हेमजा । अन्नपूर्ण गाउँपालिकाले पछिल्लो पटक कोरोना भाइरस रोकथामका लागि प्रयास तीब्र पारेको छ । यहि वैशाख २४ गते गरिएको ५० जनाको पिसिआर परीक्षणबाट २४ जनाको नतिजा पोजेटिभ आएपछि कोरोना रोकथामको प्रयासलाई बढी सशक्त बनाइएको हो ।
जसअनुसार बुधबार अन्नपूर्ण ५ स्थित झोवाङ गाउँका २१ संक्रमितको घर पुगी उनीहरुलाई आत्मबल बढाउन हैसला दिइएको छ । त्यस्तै भिटामिन बी, सी र डी तथा माक्स पनि वितरण गरिएको गाउँपालिका अध्यक्ष युवराज कुँवरले जानकारी दिए ।
त्यस्तै सो गाउँमा कन्ट्रयाक टेसिङ पनि गरिएको छ । जसका आधारमा बिहीबार नयाँपुलमा स्वाब संकलन गरिँदै छ ।
यतिबेला गाउँपालिकाभर ३५ सक्रिय सक्रमित छन् । जसअनुसार वडा नं.५ मा सबैभन्दा बढी २१ जना, त्यस्तै १ मा ४ जना, २ मा ६ जना, ३ मा ३ जना र ४ मा १ जना छन् । उनीहरु सबैको होम आइसोलेसनमा उपचार भइरहेको गाउँपालिकाका स्वास्थ्य संयोजक ऋषिराम पौडेलले जानकारी दिए ।
यसैबीच गाउँपालिकाले कोरोना प्रभाव समुदाय स्तरमै फैलन लागेको भन्दै त्यसको रोकथामका लागि बिहीबारदेखि गाउँपालिका र मातहातका कार्यालयबाट प्रदान गरिने अत्यावश्यक बाहेकमा अन्य सम्पूर्ण सेवाहरु बन्द गरेको जनाएको छ ।
जसमार्फत संक्रमण नबढ्ने गाउँपालिकाको विश्वास छ । स्वास्थ्य र अत्यावश्यक सेवालाई भने उच्च महत्व दिइने भनिएको छ । त्यस्तै गाउँपालिकाले एक हप्ताको अन्तरालमा पालिका र नयाँपुल क्षेत्रलाई लक्षित गर्दै पिसिआर परीक्षणको व्यवस्था पनि मिलाएको छ । जुन पहिले १० दिनको अन्तरालमा हुँदै आएको थियो ।
त्यस्तै पालिकाले हालै ५ शड्ढयाको कोभिड अस्पताल पनि स्थापना गरेको छ । जहाँ २४ सै घन्टा स्वास्थ्य उपचारको प्रबन्ध मिलाइएको छ । त्यस्तै अक्सिजन लगायतका थप साधनस्रोत जुटाउन पनि पहल भइरहेको छ ।
त्यसैगरी विभिन्न सूचना प्रकाशन गर्ने, वडास्तरमा सम्पर्क व्यक्ति खटाउने, घान्द्रुक, नयाँपुल र ढिकुरपोखरीलाई आधार मानी उपचारका लागि एम्बुलेन्सको व्यवस्था गर्ने काम पनि गाउँपालिकाले गरेको छ । स्वास्थ्य मापदण्डको पूर्ण पालना गर्न पनि आग्रह गरिएको छ।
Related News
सम्बन्धित समाचार
चुमानलाई पहिलोपटक ढुकुटीको साँचो, मनाङे फेरि भौतिकमा
‘मनसरा’ बाट आशावादी मिरुना
छन्द बचाऊँ वाचनकला पुरस्कारबाट त्रिपाठी सम्मानित
गरिमा र टान गण्डकीबीच सम्झौता
सिर्जनशीलमा दार्शनिक ज्ञानको प्रबोधीकरण
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१