पोविविमा डिन तथा परीक्षा नियन्त्रक नियुक्त

आदर्श समाज सम्वाददाता
जेठ ४, २०७८
Pokhara-University

पोखरा ।  पोखरा विश्वविद्यालय (पोवि) को कार्यकारी परिषद्ले मिति २०७८ जेठ ३ गतेदेखि लागु हुने गरी पदाधिकारी नियुक्त गरेको छ ।

स्कूल अफ इञ्जिनियरिङ पोविका सहप्राध्यापक राजेशकुमार  ठगुराठीलाई विज्ञान तथा प्रविधि संकायको डीन पदमा, स्कूल अफ हेल्थ एण्ड एलाइड साइन्सेज, पोविका सह–प्राध्यापक डा. अमर नागिलालाई स्वास्थ्य विज्ञान संकायको डीन पदमा तथा स्कूल अफ डेभलपमेन्ट एण्ड सोसल ईञ्जिनियरिङ्ग पोविका सह–प्राध्यापक डा. अजय थापालाई मानविकी तथा सामाजिकशास्त्र संकायको डिनमा नियुक्त गरिएको छ ।

राजेश ठगुराठी

पोखरा विश्वविद्यालय ऐन २०५३ को दफा २७(२) ले दिएको अधिकार प्रयोग गरी सोही ऐनको दफा २७(३) बमोजिम उनीहरु नियुक्त भएको सूचना अधिकारी लाेकप्रसाद ढकालले बताए ।

अजय थापा

कार्यकारी परिषद्ले २०७८ जेठ ३ गतेदेखि नै लागु हुने गरी पोखरा विश्वविद्यालयको रिक्त परीक्षा नियन्त्रक
पदमा ४ वर्षका लागि स्कूल अफ हेल्थ एण्ड एलाईड साइन्सेज, पोविका सह–प्राध्यापक डा. तुल्सीराम भण्डारीलाई नियुक्ति गरेको उनले जानकारी दिए ।

डा अमर नागिला

Related News

सम्बन्धित समाचार

    hero news full width

    sanil ads

    wordlink ads