एउटै गाउँमा एकैदिन १९ संक्रमण पुष्टि, गाउँ नै सिल

तोलाकान्त बगाले
वैशाख २३, २०७८
walling mun

वालिङ । वालिङ नगरपालिका १ धरमपानी गाउँमा बुधबार गरिएको एन्टिजिन परीक्षणमा १९ जनामा संक्रमण पुष्टि भएको छ । गाउँमा गत १४ गते भएको चौरासी पूजामा सहभागी भएकाहरुमा लक्षण देखिएपछि नमूना परीक्षण गरेका सबैमा संक्रमण पुष्टि भएको हो ।

वालिङस्थित गह्राैं प्राथमिक अस्पताल र स्वास्थ्यकर्मीको टोलीले गाउँमै पुगेर गरेको परीक्षणमा १९ जनामा संक्रमण पुष्टि भएको वालिङ नगर प्रमुख दिलीपप्रताप खाँणले बताए । २५ जनाको परीक्षण गर्दा १९ जनामा एकैदिन संक्रमण पुष्टि भएको उनले जानकारी दिए ।

‘बाक्लो बस्ती रहेको गाउँमा एकसाता अघि चौरासी पूजा गरिएको र त्यहाँ सहभागी भएकाहरुमा एकाएक ज्वरो आउने, खोकी लाग्ने, शरीर दुख्ने लगायतका समस्याहरु देखिएपछि परीक्षण ग¥यौं,’ नगर प्रमुख खाँणले भने, ‘परीक्षणका क्रममा ठूलो संख्यामा संक्रमितहरु रहेको पुष्टि भयो ।’

अस्पतालमा गरिएको नमूना परीक्षणमा सातमा सातै जना संक्रमित देखिएपछि नगरपालिका तथा गह«ौं प्राथमिक अस्पतालका स्वास्थ्यकर्मीसहितको टोलीले गाउँमै पुगेर एन्टिजेन परीक्षण गरेको थियो ।

‘सक्रमितसहित परिवारहरुमा पनि सर्न सक्ने भएकाले उच्च सतर्कता अपनाउन अनुरोध गरेका छौं,’ नगर प्रमुख खाँणले भने, ‘त्रसित नहुन र नआत्तिन अनुरोधसहित आवश्यक परामर्श दिएका छौं भने संक्रमित तथा परिवारका सदस्यहरुलाई आवश्यक औषधिसमेत वितरण गरेका छौं ।’

गाउँभरि सङ्क्रमित देखिएपछि तत्कालकालागि उक्त गाउँका नागरिकलाई घरबाट बाहिर ननिस्कन र बाहिरबाट पनि त्यस ठाउँमा आवतजावत गर्न नदिने गरी सिल गरिएको नगर प्रमुख खाँणले बताए ।

विशेष गरी ज्येष्ठ नागरिक तथा दीर्घ रोगीहरुमा समस्या बढी हुन सक्ने भएकाले समस्या पर्नासाथ नगरपालिका वा अस्पतालमा सम्पर्क गर्न उपप्रमुख कल्पना तिवारीले आग्रह गरिन् ।
उनले वालिङका नागरिकहरुको स्वास्थ्यप्रति नगरपालिका २४ सै घण्टा सजग र सचेत रहेको बताउँदै समस्या पर्नासाथै जुनसुकै बेला पनि सम्पर्क गर्न आग्रह गरिन् ।

उक्त गाउँमा ९ वर्षका बालकदेखि ७७ वर्षकी ज्येष्ठ महिलासम्ममा संक्रमण पुष्टि भएको स्वास्थ्य शाखा प्रमुख एवं जनस्वास्थ्य निरीक्षक कमलप्रसाद पाण्डेले बताए ।

संक्रमण हुनेमा महिला १४ जना र पुरुष ५ जना छन् । संक्रमित हुनेमा ७७, ६८, ६०, ५९, ५८, ५५, ३६, ३५, २८, २५ २३ २२, २० र १७ वर्षका महिला छन् भने ५८, ३७, ३३, २२ र ९ वर्षका पुरुष रहेका शाखा प्रमुख पाण्डेले बताए ।

गाउँमै पुगेर आवश्यक औषधिहरु वितरण गरिएको र समस्या परेको खण्डमा जुनसुकै समयमा पनि स्वास्थ्यकर्मीहरु तयारी अवस्थामा रहेकाले गह«ौं प्राथमिक अस्पतालको अक्सिजनसहितको आइसोलेसनमा ल्याएर उपचार गरिने शाखा प्रमुख पाण्डेले बताए । बुधबारमात्रै अस्पतालमा गरिएको परीक्षणमा ३५ जना नयाँ संक्रमित थपिएका छन् ।

Related News

सम्बन्धित समाचार

    • २० मन्त्री पदमुक्त

      आदर्श समाज सम्वाददाता असार ८, २०७८
      पोखरा । सर्वोच्च अदालतले मन्त्रिपरिषद् विस्तारको निर्णय गरिदिएको छ । योसँगै प्रतितिनि सभा विघटन पछि प्रधानमन्त्री केपी शर्मा ओलीले नियुक्त…
    • गण्डकीमा कोरोना फ्रन्टियर सर्वोत्कृष्ट सेवा पुरस्कार   

      आदर्श समाज सम्वाददाता असार ८, २०७८
      गण्डकी ।  गण्डकी प्रदेशमा कोरोना नियन्त्रणका लागि अग्रङ्ंक्तिमा रही उत्कृष्ट सेवा प्रदान गर्ने स्वास्थ्यकर्मीहरूलाई “कोरोना फ्रन्टियर सर्वोत्कृष्ट सेवा पुरस्कार” को…
    • कास्कीमा साढे ५७ हजारले लगाए कोरोना खोप

      धनबहादुर गुरुङ असार ८, २०७८
      पोखरा । कास्कीमा करिब साढे ५७ हजार जनाले कोरोनाविरुद्धको खोप लगाएका छन् । स्वास्थ्य कार्यालय कास्कीका अनुसार जिल्लामा कुल ५७ हजार…
    • संक्रमित खोज्न वडा तहमा एन्टिजेन

      सविन लामिछाने असार ७, २०७८
      दमौली । शुक्लागण्डकी ७ का ३५ वर्षीय पुरुषले वडास्तरमा खटिएको स्वास्थ्यकर्मीको टोलीसमक्ष स्वाब दिए । एन्टिजेनमार्फत गरिएको परीक्षणमा रिपोर्ट भने…
    • सत्ता किचलोले बजेटमा विलम्ब

      आदर्श समाज सम्वाददाता असार ७, २०७८
      पोखरा । गण्डकीमा अहिले सत्ता किचलो बढी छ । संविधानको धारा १६८ (५) अनुसार गठित कृष्णचन्द्र नेपाली पोखरेलको सरकारले जेठ…

    hero news full width

    sanil ads

    wordlink ads