पोखरा । गण्डकी प्रदेशमा मंगलबार हालसम्मकै बढी संक्रमित भेटिएका छन् । पिसिआर र एन्टिजेन गरी ३ हजार ३ सय ६८ जनाको परीक्षणमा झन्डै आधाजसोमा संक्रमण पुष्टि भएको हो । जसमा करिब ४६ प्रतिशत अर्थात १ हजार ५ सय ४९ जनामा संक्रमण पुष्टि भएको प्रदेश स्वास्थ्य निर्देशनालय गण्डकीले विज्ञप्तिमार्फत जनाएको छ ।
कोरोनाको दोस्रो लहरसँगै नयाँ भेरियन्टले संक्रमित दर बढ्दै जाँदा यो संख्या अहिलेसम्मकै बढी हो । यसअघि गत जेठ ६ मा ३ हजार ३ सय ७७ जनाको परीक्षणमा १ हजार ३ सय ७२ जनासम्म संक्रमण भेटिएका थिए । वैशाख २८ यता हजारभन्दा बढी संक्रमित ३ दिन देखा परेको छ । जेठ ७ मा पनि १ हजार ५३ संक्रमित भेटिएका थिए । त्यसबेला २ हजार ६७ परीक्षणमध्ये ५० प्रतिशत मानिसमा कोभिड–१९ देखा परेको थियो । अघिल्लो दिन सोमबार गण्डकीमा संक्रमित संख्यामा ओरालो लागेकोमा पुनः संक्रमित संख्या बढ्दा थप सचेतना जरुरी रहेको स्वास्थ्यकर्मीहरु बताउँछन् ।
३३ सयको परीक्षणमा १५ सय संक्रमित
थप संक्रमितमध्ये सबैभन्दा धेरै कास्कीका ४ सय ४० रहेका छन् । कास्कीमा १ हजार जनाको परीक्षण भएको हो । हाल जिल्लामा सक्रिय संक्रमित ३ हजार ५७ जना छन् ।
मंगलबार स्याङ्जामा २ सय ४० संक्रमित थपिए । कास्कीपछि सबैभन्दा बढी सक्रिय संक्रमित रहेको जिल्ला स्याङ्जा हो । यहाँ हाल १३ सय सक्रिय संक्रमित छन् । लमजुङमा २ सय ३९, गोरखा २ सय २३, नवलपुर १ सय ५६, पर्वत ९२, तनहुँ ६२, म्याग्दी ५१, मुस्ताङ ४४, बागलुङ २ जना संक्रमित थपिएका छन् । मनाङ शुन्य रह्यो ।
योसँगै गण्डकीमा कुल संक्रमित संख्या ३६ हजार ८ सय ७५ पुगेको छ । सक्रिय संक्रमित १० हजार ६ सय हाराहारी छन् । तीमध्ये होम आइसोलसनमा ९ हजार ७ सय बसेका छन् । प्रदेशमा पछिल्लो समय १९ जनाको मृत्युसँगै ज्यान गुमाउने ५ सय ७० पुगेका छन् ।
७० प्रतिशत निको
गण्डकी प्रदेशमा संक्रमित संख्याको ग्राफ बढ्दा निको हुने पनि बढ्दै गएका छन् । अघिल्लो दिनको तुलनामा प्रदेशमा निको हुनेको संख्या दोब्बर छ । सोमबार ६ सय ५३ जना निको भइ घर फर्किंदा मंगलबार १ हजार २ सय ७७ निको भएका हुन् । प्रदेशमा हालसम्म २५ हजार ६ सय ९७ निको भएका छन् । दुई साता यता सबैभन्दा बढी जेठ ७ मा १ हजार ३ सय ९६ जना निको भएका थिए । त्यसपछि सबैभन्दा बढी संख्यामा मंगलबार निको भएका हुन् । आइतबार ६ सय ९९ संक्रमित निको भएका थिए । हालसम्म गण्डकी प्रदेशमा ७० प्रतिशत संक्रमित निको भइसकेका छन् ।
Related News
सम्बन्धित समाचार
कोभिडबाट एकको मृत्यु, १०६ संक्रमित थपिए
कोरोना भाइरसबाट आज एक जनाको निधन
गण्डकीका ३ सहित मुलुकभरका १३ जिल्लामा कोरोनाको शून्य संक्रमण
कास्कीमा २ सय बढी संक्रमित
कोरोनाको उद्गमस्थल चीनको वुहानमा फेरि लकडाउन
hero news full width
मुख्य समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१