पोखरामा राजनीतिक सरगर्मी, कारवाहीमा परेका कृष्ण थापा बागलुङको घरमा

आदर्श समाज सम्वाददाता
वैशाख २९, २०७८
krishna thapa

पोखरा । पोखरामा राजनीतिक सरगर्मी बढिरहेका बेला जनमाेर्चाका सांसद कृष्ण थापा बागलुङ पुगेका छन् । बागलुङ घरमा पुगेर उनले फाेटाे समेत अपडेट गरेका छन् ।

उनले भनेका छन् आज  २०७८। १। २९, २‌.५ बजे जैमिनी ४  सर्कुवा, बागलुङ आफ्नै घरमा । काम विशेषले ।

उनले फेसबुकमा याे स्टाटस लेखिरहँदा प्रदेश सभा सचिवालयमा उनलाई संसदीय दलकाे नेताबाट हटाएकाे पत्र दर्ता भएको थियाे । २ बजेर ६ मिनेटमा पत्र दर्ता भएको हो ।

आदर्श समाजसँग कुरा गर्दै उनले आफूलाई पार्टीले प्रष्टीकरण नसाेधकाे बताएका छन् ।

आफू बागलुङ घर गैसकेकाे भन्दै उनले, कुनै नेताले फाेन नगरेकाे बताए । `मलाई कसैले फाेन गरेकाे छैन । मैले नि गरिनँ,´ उनले भने, `म बागलुङ जैमिनी घरमा छु । बिहान ७ बजे आएकाे हुँ ।´

कांग्रेसलाई साथ दिन नसक्ने भनेर उनले पार्टी ह्वीप नै उल्लंघन गरेका छन् । उनी आफूले कुनै गलत सम्झाैता नगरेकाे बताएका छन् ।

`सरकारमा जान्न । कुनै गलत नियतले सम्झाैता गरेकाे पनि छैन,´ थापा भन्छन्, `मलाई मेराे मनले कांग्रेसलाई सघाउन दिएन । हस्ताक्षर गरिनँ ।´ । कुनैपनि हालतमा विपक्षीलाई सरकार बनाउने प्रश्तावमा हस्ताक्षर नगर्ने उनकाे भनाई छ ।

Related News

सम्बन्धित समाचार

    hero news full width

    Fishtail

    sanil ads

    wordlink ads

    trending post

    ट्रेन्डिङ्ग