गण्डकीमा दैनिक १ हजार ४ सय ८९ सिलिन्डर अक्सिजन उत्पादन

धनबहादुर गुरुङ
जेठ ३, २०७८
Oxygen Photo joint

पोखरा । गण्डकी प्रदेशका अस्पताल र नीजि ग्यास प्लान्टबाट दैनिक १ हजार ८ सय ८९ ग्यास उत्पादन हुन्छ । प्रदेश स्वास्थ्य निर्देशनालयले दिएको जानकारी अनुुसार भने ५ हजार ६३२ सिलिन्डर छन् ।

कास्कीको ५ वटा अस्पतालहरुमा मात्र अक्सिजन ग्यास प्लान्ट छ । जसमा मनिपाल, गण्डकी मेडिकल कजेल, फिस्टेल, फेवासिटी र मातृशिशु अस्पतालले मात्र प्लान्ट राखेका छन् । कास्कीका ५ अस्पतालको दैनिक उत्पालन क्षमता १ सय ३२ सिलिन्डर हो । प्रदेशको २ निजी कम्पनीले भने प्रतिघन्टाको दरले ग्यास उत्पादन गर्छन् । पोखरा अक्सिजन ग्यास प्रालिले प्रतिघन्टा ३० वटा र कालिगण्डकीले प्रतिघन्टा २० सिलिण्डर ग्यास उत्पादन गर्छ ।

याे पनि 

ग्यास उद्योगी भन्छन् : अक्सिजन माग धान्न गाह्रो छ, तर पनि पुर्‍याउँछौं

१३० सिलिन्डर रहेको गण्डकी मेडिकल कलेजको प्लान्टले दैनिक २२ सिलिन्डर भनसक्छ । गण्डकी मेडिकल कलेजमा एक दिनमा २ सय ३१ सिलिन्डरको माग छ । उति नै संख्यामा सिलिन्डर रहेको मनिपाल शिक्षण अस्पतालको प्लान्टबाट दैनिक ४० सिलिन्डर उत्पादन हुन्छ । मनिपालमा ९० सिलिण्डर एक दिनमा आवश्यक छ ।

फिस्टेल अस्पतालको प्लान्टबाट दैनिक ३० सिलिन्डर अक्सिजन उत्पादन गर्नसक्ने क्षमता छ । फिस्टेलमा २५ वटा सिलिन्डर छन् । फिस्टेलमा २३ सिलिन्डर प्रत्येक दिन खपत हुन्छ । मातृशिशु अस्पतालको प्रतिदिन १० सिलिन्डर उत्पादनको क्षमता छ । अस्पतालमा १४ सिलिण्डर छन्, जहाँ दैनिक ३ वटामात्र अक्सिजन सिलिण्डर खर्च हुने गरेको छ । फेवासिटी अस्पतालसँग हाल १४ सिलिन्डर छन् भने अस्पतालको प्लान्टले प्रतिदिन ३० सिलिन्डर उत्पादन गर्नसक्छ । फेवासिटीमा दैनिक ३० सिलिन्डर अक्सिजन आवश्यक पर्छ ।

साना ठूला अस्तालहरुको समेतिगरि कास्कीमा थप २ सय १५ सिलिन्डर छन् । यो बाहेक पोखरा अक्सिजन ग्यासमा १ हजार ५ सय र कालिगण्डकीमा २ हजार ५ सय सिलिन्डर छन् ।
कास्की बाहेक प्रदेशको १० जिल्लामध्ये ५ जिल्लामा प्रक्रियामा रहेको र बाँकी ५ जिल्ला अस्तालले उत्पादन सुरु गरिसकेका छन् । प्रक्रियामा रहेको मनाङमा १०, तनहुँमा ४०, नवलपुरमा ८७, लमजुङमा ५० र गोरखामा ६६ वटा सिलिन्डर रहेका छन् । जिल्ला अस्पताल मुस्ताङमा २८ वटा सिलिन्डर छ भने दैनिक पन्ध्र वटा भर्न सक्ने क्षमता छ । पर्वत अस्पतालमा एक सय खाली सिलिन्डर छ । जसले दैनिक तीस सिलिन्डर उत्पादन गर्छ । स्याङ्जामा तीस वटा सिलिन्डर खाली छ अस्पतालको अक्सिजन प्लान्टले दैनिक दश वटा सिलिन्डर भर्छ । धौलागिरी अस्पतला बाग्लुङमा ८५ वटा सिलिण्डर छ भने दैनिक तीस वटा सिलिण्डरमा ग्यास भर्न सक्छ । र म्याग्दी जिल्ला अस्तालले दैनिक १८ सिलिण्डर अक्सिजन भर्न सक्छ भने अस्पतालमा ७० सिलिण्डर छन् ।

कास्की बाहेक १० जिल्ला अस्पतालमा बाहेक ५ सय ३८ वटा सिलिण्डर रहेको प्रदेश स्वास्थ्य निर्देशनालयले जनाएको छ ।

Related News

सम्बन्धित समाचार

    hero news full width

    sanil ads

    wordlink ads