पोखरा र लण्डनको बार्नेट सहरबीच मितेरी साइनो

आदर्श समाज सम्वाददाता
जेठ ७, २०७८
Barnet- Pokhara Twinning

पोखरा । पोखरा महानगरपालिका र लण्डनको बोरौग्ह अफ बार्नेट काउन्सिलबीच मितेरी सम्बन्ध स्थापना भएको छ ।

बार्नेटको ह्यनडेन बजार सभाहलमा लण्डन बोरौग्ह अफ बार्नेटको मेयर काउन्सिलर क्यारोलिन स्टोकले बार्नेट काउन्सिलको नेता तथा पोखरा महानगरतर्फबाट नेपालका लागि बेलायती राजदूत लोकदर्शन रेग्मी, विभिन्न नेपाली संघसंस्थाका प्रतिनिधिको रोहवरमा मितेरी सम्बन्ध स्थापना भएको हो ।

बेलायत र नेपालको गोर्खा सैनिकमार्फत २ सय ६ वर्षअघिको घनिष्ठ सम्बम्धमाथि थप मितेरी साइनो जोड्दै गहिरो सम्बन्ध कायमको बिहीबार औपचारिक घोषणा गरिएको हो । यसबाट २ सहरका नागरिकबीच भावनासँगै विभिन्न सहयोग आदानप्रदान हुने विश्वास गरिएको छ ।

बार्नेट काउन्सिलका उपमेयर काउन्सिलर लक्ष्यबहादुर गुरुङले बेलायतको लण्डन बार्नेट सहर र पोखराको मितेरी सम्बन्ध झन् गहिरो हुने विश्वास व्यक्त गरे ।

राजदूत रेग्मीले बेलायतले दुई सहरका नागरिकको सम्बन्ध झन् गहकिलो बनाउनुको साथै सामुदायिक फाइदा हुने विषयमा प्रकाश पारे ।

यस्तै, गैरआवासीय संघ बेलायतका अध्यक्ष पूनम गुरुङ र पोखरा मञ्च बेलायतको अध्यक्ष मनप्रसाद गुरुङले नयाँ मित्रताबाट खुसी व्यक्त गरे ।

कोरोना संक्रमणको महामारीको बेलामा पनि मितेरी संघको संकल्प विधान लण्डन बोरौग्ह अफ बार्नेट काउन्सिलका उपमेयर लक्ष्यबहादुर गुरुङको सोच र पहलमा, मेयर क्यारोलिना स्टोकको सक्रियतामा सो प्रस्ताव २०२१ को अप्रिल २६ मा काउन्सिलको अतिरिक्त बैठकमा कावान्सिलरको मतदानबाट पारित भएको थियो । यस्तै पोखरा महानगरले २०७८ बैशाख ११ मा २ सहरको मितेरी संकल्प पारित गरेको थियो ।

बार्नेट सहर लण्डनको ३२ वटा काउन्सिल अथवा बोरौग्हमध्येको एउटा काउन्सिल रहेको ब्रिटिस गोरखा नेपाल भूपू सैनिक संघ युकेका अध्यक्ष केशबहादुर गुरुङले जानकारी दिए । यो बार्नेट काउन्सिल लण्डनको उत्तरपच्चिममा पर्छ । अंग्रेजी मुलको नागरिकबाहेक विश्वभरका विभिन्न जातजातिको बसाइँसराइ गरी १ सय ९० भाषा बोल्ने जाति यहाँ बस्छन् ।

यसमध्ये नेपालीको २ सय घरभन्दा बढी बार्नेट सहरममै बसोबास गर्दै आएका छन् । बर्न ओक नेपाली समाज समेत स्थापना गरेका छन् । सो सहरमा २१ वडा छन् भने ६३ काउन्सिलर छन् । ३ सांसदले बेलायतको संसद्मा समेत प्रतिनिधित्व गर्छन् ।

Related News

सम्बन्धित समाचार

  • वर्षाले हिलाम्मे पोखरा प्रवेशमार्ग

    धनबहादुर गुरुङ चैत्र १६, २०८०
    पोखरा ।  पर्यटकीय राजधानी पोखरालाई संघीय राजधानी सहरसँग जोड्ने पृथ्वी राजमार्ग स्तरोन्तति कार्य जारी नै छ । आँबुखैरेनी–पोखरा करिब ८०…
  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…

hero news full width