स्याङ्जा । कोरोना भाइरस संक्रमण तीब्र देखिएका स्याङ्जाका गाउँ गाउँ सिल गर्न थालिएको छ । संक्रमण कम गर्ने उद्देश्यले पालिकाले आआफ्ना गाउँका निश्चित क्षेत्र तोकेर सिल गरेका हुन् ।
पुतलीबजार र आँधीखोला गाउँपालिकाले बढी संक्रमित देखिएका गाउँ बुधबारदेखि लागु हुनेगरी सिल गरेको छ ।
पुतलीबजार नगरपालिकाको वडा नं. ६ स्थित हलेदे गाउँ १० दिनका लागि सिल गरिएको छ । सो गाउँका २७ जनामा कोरोना संक्रमण पुष्टि भएपछि बुधबार साँझबाट लागु हुनेगरी १० दिनका लागि सिल गरिएको नगरप्रमुख सीमा क्षेत्रीले जानकारी दिइन् ।
गाउँका ३४ जनाको पिसिआर परीक्षण गर्दा २७ जनामा पोजेटिभ नतिजा देखिएको हो । अब कुनै पनि व्यक्ति हलेदे गाउँमा भित्रिन र सो गाउँका व्यक्ति बाहिर निस्कन पाउने छैनन् । सुरक्षा मापदण्ड अपनाई आफ्नै घर घरमा सुरक्षितरुपमा होम आइसोलसनमा बस्न सुझाव दिइएको स्वास्थ्य प्रमुख विष्णु काफलेले बताए ।
पुतलीबजारमा कोभिड संक्रमितको संख्या ६९ पुगेको छ भने २ जनाको मृत्यु भएको छ । जिल्ला अस्पतालमा ५ जना, होम आइसोलेसनमा ६१ जना र नगरपालिकाद्वारा निर्मित आइसोलेसनमा १ जनाको उपचार भइरहेको प्रमुख क्षेत्रीले जानकारी दिइन् ।
आँधीखोलाको रंगेठाटी एकसाता सिल
आँधीखोला गाउँपालिका वडा नं. ५ स्थित रंगेठाटी बजार आसपासमा पनि एक साताका लागि सिल भएको छ । रंगेठाटी बजार आसपासबासी मध्ये १६ जनामा गरिएको पिसिआर परीक्षणमा १३ जनामा संक्रमण पुष्टि भएपछि बुधबारदेखि लागु हुनेगरी सिल गरिएको पालिकाका अध्यक्ष सुधिरकुमार पौडेलले जानकारी दिए ।
जेठ ४ गतेसम्म लागु हुनेगरी रंगेठाटी बजारको पूर्वमा हराभरा कृषि सहकारी संस्था भवन, पश्चिममा बास्कोट खोलाको पक्की पुल, उत्तरमा नौडाडा— कार्कीनेटा सडकको ५० मिटर माथिसम्म र दक्षिणमा आँधीखोला किनारसम्मको चार किल्ला तोकी पूर्णरुपमा बन्देज गरिएको प्रेस विज्ञप्ति मार्फत जानकारी गराइएको छ ।
Related News
सम्बन्धित समाचार
फेवातालमा दुर्घटनामा परेका ५ जनाको उद्धार
३ पुस्तादेखिको कटुवाल पेसा धान्दै मनबहादुर
मस्र्याङ्दी जलासयमा मोटरबोट
पोखराको काहुँडाँडामा दोस्रो अन्तर्राष्ट्रिय योग फेस्टिभल सुरु
विपद् प्रतिकार्यमा महानगर प्रतिबद्ध छ : प्रमुख आचार्य
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१