पोखरा । गण्डकी प्रदेशमा १ हजार ३ सय ९६ जनाले कोरोना जितेका छन् । प्रदेशमा शुक्रबार संक्रमितभन्दा निको हुनेको संख्या बढी छ । गण्डकीमा १ हजार ५३ जनामा संक्रमण हुँदा संक्रमितको संख्याभन्दा ३ सय ४३ बढी निको भएका हुन् । यसले गर्दा सरकारले गरेको निषेधाज्ञा प्रभावकारी बन्दै गएको देखिएको छ । कोरोनाबाट ज्यान गुमाउने संख्या पनि दिनानुदिन बढ्दै गएको छ । बिहीबार २२ जनाको कारोनाको कारण ज्यान गुमाए पनि शुक्रबार १९ जनाको कोरोनाको कारण मृत्यु भएको छ ।
पछिल्लो १ महिनाअवधिमा अरु दिनको तुलनमा शुक्रबार सबैभन्दा धेरै कोरोनामुक्त भएका हुन् । बिहीबार ४ सय ३३ जना, बुधबार ५ सय ६७ जना निको भएका थिए । योसँगै प्रदेशमा कोरोना जित्नको संख्या २२ हजार ७ सय ९४ पुगेको छ । प्रदेशभरि ३३ हजार १ सय १३ कुल संक्रमित हुँदा ६८.८३ प्रतिशत कोरोनामुक्त भएका हुन् ।
यसैगरी शुक्रबार प्रदेशमा १ हजार ५३ जनामा कोरोना पुष्टि भएको छ । २ हजार ६७ जनाको स्वाब परीक्षण गर्दा ५०.९४ प्रतिशतमा कोरोना देखिएको हो । योसँगै गण्डकी प्रदेशमा सक्रिय कोरोना संक्रमितको संख्या ९ हजार ८ सय २६ पुगेको छ । तीमध्ये ९ हजार ६ सय १६ जना होम आइसोलेसनमा छन् ।
कास्की सबैभन्दा बढी ३ सय ८३ र सबैभन्दा कम स्याङ्जामा ३२ जनामा संक्रमण भएको छ । मनाङ र मुस्ताङमा संक्रमित संख्या शून्य हुँदा बागलुङमा २ सय ४ र म्याग्दीमा १ सय ७ रहेको छ । यसैगरी गोखरामा ९८, नवलपुरमा ७४, पर्वतमा ६५, तनहुँमा ५४, लमजुङमा ३६ र स्याङ्जामा ३२ जनामा कोरोना पुष्टि भएको छ ।
गण्डकीमा १९ जनाको कारोनाबाट मृत्यु
गण्डकी प्रदेशमा कोरोना संक्रमणबाट शुक्रबार १९ जनाको मृत्यु भएको छ । प्रदेश स्वास्थ्य निर्देशनालयले दिएको जानकारी अनुसार कास्कीका ९, पर्वत र तनहुँका ३÷३ साथै स्याङ्जा र नवलपुरमा २/२ जनाको कोरोना संक्रमणबाट ज्यान गएको हो । योसँगै प्रदेशमा कोरोनाबाट ज्यान गुमाउनेको संख्या ४ सय ८३ पुगेको हो ।
कास्की पोखरा महानगरपालिका ५ का ९० वर्षीय पुरूषको मणिपाल शिक्षण अस्पताल, पोखरामा उपचारको क्रममा निधन भएको हो । पोखरा १६ का ३४ वर्षीय कोरोना संक्रमित पुरूषको पनि होम आइसोलेसनमा मृत्यु भएको हो । पोखरा महानगरपालिका १० का ५९ वर्षीय पुरूषको पश्चिमाञ्चल सामुदायिक अस्पताल, पोखरामा निधन ज्यान गएको हो । पोखरा ११ का ५८ वर्षीय पुरूषको मेडिप्लस अस्पताल, पोखरामा निधन भएको हो ।
पोखरा महानगरपालिका १३ का ५९ वर्षीय पुरूषको गण्डकी मेडिकल कलेज, पोखरामा उपचारको क्रममा निधन भएको छ । पोखरा ३ की ६५ वर्षीया महिलाको पोखरा स्वास्थ्य विज्ञान प्रतिष्ठान, पोखरामा उपचारको ज्यान गएको हो । पोखरा २७ की ४८ वर्षीय महिलाको पनि पश्चिमाञ्चल सामुदायिक अस्पताल, पोखरामा उपचारको क्रममा मृत्यु भएको हो । पोखराकै वडा नम्बर १७ की ९६ वर्षीया महिलाको होम आइसोलेसनमा शुक्रबार ज्यान गएको हो ।
यसैगरी पर्वतको मोदी गाउँपालिका ४ की ७० वर्षीया महिलाको पोखरा स्वास्थ्य विज्ञान प्रतिष्ठान, पोखरामा उपचारको मृत्यु भएको हो । पर्वतकै कुश्मा नगरपालिका १ का ४५ वर्षीय पुरूषको मणिपाल शिक्षण अस्पताल, पोखरामा उपचारको शुक्रबार निधन भएको हो । पर्वतको कुश्मा नगरपालिका ६ का ५० वर्षीय पुरूषको गण्डकी मेडिकल कलेज, पोखरामा उपचारको क्रममा ज्यान गएको हो ।
यस्तै नवलपुरको कावासोती नगरपालिका ८ का ६८ वर्षीय पुुरूषको चितवन मेडिकल कलेज, चितवनमा उपचारको मृत्यु भएको हो । नवलपुरको विनयत्रिवेणी गाउँपालिका ४ का ८४ वर्षीय पुरूषको भरतपुर अस्पताल, चितवनमा उपचारको क्रममा शुक्रबार निधन भएको हो । तनहुँ व्यास नगरपालिका ८ का ६८ वर्षीय पुरूषको फिस्टेल अस्पताल, पोखरामा उपचारको क्रममा मृत्यु भएको हो । तनहुँकै व्यास नगरपालिका ६ का ६० वर्षीय कोरोना संक्रमित पुरूषको शुक्रबार मृत्यु भएको हो । तनहुँकै शुक्लागण्डकी नगरपालिका ४ का ६५ वर्षीय पुरूषको पश्चिमाञ्चल सामुदायिक अस्पताल पोखरामा उपचारको क्रममा निधन भएको हो ।
यसैगरी स्याङ्जाको चापाकोट नगरपालिका ७ की ६५ वर्षीया महिलाको गण्डकी मेडिकल कलेज, पोखरामा उपचारको क्रममा मृत्यु भएको हो । स्याङ्जाको अर्जुनचौपारी गाउँपालिका ६ का ५२ वर्षीय पुरूषको शुक्रबार उपचारको लागि जिल्ला अस्पताल स्याङ्जा लैजाँदै गर्दा ज्यान गएको हो । कास्कीको पोखरा महानगरपालिका ३३ का ८६ वर्षीय पुरूषको संक्रामक तथा सरूवा रोग अस्पताल, पोखरामा उपचारको क्रममा मृत्यु भएको हो ।
Related News
सम्बन्धित समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
रोजगार खोज्दै मेलामा
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१