पत्रकार गणेश पौडेलको स्मृतिमा सभा

आदर्श समाज सम्वाददाता
जेठ १२, २०७८
FNJ Photo

पोखरा  । नेपाल पत्रकार महासंघ, कास्कीका सदस्य जगन्नाथ पौडेल (गणेश) को स्मृतिमा मंलगबार श्रद्धाञ्जली सभा गरिएको छ । पौडेलको १३ औं दिनको पुण्यतिथिमा पत्रकार महासंघ कास्कीले श्रद्धाञ्जली सभा आयोजना गरेको हो ।

सभामा पत्रकार महासंघका केन्द्रीय सदस्य सरिता तिमिल्सिना पगेनीले पत्रकार गणेश पौडेलका परिवारका सदस्यलाई रोजगारी दिलाउन महासंघले पहल गर्नुपर्नेमा जोड दिइन् ।

पत्रकार महासंघ गण्डकी महासचिव गोविन्द सुवेदीले कोभिडको बहानामा कुनै पनि मिडिया हाउसले पत्रकार निष्कासन गर्न नहुने भन्दै यस्तो गरेको पाइए महासंघ चुप लागेर नबस्ने चेतावनी दिए ।

महासंघ कास्की अध्यक्ष बिमला भण्डारीले टेलिभिजन पत्रकारिता जगतमा उदाउँदो व्यक्तित्व पौडेलको निधनले कहीं न कही अभाव महसुस हुने बताइन् । सत्रुलाई पनि मित्रवत व्यवहार गर्ने पौडेलको निधनले पत्रकारिता जगतमा अपूरणीय क्षति पुगेको भण्डारीले बताइन् । साथै उनले कोरोना महामारीमा अत्यन्तै जिम्मेवार र सजग भएर खटिन पत्रकारलाई आग्रह गरिन् ।

महासंघ कास्कीका पूर्व अध्यक्ष नारायण कार्कीले सहयोद्धा पौडेलको निधनले सिंगो पत्रकारिताजगत स्तब्ध भएको भन्दै उनलाई बिर्सन निकै गाह्रो पर्ने बताए । कोरोना संक्रमणले छोइहाले कत्ति पनि आत्तिन नहुने भन्दै उनले पोषिलो, झोलिलो पदार्थ खान र पुदिनाको पात प्रयोग गर्न सुझाव दिए ।

सभामा नेपाल प्रेस युनियन कास्की अध्यक्ष नवीन सिग्देल, प्रेस संगठनका जिल्ला अध्यक्ष सन्देश श्रेष्ठ, पत्रकार अपिल त्रिपाठी, महासंघका सचिव माधव बरालले पत्रकार पौडेलको निधनले सिंगो पत्रकारिताजगत नै स्तव्ध भएको बताए ।

गण्डकी टेलिभिजनमा कार्यरत पत्रकार पौडेलको कोरोना संक्रमणका कारण वैशाख ३० मा निधन भएको थियो । पोखरा ३३, बागमारा निवासी ४० वर्षीय पौडेल डेढ दशक अघिदेखि पत्रकारितामा सक्रिय थिए । उनका श्रीमती र २ छोरा छन् ।

देशभर १६ पत्रकारको निधन

नेपालमा कोरोना भाइरस संक्रमणका कारण हालसम्म १६ जना पत्रकारको निधन भएको छ । यस्तै, ८ सय ५० जना पत्रकार संक्रमित भएको महासंघका केन्द्रीय सदस्य सरिता पगेनी तिमिल्सिनाले जानकारी दिइन् ।

उनले पत्रकार महासंघले कोरोना संक्रमणबाट निधन भएका प्रत्येक पत्रकारका परिवारलाई ३० हजार रुपैयाँ उपलव्ध गराउने निर्णय भएको जानकारी दिइन् ।

यस्तै, गण्डकीमा कोरोना संक्रमणका कारण २ पत्रकारको निधन भएको छ । गण्डकीमा हालसम्म १ सय ९ जना पत्रकार संक्रमित भएको र अधिकांश निको भइसकेको महासंघ गण्डकीका महासचिव गोविन्द सुवेदीले जानकारी दिए ।

उनका अनुसार संक्रमितमध्ये हाल ७ जना सक्रिय संक्रमित छन् । उनीहरु होम आइसोलेसनमै बसिरहेका छन् ।

Related News

सम्बन्धित समाचार

  • ‘अनन्त यात्रा’ लिएर आए कवि प्रदीप

    आदर्श समाज सम्वाददाता माघ २८, २०८१
    पोखरा । कवि प्रदीप खनाल आफ्नो पहिलो कवितासंग्रह ‘अनन्त यात्रा’ लिएर पाठकमाझ आएका छन् । उनको कृतिको शनिबार पोखरामा आयोजित…
  • पोखरा वडा २७ को आफ्नै भवन

    आदर्श समाज सम्वाददाता माघ २८, २०८१
    लेखनाथ । पोखरा महानगरपालिका वडा २७ को भवन उद्घाटन गरिएको छ । साविक लेखनाथ नगरपालिका कार्यालय परिसरको जग्गामा नवनिर्मित वडा…
  • भद्रकाली माविको ७३ औं वार्षिकोत्सव

    आदर्श समाज सम्वाददाता माघ २४, २०८१
    पोखरा । पोखरा १३ कुँडहरस्थित भद्रकाली माविको ७३ औं वार्षिकोत्सव, अभिभावक दिवस तथा पुरस्कार वितरण कार्यक्रम सोमबार सम्पन्न भयो ।…
  • रुपाताल संरक्षण परियोजना निर्माणमा जोड

    आदर्श समाज सम्वाददाता माघ २४, २०८१
    लेखनाथ । ऊर्जा, जलस्रोत तथा सिंचाइ मन्त्री दीपक खड्काले रुपाताल संरक्षण परियोजना निर्माणलाई तीव्र पार्नुपर्नेमा जोड दिएका छन् । पोखरा–३२…
  • काटिएका रुखका मुढा जफत

    आदर्श समाज सम्वाददाता माघ २४, २०८१
    पोखरा । कोटीहोमका लागि भन्दै पोखराका वर्षौ पुराना वर, पीपल, शमी जातका रुखहरु काटेर थुपारिएका मुढाहरु पोखरा महानगरपालिकाले जफत गरेको…

hero news full width