मलामी बोकेको जीप दुर्घटना, १७ घाइते

रासस
वैशाख २४, २०७८
noida_road_accident

पर्वत । कुश्मा नगरपालिका–१० पीपलटारीमा आज बिहान मलामी बोकेको जीप दुर्घटना हुँदा १७ घाइते भएका छन् । वडा नं १३ खौलालाँकुरीदेखि सदरमुकाम कुश्माबजारस्थित अस्पतालसम्म आउँदै गरेको ग२च ५२१३ नंको जीप कुश्मा–१० सिमखेतमा दुर्घटना हुँदा १७ जना घाइते भएका हुन् ।

घाइतेमध्ये १६ वर्षीय अमन परियार र ५७ वर्षीय माने परियारलाई गम्भीर चोट लागेको छ । घाइतेको अहिले जिल्ला अस्पतालमा उपचार भइरहेको छ । गम्भीर घाइते भएका बिरामीलाई थप उपचारका लागि पोखरा पठाउने तयारी भइरहेको जिल्ला प्रहरी कार्यालयका प्रहरी नायब उपरीक्षक विश्वराज अधिकारीले बताउनुभयो ।

घाइते हुनेमा एउटै गाउँका बलबहादुर परियार, डिलबहादुर परियार, रामचन्द्र परियार, शक्ति परियार, मिठु परियार, सुमित परियार, रविना परियार, अङ्कित परियार, उज्ज्वल परियार, बाबुराम परियार, डिले परियार, मीन परियार, अनिनाथ परियार, अमृशा परियार र पृथ्वी परियार रहेका छन् । सामान्य घाइते रहेका चालक अनिनाथ परियारलाई प्रहरीको निगरानीमा उपचार भइरहेको छ ।

उनीहरु कुश्मा–१३ खौलालाँकुरीकै विष्णु परियारको अस्पतालमा मिर्गौला डायलासिस गराउने क्रममा मृत्यु भएपछि शव जिम्मा लिनका लागि अस्पताल आउने क्रममा दुर्घटना भएको हो । विष्णुको जिल्ला अस्पतालमा यही वैशाख २३ गते मृत्यु भएको हो । क्षमताभन्दा बढी यात्रु बोकेको जीप ओरालो सडकमा अनियन्त्रित हुँदा दुर्घटना भएको जिल्ला ट्राफिक कार्यालयले जनाएको छ ।

Related News

सम्बन्धित समाचार

    • स्याङजा सेतीवेणीका ८ घरमा पूर्णक्षति,

      आदर्श समाज सम्वाददाता असार २, २०७८
      स्याङ्जा । केहीदिनदेखिको लगातारको बर्षाका कारण कालीगण्डकी नदी बढेपछि सेतीवेणी बजारका ८ वटा घरमा पूर्ण क्षति पुगेको छ । उच्च…
    • भीरकोटमा जीप दुर्घटना एकको मृत्यु ६ घाईते

      आदर्श समाज सम्वाददाता असार २, २०७८
      स्याङ्जा । भीरकोट नगरपालिका ४ मा बुधबार बिहान जिप दुर्घटना हुँदा एक जनाको मृत्यु भएको छ । एकजनाको सकुशल उद्धार…
    • मनसुनको सुरुमै वर्षाको वितन्डा

      आदर्श समाज सम्वाददाता असार २, २०७८
      पोखरा। मनसुन थप सक्रिय भएसँगै बाढीपहिरोले कास्कीसहित छिमेकी जिल्लामा क्षति पुगेको छ । भारी वर्षाका कारण जनजीवन अस्तव्यस्त हुन पुगेको…
    • म्याग्दीका मुख्य सडक अवरुद्ध

      आदर्श समाज सम्वाददाता असार १, २०७८
      म्याग्दी । वर्षाका कारण म्याग्दीका मुख्य सडक अवरुद्ध भएका छन् । वर्षाका कारण खसेको पहिरोले बेनी–जोमसोम, बेनी–दरबाङ, बेनी–रत्नेचौर र बेनी–मालढुंगा…
    • जीप दुर्घटनामा एकको मृत्यु, ३ घाइते

      रासस जेठ ३०, २०७८
      उदयपुर । जिल्लाको ताप्ली गाउँपालिका–४ स्थित पोखरीडाँडाको भित्री कच्ची सडकखण्डमा बोलेरो जीप दुर्घटना हुँदा एक जनाको घटनास्थलमा नै मृत्यु भएको…

    hero news full width

    sanil ads

    wordlink ads