कोरोनाले गण्डकीमा थप ८ जनाको मृत्यु,

आदर्श समाज सम्वाददाता
वैशाख २७, २०७८
Corona Banner

पोखरा । गण्डकीमा कोरोनाले थप ८ जनाको मृत्यु भएको छ । प्रदेश स्वास्थ्य निर्देशनालयका अनुसार कास्की, स्याङ्जा, पर्वत, नतहुँ, म्याग्दी र रुपन्देहीका संक्रमितको मृत्यु भएको छ ।

सोमबार मृत्यु हुनेमा कास्कीको पोखरा महानगरपालिका–७ का ६७ वर्षीय पुरुष, पोखरा महानगरपालिकाकै वडा नम्बर १३ का ८७ वर्षीय पुरुषको उपचारका क्रममा मृत्यु भएको हो ।

स्याङ्जाको फेदिखोला गाउँपालिका–९ की ६२ वर्षीया संक्रमित महिलाको होम आईसोलेसनमा मृत्यु भएको छ ।

स्याङ्जाकै गल्याङ नगरपालिका–३ का ८४ वर्षीय पुरुषको उपचारका क्रममा मृत्यु भएको हो ।

म्याग्दीको धौलागिरी गाउँपालिका–२ का ३७ वर्षीय पुरुष र रुपन्देहीको बुटवल उप महानगरपालिका– १ का ३४ वर्षीय पुरुषको पोखरामा उपचारका क्रममा मृत्यु भएको छ ।

पर्वतको कुश्मा नगरपालिका–१ का ४७ वर्षीय पुरुषको धौलागिरी अस्पताल र तनहुँको भानु नगरपालिका–१ का ६५ वर्षीय पुरुषको दमौली अस्पतालमा उपचारको क्रममा मृत्यु भएको निर्देशनालयले जनाएको छ ।

गण्डकीमा कोरोना संक्रमणबाट २ सय ७३ जनाको मृत्यु भएको छ ।

Related News

सम्बन्धित समाचार

hero news full width