पोखरा । पार्टीको निर्देशन नमान्ने र संसदीय दलको ह्वीप समेत उल्लंघन गर्ने राष्ट्रिय जनमोर्चाका सांसद कृष्ण थापालाई पार्टीले स्पष्टीकरण सोधेको छ ।
गण्डकीमा मुख्यमन्त्री पृथ्वीसुब्बा गुरुङको सरकारलाई कुनै हालतमा समर्थन नगर्ने पक्षमा जनमोर्चा रहे पनि गण्डकीका सांसद कृष्ण थापाले भने पार्टीको निर्णय उल्लंघन गरेका थिए ।
पार्टी अध्यक्ष चित्रबहादुर केसीले पार्टीकाे निर्णय नमान्नेलाई स्पस्टीकरण साेध्नु सामान्य प्रक्रिया रहेकाे बताए । प्रदेश कमिटीले सिफारिस गरे अनुसार नै स्पस्टीकरण साेधिएकाे उनको भनाइ थियो । समयअवधिबारे भने उनले केही खुलाएनन् ।
कांग्रेका कृष्णचन्द्र नेपालीको नेतृत्वमा सरकार बनाउने प्रयास भइरहँदा जनमोर्चाका २ सांसदले सही गरे पनि थापा भने कुनै हालतमा नगर्ने बरु पार्टीको कारवाही भोग्न तयार रहेको बताएका थिए ।
पार्टीको गण्डकी अध्यक्ष शंकर बरालले सांसद थापालाई स्ष्टीकरण सोधिनु स्वभाविक प्रक्रिया रहेको बताए । उनले भने, ‘उहाँ पार्टीको सांसद हो, स्वतन्त्र सांसद होइन, मुद्दाको वारेस पाएँ भनेर आफूलाई सर्बेसर्बा ठान्न त भएन नि ।’
आफूले हिजो १ घन्टासम्म बसेर सम्झाउँदासम्म नमानेपछि कारवाहीका लागि लेखी पठाएको र त्यही अनुसार कारवाही प्रक्रिया अगाडि बढ्नु स्वभाविक प्रक्रिया रहेको उनको भनाइ थियो ।
सांसद थापालाई आजै सांसद पदबाट हटाएर सो को जानकारी संसदमा गराउने तयारी पनि भइरहेको बताइएको छ ।
उनीमाथि कारवाही भयो र सांसद पद गयो भने संसदमा सदस्य संख्या ५९ हुन्छ । जसका कारण कृष्णचन्द्र नेपाली पोखरेलका पक्षमा वहुमत पुग्छ ।
आजै संसद पद खारेज नभएर मुख्यमन्त्रीमा पृथ्वीसुब्बा गुरुङले पुनर्नियुक्ति पाए पनि एक महिनाभित्रमा विश्वासकाे मत लिन भने उनलाई सकस पर्ने छ ।
मुख्यमन्त्री गुरुङले राजीनामा दिएपछि बहुमतीय सरकार बनाउनका लागि प्रदेश प्रमुख सीताकुमारी पाैडेलले आज दिउँसाे ४ बजेसम्मको समय दिएकी छन् ।
त्यतिबेलासम्म ३१ जनाको समर्थन सहितको पत्र लिएर गएमा मात्र पाेखरेलले नियुक्ति पाउनेछन् ।
नत्र संविधानकाे धारा १६८ काे ३ अनुसार प्रदेश सभामा सबैभन्दा ठूलाे दलको नेताका हैसियतमा गुरुङले नै नियुक्ति पाउनेछन् । उनले १ महिनाभित्रमा विश्वासको मत लिनुपर्ने संवैधानिक प्रावधान छ ।
Related News
सम्बन्धित समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
एमाले कास्कीमा को-को निर्वाचित ? (अन्तिम मतपरिणामसहित)
hero news full width
मुख्य समाचार
किरिया बसेका दाजुभाइ परीक्षामा
एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०एमाले कास्कीमा नयाँ नेतृत्वका लागि मतदान
चैत्र १३, २०८०कास्की कारागारमा आँखा शिविर, १ सय ८८ जनाको आँखा परीक्षण
चैत्र १३, २०८०