पोखरा । नेकपा माओवादी केन्द्र र नेपाली कांग्रेसले बहुमतको सरकारको दाबी नगर्ने निष्कर्ष निकालेपछि पुनः केपी ओली नै प्रधानमन्त्री नियुक्त हुने भएका छन्।
ओलीले वैशाख २७ गते प्रतिनिधिसभामा विश्वासको मत गुमाएपछि राष्ट्रपति विद्यादेवी भण्डारीले आज वैशाख ३० गते राति ९ बजेसम्ममा बहुमत लिएर प्रधानमन्त्रीको दाबी पेस गर्न आह्वान गरेकी थिइन्। उक्त समयसीमा सकिन करिब दुई घण्टामात्र बाँकी रहँदा कांग्रेस र माओवादी दुवैले बहुमत नपुग्ने निष्कर्ष निकालेका छन्।
आज पेरिसडाँडामा बसेको माओवादी स्थायी कमिटी बैठकले संविधानको धारा ७६ (२) अनुसार दाबी गर्नका लागि बहुमत नपुग्ने भएकाले दाबी नगर्ने निष्कर्ष निकालेको स्थायी कमिटी सदस्य गणेश साहले जानकारी दिए।
‘हाम्रो बहुमत नै नपुग्ने देखियो। त्यसैले सरकारको दाबी नगर्ने निष्कर्षमा पुगेका हौं,’ उनले भने, ‘दिउँसो नै अध्यक्ष र कांग्रेस सभापतिबीचको भेटवार्तामा नै यो कुरा भइसकेको थियो।’
एमालेको माधव झलनाथ पक्षको तत्काल राजीनामा नआउने भएपछि बहुमत नपुग्ने र जसपा पनि एकमत नभएकाले सरकारको दाबी गर्ने सम्भावना सकिएको निष्कर्ष निकालिएको उनले बताए।
माओवादीका अध्यक्ष पुष्पकमल दाहाल प्रचण्ड बिहीबार दिउँसो नेपाली कांग्रेसका सभापति शेरबहादुर देउवा भेट्न बूढानीलकण्ठ गएका थिए।
एमाले वरिष्ठ नेता माधवकुमार नेपाल र एमाले अध्यक्ष केपी शर्मा ओलीबीच बिहीबार भएको वार्ता सहमति नजिक पुगेपछि माधव नेपालले राजीनामा टरेको बताएका छन्।
उता, कांग्रेसको पदाधिकारी बैठकले पनि बहुमत नपुग्ने निष्कर्ष निकाल्दै पछि हटेको छ। प्रतिनिधिसभामा हाल २७१ जना सांसद छन्। र, सरकार बनाउन १३६ जना सांसदको समर्थन आवश्यक पर्छ।
विपक्षी गठबन्धनले बहुमत पुर्याउन नसकेर सरकारको दाबी नगर्ने भएपछि अब राष्ट्रपतिले संविधानको धारा ७६ को उपधारा ३ बमोजिम संसदमा प्रतिनिधित्व गर्ने सबैभन्दा ठूलो दलको संसदीय दलको नेताका हैसियतले पुनः केपी शर्मा ओलीलाई नै प्रधानमन्त्री नियुक्त गर्ने देखिएको छ।
Related News
सम्बन्धित समाचार
निसीखोला दुर्घटनाका घाइते भन्छन्- चालकको लापरबाहीले दुर्घटना भयो
सहकारी प्रकरणमा गृहमन्त्री लामिछाने दोषी प्रमाणित भए कारबाही गर्नेे प्रधानमन्त्रीको प्रतिबद्धता
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
hero news full width
मुख्य समाचार
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०