पोखरा । तमु जातिको सामाजिक संस्था तमु धिं नेपाल ३७ औं वर्षमा प्रवेश गरेको छ । ३७ औं स्थापना दिवसको अवसरमा तमु धिं नेपालका अध्यक्ष हुम तमुले एक विज्ञप्ति प्रकाशित गरी शुभकामना व्यक्त गरेका छन् ।

संघ संस्था स्थापना गर्न बन्देज लगाइएको अवस्थामा राज्यको ऐन कानुनबमोजिम नभई सामुदायिक आवाश्यकता, परम्परागत मूल्य मान्यता र एकताका लागि संस्था स्थापना गरिएको विज्ञप्तिमा उल्लेख गरिएको छ । अध्यक्ष तमुद्वारा जारी विज्ञप्तिमा तमु धिं स्थापनापश्चात् न्याय र समानताको लडाइँमा तमु धिंका अग्रजहरुले राज्यको जेलनेल भोग्नुपरेको स्मरण गरिएको छ ।

विज्ञप्तिमा संस्था स्थापना र सञ्चालनमा सहयोग पु¥याउने सम्पूर्णप्रति आभार व्यक्त गर्दै आगामी दिनमा पनि साथ र समयको अपेक्षा गरिएको छ । विज्ञप्तिमा भनिएको छ, ‘संस्था स्थापनाको मुल मर्मलाई आत्मसाथ गर्दै तमु एकता, तमुहरुको आफ्नोपनको संरक्षण संवद्र्धन र विकास, तमुहरुलाई सचेत र क्षमतावान् बनाउने, समयानुकूल व्यवस्थित भौतिक संरचना सहितको संस्थागत विकास, सामुदायिक अधिकार प्राप्ति, समतामूलक समाज निर्माण, सभ्य र समृद्ध मुलुक निर्माणका लागि क्रियाशील रहने यस पुण्यतिथिमा प्रतिबद्धतासमेत जाहेर गर्दछौं ।’

कोरोना महामारीका बेला कठिन अवस्था भएकाले सबैलाई सुरक्षित, सतर्क र अनुशासित हुनसमेत विज्ञप्तिमार्फत आग्रह गरिएको छ ।