१ सय ४६ सांसदकाे हस्ताक्षरसहित सर्वोच्च पुगे विपक्षी गठबन्धनका शीर्ष नेता

आदर्श समाज सम्वाददाता
जेठ १०, २०७८
supreme court

पाेखरा ।  प्रतिनिधि सभा विघटनविरुद्ध राजनीतिक र कानुनी प्रतिवादका  लागि ५ राजनीतिक दलका शीर्ष नेताहरु रिट निवेदन लिएर सर्वोच्च अदालत पुगेका छन्।

कांग्रेस सभापति शेरबहादुर देउवाको पक्षमा बहुमत रहेको र उनैलाई प्रधानमन्त्री बनाउनुपर्ने मागसहित सर्वोच्च अदालतमा रिट दायर गर्ने तयारीमा रहेका विपक्षी गठबन्धनले १४६ जनाको हस्ताक्षर जुटाएको छ।

रिटमाथिको सुनुवाइका लागि संवैधानिक इजलास दाबी गरिने  भएको छ। गत पुस ५ गते भएको संसद विघटनविरुद्ध दायर भएका रिटमा पनि संवैधानिक इजलासले नै फैसला सुनाएको थियो।

रिटमा देउवालाई प्रधानमन्त्री नियुक्त गर्ने आदेश होस्, ओली अवैधानिक प्रधानमन्त्री भनियोस्, धारा ७६ (५)को व्याख्या होस्, तत्काल संसद् पुनःस्थापनाको लागि अन्तरिम आदेश होस् र निर्वाचन गर्दा आर्थिक व्ययभार हुने भएकाले रोक्नलाई अन्तरिम आदेश होस् भन्ने माग गर्ने तय भएको छ।

Related News

सम्बन्धित समाचार

hero news full width