कास्कीमा कडा लकडाउन, ४९३ व्यक्ति र १९७ गाडी होल्डमा

आदर्श समाज सम्वाददाता
जेठ १, २०७८
Kabahi Photo 1

पोखरा । कास्कीमा शनिबारदेखि निषेधाज्ञामा थप कडाइ गरिएको छ ।

कास्की जिल्ला प्रशासनले जेठ ७ गतेसम्म थप गरिएको निषेधाज्ञामा केही परिवर्तन गरेको छ । यस पटकको निषेधाज्ञामा सभा सम्मेलन, गोष्ठी, तालिम, सेमिनार, सभा, जुलुस, जात्रा, महोत्सव लगायतका मानिसहरु भेला हुने र भीडभाड गर्ने गतिविधिहरु केही गर्न पाइने छैन । अत्यावश्यक बाहेक सार्वजनिक तथा निजी सवारी साधन यस पटक पनि चलाउन पाइने छैन् ।

यस पटक कर्मचारीहरु घरबाट कार्यालय जान बिहान ९ बजेदेखि १० बजेसम्म र घर फर्किन साँझ ५ बजेदेखि ६ बजेसम्मको समय छुट्याइएको छ । सरकारी प्राथमिकता प्राप्त आयोजनाका लागि निर्माण सामाग्री बोक्ने सवारी साधनहरु बेलुका ८ बजेदेखि बिहान ४ बजेसम्म सञ्चालन गर्न पाउनेछन् ।

प्रशासनले दिएको आदेश कडा रुपमा पालना गर्न गराउन बिहानैदेखि पोखराका चोकचोकमा सुरक्षाकर्मीहरु परिचालन भएका छन् । निषेधाज्ञा उल्लंघन गर्ने ४ सय ९५ जनालाई प्रहरीले नियन्त्रणमा लिइएको छ । जसमा पुरुष र १ सय १८ महिला रहेको जिल्ला प्रहरी कार्यालय कास्कीका प्रवक्ता डिएसपी सुवास हमालले जानकारी दिए । त्यस्तै निषेधाज्ञामा बिना काम हिडेका १ सय ९७ सवारी पनि नियन्त्रणमा लिइएको हमालले बताए । जसमा १ सय ५३ मोटरसाइकल स्कुटर र ४४ चारपांग्रे सवारी छन् ।

नियन्त्रणमा लिएको मानिस र सवारी साधनका चालकलाई केही समयमा सम्झाइ बुझाइ छाडिने हमालले जनाए । ‘हामीले केही समयलाई होल्ड गरेर राखेका हौं,’ उनले भने, ‘यसलाई नियन्त्रण नै त भन्न मिल्दैन, तर साह्रै अटेर ग¥यो भने नियन्त्रण गरेरै राख्न बाध्य हुन्छौ ।’ शनिबारदेखिको निषेधाज्ञाको पालना गर्न गराउन करिव ६ सय ९५ प्रहरी कर्मचारी परिचालन गरको पनि हमालले जानकारी दिए ।

Related News

सम्बन्धित समाचार

    hero news full width

    sanil ads

    wordlink ads