गण्डकीमा १ सातामा २ हजार ५ सय ६ जनाले कोरोना जिते, १ सय ६४ मृत्यु

आदर्श समाज सम्वाददाता
जेठ ५, २०७८
Corona Banner

पोखरा । गण्डकी प्रदेशमा पछिल्लो १ हप्तामा २ हजार ५ सय ६ जनाले कारोना जितेका छन् ।

प्रदेश स्वास्थ्य निर्देशनालयका अनुसार बुधबार सबैभन्दा बढी ५ सय ६७ जनाले कोरोना जितेका हुन् । सबैभन्दा कम बिहीबार १ सय ४५ ले मात्र निको भएका थिए । योसँगै प्रदेशमा कोरोना जित्नेको संख्या २० हजार ९ सय ६५ पुगेको छ । प्रदेशमा निको हुनेदर ६८ प्रतिशत छ ।

प्रदेशमा बुधबार ६ सय ८८ जना नयाँ संक्रमित थपिएका छन् । निर्देशनालयका अनुसार प्रदेशमा १ हजार ६ सय ९७ परीक्षणमा करिब ४० प्रतिशत अर्थात् ६ सय ८८ जना संक्रमित थपिएका छन् ।

बुधबार सबैभन्दा बढी कास्कीमा १ सय ७६ र कम लमजुङमा ७ जना थपिएका हुन् । सधैं कम संक्रमित हुने मनाङमा १३ र मुस्ताङमा १० जना थप भएका छन् । गोरखामा १ सय २९, नवलपुरमा १ सय २८, बागलुङमा ७० र म्याग्दीमा ६८ जनामा संक्रमण भएको छ । यसैगरि तनहुँमा ५६, पर्वतमा २२ र स्याङ्जामा ९ जनामा संक्रमण भएको छ । योसहित कुल संक्रमित संख्या ३० हजार ६ सय ८८ पुगेको छ । हाल सक्रिय संक्रमितको संख्या ९ हजार २ सय ७१ छ । तीमध्ये होम आइसोलेसनमा ९ हजार ११ जना छन् ।

नेपालभर सात हजार ९८९ जना कोरोनाबाट निको भएको स्वास्थ्य तथा जनसंख्या मन्त्रालयले जनाएको छ । हाल देशभर ८५६ जना क्वारेन्टिनमा छन् । गत २४ घन्टामा थप ८ हजार १ सय ७३ जना कोरोना भाइरसबाट संक्रमित भएको मन्त्रालयले जनाएको छ । गत २४ घन्टामा पिसिआर विधिबाट ८ हजार ६४ र एन्टिजेन विधिबाट परीक्षण गर्दा १ सय ९ जनामा पोजेटिभ देखिएको हो । यस अवधिमा २४६ जनाको मृत्यु भएको मन्त्रालयका प्रवक्ता प्राडा जागेश्वर गौतमले आज आयोजित पत्रकार सम्मेलनमा जानकारी दिए । हालसम्म कोरोनाका कारण ५ हजार ६ सय ५७ जनाको मृत्यु भएको छ । हाल नेपालमा सक्रिय संक्रमितको संख्या १ लाख १४ हजार ७ सय १३ पुगेको छ ।

गण्डकी प्रदेशमा पछिल्लो १ सातामा १ सय ६४ जना कोरोना संक्रमितको ज्यान गएको छ । बुधबार मात्रै ३० जनाको ज्यान गयो । यो संख्या एकै दिनमा मृत्यु हुनेमा सबैभन्दा उच्च हो ।
प्रदेश स्वास्थ्य निर्देशनालय गण्डकीका अनुसार गत वैशाख २९ देखि जेठ ५ सम्मको अवधिमा १ सय ६४ जना संक्रमितको ज्यान जानुले संक्रमणको जोखिम कायमै रहेको पाइन्छ । जेठ २ यता क्रमशः मृत्यु दर घटेकोमा बुधबार एक्कासी दोब्बर संख्यामा मृत्यु हुनेको संख्या बढेको हो । अघिल्लो दिन मंगलबार गण्डकीका १५ जना संक्रमितले ज्यान गुमाएका थिए । वैशाख २९ मा १६ जना, ३० गते १४ जना, वैशाख ३१ मा २३, जेठ १ मा १४, जेठ २ मा २८, जेठ ३ मा २४ जनाको ज्यान गएको थियो । वैशाख २३ यता सबैभन्दा कम वैशाख २५ गते ३ जना संक्रमितले ज्यान गुमाएका थिए । हालसम्म गण्डकीमा ४ सय ५२ जना कोरोना संक्रमितको मृत्यु भइसकेको छ ।

बुधबार मृत्यु हुनेमा सबैभन्दा बढि स्याङ्जामा ७ र रुपन्देही र पाल्पाका १÷१ जना रहेका छन् । यस्तै कास्कीका ६, पर्वत र तनहुँका ५÷५, गोरखाका ३, नवलपुरका २ जनाको कोरोनाबाट मृत्यु भएको हो ।

पर्वतको कुश्मा नगरपालिका ६ का ६० वर्षीय पुरूषका पर्वत जिल्ला अस्पताल, पर्वतमा उपचारको क्रममा मृत्यु भएको हो । पर्वतको मोदी गाउँपालिका २ की ७८ वर्षीया महिलाको आइसोलेसनमा निधन भएको हो । पर्वतकै बिहादी गाउँपालिका ३ का ५७ वर्षीय पुरूषको गण्डकी मेडिकल कलेज, पोखरामा उपचारको क्रममा ज्यान गएको हो । पर्वतकै कुश्मा नगरपालिका ९ का ५७ वर्षीय पुरूषको मणिपाल शिक्षण अस्पताल, पोखरामा उपचारको मृत्यु भएको हो । पर्वतको जलजला गाउँपालिका ३ की ६० वर्षीया महिलाको जिल्ला अस्पताल पर्वतमा उपचारको ज्यान गएको हो ।

नवलपुरको कावासोती नगलपालिका २ का ६८ वर्षीय पुरूषको मध्यविन्दु अस्पताल, नवलपुरमा उपचारको क्रममा मृत्यु भएको हो । नवलपुरकै कावासोती नगलपालिका १६ का ६८ वर्षीय पुरूषको मध्यविन्दु अस्पताल, नवलपुरमा उपचारको क्रममा निधन भएको हो ।

यसैगरि स्याङजाको वालिङ नगलपालिका १३ की ५५ वर्षीया महिलाको चरक मेमोरियल अस्पताल, पोखरामा मंगलबार मृत्यु भएको हो । स्याङजाको चापाकोट गाउँपालिका ५ का ७२ वर्षीय पुरूषको गण्डकी मेडिकल कलेज, पोखरामा उपचारको क्रममा निधन भएको छ । सोही जिल्लाको वालिङ नगलपालिका १ का ७६ वर्षीय पुरूषको पोखरा स्वास्थ्य विज्ञान प्रतिष्ठान, पोखरामा उपचारको क्रममा सोमबार ज्यान गएको छ ।

स्याङ्जाकै पुतलीबजार नगरपालिका १ का ९२ वर्षीय पुरूषको जिल्ला अस्पताल स्याङ्जामा उपचारको क्रममा निधन भएको छ । वालिङ नगलपालिका २ की ७७ वर्षीया महिलाको होम आइसोलेसनमा मंगलबार निधन भएको छ । गल्याङ नगलपालिका ११ का २७ वर्षीय पुरूषको गौतम बुद्ध अस्पताल, बुटवलमा उपचारको क्रममा मृत्यु भएको हो । भिरकोट नगलपालिका ३ की ७० वर्षीया महिलाको होम आइसोलेसनमा ज्यान गएको छ ।

यसैगरि कास्कीको पोखरा महानगरपालिका ९ का ४२ वर्षीय पुरूषको मणिपाल शिक्षण अस्पताल, पोखरामा उपचारको क्रममा निधन भएको छ । पोखरा महानगरपालिका १० की ४८ वर्षीया महिलाको गण्डकी मेडिकल कलेज, पोखरामा उपचारको क्रममा निधन भएको छ । पोखरा १५ का ७५ वर्षीय पुरूषको ग्यालेक्सी अस्पताल, पोखरामा मृत्यु भएको हो । पोखरा ८ का ५९ वर्षीय पुरूषको गण्डकी मेडिकल कलेज, पोखरामा उपचारको क्रममा मंगलबार निधन भएको छ । पोखरा १४ का ५६ वर्षीय पुरूषका गण्डकी मेडिकल कलेज, पोखरामा उपचारको दुखद निधन भएको हो । पोखरा१४ का ५४ वर्षीय पुरूषको पनि मंललबार नै उपचारको लागि अस्पताल लैजादै गदा ज्यान गएको हो ।

यसैगरि गोरखा बकराङ १ की ८४ वर्षीया महिलाको भरतपुर अस्पताल, चितवनमा उपचारको क्रममा निधन भएको छ । गोरखा नगरपालिका ७ का ३२ वर्षीय पुरूषका भरतपुर अस्पताल, चितवनमै मृत्यु भएको हो । गोरखा कै अजिरकोट गाउँपालिका ७ का ३० वर्षीय पुरूषको होम आइसोलेसनमा निधन भएको छ ।

यस्तै तनहुँको भानु नगरपालिका ४ का ७१ वर्षीय पुरूषको चितवन मेडिकल कलेज, चितवनमा उपचारको क्रममा निधन भएको छ । भानु नगरपालिका १२ की ६५ वर्षीया महिलाको चितवन मेडिकल कलेज, चितवनमै मृत्यु भएको छ । बन्दीपुर नगरपालिका २ का पुरूषका भरतपुर अस्पताल, चितवनमा उपचारको दुखद निधन भएको छ । तनहुँकै व्यास नगरपालिका १ का ४१ वर्षीय पुरूषको पनि चितवन मेडिकल कलेज, चितवनमा उपचारको क्रममा ज्यान गएको हो । तनहुँ कै शुक्लागण्डकी नगरपालिका ५ का ८१ वर्षीय पुरूषको

जिपी कोइराला राष्ट्रिय श्वास प्रश्वास उपचार केन्द्र, तनहुँमा मृत्यु भएको हो ।

यसैगरि रूपन्देहीको सैनामैना नगरपालिका ३ का ४९ वर्षीय पुरूषको मणिपाल शिक्षण अस्पताल, पोखरामा उपचारको क्रममा निधन भएको छ । पाल्पाको तानसेन नगरपालिका २ की ४४ वर्षीया महिलाको चरक मेमोरियल अस्पताल, पोखरामा उपचारको क्रममा बुधबार मृत्यु भएको हो ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width