८४१८ संक्रमित थपिए, ५३ को मृत्यु

आदर्श समाज सम्वाददाता
वैशाख २५, २०७८
Corona Banner

पोखरा  । पछिल्लो २४ घण्टामा देशभर थप ८ हजार ४ सय १८ जनामा कोरोनाभाइरस संक्रमण पुष्टि भएको छ । यस्तै ५३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

यसअघि शुक्रबार नेपालमा ९ हजार १ सय ९६ जनामा संक्रमण पुष्टि भएको थियो भने ५० जनाले ज्यान गुमाएका थिए ।

मन्त्रालयले शनिबार जनाएअनुसार १७ हजार ३१५ जनाको पिसिआर विधि र ९८९ जनाको एन्टिजेन विधिबाट परीक्षण गर्दा क्रमशः ८ हजार २८७ र १३१ जनामा संक्रमण पुष्टि भएको हो ।

यससँगै देशभर कोरोना संक्तमितको कुल संख्या ३ लाख ८५ हजार ८९० पुगेको छ भने निको हुनेको संख्या २ लाख ९८ हजार ७ सय ६५ पुगेको छ भने मृतकको संख्या ३ हजार ६ सय ३२ पुगेको छ।

आजसम्म देशभर सक्रिय संक्रमित ८३ हजार ४ सय ९३ जना पुगेका छन् ।

Related News

सम्बन्धित समाचार

hero news full width