पोखरा । पोखरा महानगरले कोमागाने मातृशिशु अस्पताललाई कोभिड अस्पतालका रुपमा विकास गर्ने भएको छ । पोखरा महानगरपालिको ४९ आंै कार्यापालिका बैठकले योसहित कोभिड नियन्त्रणका लागि विभिन्न निर्णय गरेको छ ।
महानगरले कोभिड नियन्त्रणका लागि भएका निर्णयमा मातृशिशु अस्पताललाई कोभिड अस्पताल बनाउन २५ लाख उपलब्ध गराउने भएको छ । जिल्ला समन्वय समिति कास्कीबाट प्राप्त १५ लाखमा महानगरबाट १० लाख थप २५ लाख रुपैयाँ उपलब्ध गराउने निर्णय भएको महानगरका प्रवक्ता धनबहादुर नेपालीले जानकारी दिए ।
यसैगरी साविक लेखनाथ नगरपालिकाको भवनमा बन्ने कोभिड आइसोलेसन अस्पतालका लागि आवश्यकता बमोजिम जनशक्ति तयार गर्ने निर्णय पनि गरेको छ । कोभिड वार्ड सञ्चालनका लागि आवश्यक खरिद प्रक्रिया एवं जनशक्ति तथा औषधि आपूर्तिको प्रक्रिया अघि बढाउन बैठकले बाटो खुलाएको छ । पोखरा वडा नम्बर १८ मा पायक पर्ने गरी सहरी स्वास्थ्य केन्द्र स्थापना तथा सञ्चालन गर्ने पनि निर्णय गरेको प्रवक्ता नेपालीले जानकारी दिए ।
बैठकले कोरोना महामारीका कारण विद्यालयहरुले सञ्चालन गर्ने शैक्षिक सत्र २०७७ का वार्षिक परीक्षा विद्यार्थीको भौतिक उपस्थितिमा स्वास्थ्य मापदण्ड पूरा गरी सञ्चालन गर्न सम्भव नदेखिएको निष्कर्ष निकालेको छ । कक्षा १ देखि ९ (कक्षा ८ बाहेक) सम्मका परीक्षा विद्यालयले सञ्चालन गरेका त्रैमासिक, अर्धवार्षिक परीक्षा एवं अन्य आन्तरिक मूल्यांकनका आधारमा तयार गरी नतीजा प्रकाशन सम्बन्धी कार्य जेठ मसान्तसम्म सम्पन्न गर्ने निर्णय गरेको छ ।
साथै शैक्षिक सत्र २०७८ को शैक्षिक सत्रको भर्ना असार १ गतेबाट मात्र सुरुआत गर्ने गरी विद्यालयहरुलाई निर्देशन दिने निर्णय गरेको छ । कक्षा ८ को परीक्षा सम्बन्धमा नगरस्तरीय परीक्षा सञ्चालन एवं समन्वय समितिको बैठकको निर्णयपश्चात् सोही बमोजिम हुनेगरी सूचना प्रकाशन गर्ने भएको छ ।
यसैगरी पोखरा महानगरको ४९ औं बैठकले पोखरा महानगरपालिकाले स्थानीय पाठ्क्रम लागु गर्ने निर्णय गरेको छ । बैठकले महानगर शिक्षा महाशाखाबाट तयार गरी पेस भएको कक्षा १ देखि ५ सम्मको स्थानीय पाठ्यक्रम, २०७७ लाई स्वीकृति प्रदान गरेको महानगरका प्रवक्ता नेपालीले जानकारी दिए । महानगरका सम्पूर्ण विद्यालयहरुमा ती पाठ्यपुस्तक लागु गर्ने निर्णय गरेको महानगरका प्रवत्ता नेपालीले बताए ।
पोखराको मालेपाटनमा रहेको कृषि शाखा कृषि सेवा केन्द्रको अन्दाजी ३ रोपनी जग्गामा कृषिबजार उपज केन्द्र र वडा कार्यालय बनाउन आवश्यक प्रक्रिया अघि बढाउने निर्णय पनि भएको छ । बैठकले महानगरपालिकावडा नम्बर ५ को नयाँ वडा कार्यालय निर्माण गर्ने निणय गरेको छ । फेवातालको ४ वटा स्रोत नदीमा बनेको सिल्ट्रेसन ड्यामहरुको मर्मत सम्भार सम्बन्धी सार्वजनिक निजी साझेदारी आयोजनाको सम्झौता पक्रिया अगाडि बढाउने निर्णय पनि गरिएको छ । ०७८/०७९ का वार्षिक विकास कार्यक्रम तर्जुमा गर्दा त्रिवर्षीय योजनालाई आधार मानेर काम गर्ने समेत बैठकले निर्णय गरेको छ ।
Related News
सम्बन्धित समाचार
प्रतिभामा सिमसार बहस गर्दै विद्यार्थी
सहारा एकेडेमीका ६ खेलाडी ब्रिगेड ब्वाइजमा अनुबन्धित
कोटीहोम गोलचक्करमा पोखरा
थ्रिस्टार सेमिफाइनलमा प्रवेश
पूर्वराजा ज्ञानेन्द्र पोखरामा
hero news full width
मुख्य समाचार
गण्डकी धौलागिरी पेट्रोलियममा मोहन
सम जयन्तीमा रंगकर्मीको सम्मान
माघ २८, २०८१बार काउन्सिल पार्षद् सदस्यमा दयाराम गौतम निर्वाचित
माघ २६, २०८१‘ब्याक टु नाइन्टिज’ आज, पोखराका चर्चित ७ ब्याण्ड एकै स्टेजमा
माघ २६, २०८१बेलायती अधिराजकुमार र अधिराजकुमारीद्वारा परेड अवलोकन
माघ २५, २०८१थण्डरबोल्ट क्वाटरफाइनलमा, संकटा पराजित
माघ २५, २०८१