कोभिड अस्पताल सञ्चालनमा सहकारीको सहयोग

आदर्श समाज सम्वाददाता
जेठ १, २०७८
annapurna gaupalika progrem

हेमजा । अन्नपूर्ण गाउँपालिकालाई ३ सहकारी संस्थाले अक्सिजन सहितको कोभिड अस्पताल सञ्चालन सहजताका लागि स्वास्थ्य सामग्री प्रदान गरेका छन् । बिहीबार पोखरास्थित धनुष सहकारी अन्नपूर्णस्थित श्री शिखर र हाम्रो अन्नपूर्ण वचत तथा ऋण सहकारी संस्थाले गाउँपालिका अध्यक्ष युवराज कुँवरलाई सामग्री हस्तान्तरण गरेका हुन् ।

त्यस अवसरमा अक्सिजन सिलिन्डर ३ थान, अक्सिजन मास सेट ६, पिपिई ३, थर्मल गन लगायत केही मेडिकल सामग्री प्राप्त भएको गाउँपालिका स्वास्थ्य संयोजक ऋषिराम पौडेलले जानकारी दिए ।

गाउँपालिका अध्यक्ष कुँवरले कोरोना भाइरस महामारीको यस विषम अवस्थालाई ध्यान दिर्दै सहयोग गरेकोमा आभार प्रकट गर्दै प्राप्त सामग्रीको अधिकतक प्रयोग गरिने प्रतिबद्घता जनाए।उनले यस महामारीमा अन्य संस्थाले पनि खुलेर सहयोग गर्नुपर्ने भन्दै स्वास्थ्य मापदण्डको कार्यान्वयनमा जोड समेत दिए ।

त्यस अवसरमा धनुष सहकारीका प्रमुख कार्यकारी विराज सुवेदी, शिखर वचतका सचिव शिव सुवेदीले कोविड रोकथाममा गाउँपालिकासँग हातेमालो गर्दै अगाडि बढ्ने प्रतिबद्घता जनाए । उनीहरुले लामो समयको प्रयासपछि कोभिड आइसोलेसन बनाउने योजना पूरा भएको सुनाउँदै सबै मिली सहकार्य गरेको खण्डमा जस्तोसुकै महामारीलाई पनि जित्न सकिने विश्वास व्यक्त गरे ।

सहयोगसँगै गाउँपालिकाले कोभिड अस्पताल सञ्चालनमा सहजता भएको जनाएको छ । पालिकाले यसअघि नै ५ शड्ढयाको अस्पताल निर्माण गरिसकेको छ ।

Related News

सम्बन्धित समाचार

    hero news full width

    sanil ads

    wordlink ads