरका ३ गरी ५/५ थान अक्सिजन कन्सट्रेटर वितरण गरिएको पोखराका लागि स्वास्थ्य सामग्री वितरण संयोजक पत्रकार दीननाथ बरालले बताए । साथै ती अस्पताललाई पिपिई १ सय सेट, १ कार्टुन औषधी, मास्क, सेनिटाइजर, ट्वाइलेट क्लिनर, फिनेल, ह्यान्डवास, फेससिल्ड, अक्सोमिटर वितरण गरियो ।

यस्तै, माछापुच्छ्रे गाउँपालिकाका उपाध्यक्ष कृष्णकुमारी दवाडी, पोखरा २२ का वडाध्यक्ष मित्रलाल बराल, पोखरा २२ स्वास्थ्य चौकीका अहेव विदुर रेग्मी, पत्रकार महासंघ कास्की, फोटो पत्रकार महासंघ गण्डकीलाई स्वास्थ्य सामग्री हस्तान्तरण गरियो ।

बोधि सत्वा बिहार र सामाजिक अभियन्ता शान्त शर्माका पहलमा पोखरा सामग्री कास्कीका ३ सामुदायिकसहित विभिन्न संघसंस्थालाई वितरण गरिएको हो ।

कार्यक्रममा पोखरा महानगरका मेयर मानबहादुर जिसी, प्रतिष्ठानका निर्देशक प्राडा भरतबहादुर खत्री, प्रतिष्ठानका कोभिड फोकल पर्सन डा. शरदचन्द्र बराल, संक्रामक तथा सरुवा रोग अस्पतालका प्रमुख डा. विकास गौचनलाई उक्त स्वास्थ्य सामाग्री संयोजक दीननाथ बराल, सामाजिक बाल अभियन्ता पे्रन्सा रेग्मी, पोखरेली युवा व्यवसायी श्याम शेरचनले हस्तान्तरण गरेका थिए ।

सो अवसरमा मेयर जिसीले प्राप्त स्वास्थ्य सामग्री आवश्यकताको आधारमा प्रयोग गर्ने बताउँदै महामारीका बेला निजी क्षेत्रको समेत सहकार्य आवश्यक भएको बताए । पोखरा २७ को वडा कार्यालयमा आफूहरुले चुनौती मोलेरै १० दिनमा १ सय बेडको शिशुवा कोभिड उपचार केन्द्रको अस्पताल सञ्चालन गरेको उनले जनाए । प्रतिष्ठानका निर्देशक प्राडा खत्रीले नेपालको स्वास्थ्य क्षेत्र कमजोर व्यवस्थापनले महामारीमा मानिसलाई उचित स्वास्थ्य सेवा दिन कठिन हुने गरेको जनाए ।

पत्रकार महासंघ कास्की अध्यक्ष भण्डारीले महामारीको बेला प्राप्त सहयोगको गुन भुल्न नसकिने बताइन् ।

अन्नपूर्ण, रुपा र मादी गाउँपालिकालाई ५ लिटरको अक्सिजन कन्सन्टेटर सहितको स्वास्थ्य सामग्री शुक्रबार वितरण गरिने संयोजक बरालले बताए । काठमाडौंबाट पोखरासम्म २ मिनी ट्रक गाडीमा उक्त सामान ल्याउने व्यवस्था सामाजिक अभियन्ता प्रेन्सा रेग्मीले गरेकी थिइन् ।

बुद्ध गुरु मास्टर्सको पहलमा नेपालमा यस वर्ष करिब १३ करोडभन्दा बढी मूल्य बराबरका स्वास्थ्य सामग्री भित्रिँदै गरेको नेपाल संयोजक शान्त शर्माले बताए । पहिलो चरणमा बुद्ध गुरु मास्टर्स र बोधी सत्वा बिहारबाट करिब ५ करोड मूल्य बराबरको स्वास्थ्य सामग्री नेपालमा वितरण भएको थियो ।

Related News

सम्बन्धित समाचार

    • पोखरा महानगरको बजेट ६ अर्ब २७ कराेड- पूर्णपाठसहित

      आदर्श समाज सम्वाददाता असार १०, २०७८
      पाेखरा । पोखरा महानगरले आगामी आर्थिक वर्षका लागि ६ अर्ब २७ करोड ७५ लाख रुपैयाँको बजेट ल्याएको छ । चालु…
    • संक्रामक अस्पतालमा छिट्टै अक्सिजन प्लान्ट

      आदर्श समाज सम्वाददाता असार १०, २०७८
      पोखरा । गण्डकी प्रदेश मातहतको संक्रामक तथा सरुवा रोग अस्पतालमा अक्सिजन प्लान्ट स्थापना हुने भएको छ । पुरी फाउन्डेसन बेल्जियमको…
    • वेष्ट फाइनान्सको सोलार प्यानल सहयोग

      आदर्श समाज सम्वाददाता असार १०, २०७८
      पोखरा । वेष्ट फाइनान्स कम्पनीले सिन्धुपाल्चोकको हेलम्वुबासीलाई ४८ थान सोलार प्यानल सहयोग गरेको छ । मेलम्चीमा आएको बाढीले पर्‍याएको क्षतिले…
    • जनप्रियलाई कृषि विकास बैंकको सहयोग

      आदर्श समाज सम्वाददाता असार १०, २०७८
      पोखरा । कृषि विकास बैंकले जनप्रिय बहुमुखी क्याम्पसलाई शैक्षिक सामग्री, कम्प्युटर तथा प्रोजेक्टर हस्तान्तरण गरेको छ । बैंकको गण्डकी प्रदेश…
    • ‘खोप नदिए ग्यास दिन्नौं’

      आदर्श समाज सम्वाददाता असार १०, २०७८
      पोखरा । आफूहरुको लागि कोरोनाविरुद्धको खोप प्राथमिकतामा नराखेको भन्दै ग्यास विक्रेता आन्दोलित भएका छन् । उनीहरुले बिहीबारदेखि खाना पकाउने एलपी ग्यास…

    hero news full width

    sanil ads

    wordlink ads