पोखरा । राष्ट्रिय युवा संघ नेपाल गण्डकी प्रदेशले पोखरा स्वास्थ्य विज्ञान प्रतिष्ठानलाई अक्सिजन ग्यास सिलिन्डर सहयोग गरेको छ । बिहीबार राष्ट्रिय युवा संघको केन्द्रीय अध्यक्ष किरण पौडेलले प्रतिष्ठानका उपकुलपति डा। डुकबहादुर क्षेत्रीलाई ५० थान सिलिन्डर हस्तान्तरण गरेका हुन् ।

महेन्द्र गुरुङको व्यक्तिगततर्फबाट १३ वटा र विभिन्न व्यवसायीको सहयोगमा ३७ वटा सिलिन्डर अस्पताललाई उपलब्ध गराएको अध्यक्ष गुरुङले जानकारी दिए । बिहीबार नै ३० वटा पिपिइ सेट, ५ हजार मास्क र सेनिटाइजर सहयोग गरेको हो । मास्क र सेनिटाइजर राष्ट्रिय युवा संघ नेपालले उपलब्ध गराएको हो भने पिपिइ व्यवसायीले सहयोग गरेको अध्यक्ष गुरुङले बताए ।

उपकुलपति डा क्षेत्रीले युवा संघले दुखको बेलामा सराहनीय काम गरेको बताए । उक्त सिलिन्डरलाई स्टकमा राख्ने र आकस्मिक रुपमा प्रयोग गरेर बिरामीको उपचारमा प्रयोग गरिने डा। क्षेत्रीले जानकारी दिए । युवा संघका केन्द्रीय अध्यक्ष किरण पौडेलले युवा संघ कोरोनाको दोस्रो भेरियन्ट सुरु भएदेखि नै अलर्ट अवस्थामा बसेको बताए । पूर्वदेखि पश्चिमसम्म युवा संघ स्वयं पुगेर सहयोग गरेको पनि उनको भनाइ थियो । अब युवा संघ भ्याक्सिनको लागि तयारी अवस्थामा रहेको उनले जनाए ।

राष्ट्रिय युवा संघ नेपाल गण्डकी प्रदेशले बिहीबार नै कास्कीका ४ गाउँपालिकालाई १२ वटा अक्सिजन कन्सन्ट्रेटर सहयोग गरेको थियो । मादी र माछापुच्छ«ेलाई ४÷४ साथै रुपा र अन्नपूर्ण गाउँपालिकालाई २÷२ वटा कन्सन्ट्रेटर उपलब्ध गराएको युवा संघ गण्डकीका अध्यक्ष गुरुङले जानकारी दिए ।