लायन्स अन्तर्राष्ट्रियमा नेपाली भाषा

Avatar आदर्श समाज सम्वाददाता
वैशाख २१, २०७८
Lions news picture

काठमाडौं । लायन्स क्लब्स् अन्तर्राष्ट्रियले नेपाली भाषालाई पहिलोपटक अफिसियल भाषाका रूपमा चौथो स्थानमा मान्यता प्रदान गरेको छ । अबदेखि लायन्स अन्तर्राष्ट्रियको हेडक्वाटर अमेरिकाको मुख्य कार्यालयमा नेपाली भाषा पनि अफिसियल भाषा बन्ने भएको हो ।

अबको केही समयपछि लायन्स अन्तर्राष्ट्रियको वेबसाइटमा समेत नेपाली भाषा पढ्न पाइने र लायन्स म्यागेजिनमा पनि नेपाली भाषा समावेश हुने यो अभियानका अभियन्ता लायन्स अन्तर्राष्ट्रियका पूर्व इन्टरनेस्नल डाइरेक्टर लायन सन्जय खेतानले बताए ।

लायन्सप्रति नेपालीको बढ्दो सक्रिय सहभागिता, नेपाली लायन्सको सहयोग र सहकार्यको उच्च मूल्यांकन गर्दै समाजसेवामा विश्वमै अग्रस्थानमा रहेको लायन्स अन्तर्राष्ट्रियले नेपाली भाषालाई यसरी मान्यता दिएको खेतानले बताए । खेतान नेपालमा मात्र नभई अन्तर्राष्ट्रियस्तरमै लायन्सका कुशल लिडर मानिन्छन् । उनी लायन्स अन्तर्राष्ट्रियको डाइरेक्टर बन्न सफल पहिलो नेपाली हुन् ।

एलसिआइएफ एरिया लिडर तथा इन्टरनेशनल डाइरेक्टर इन्डोर्सी पदका उम्मेदवार बालकृष्ण बुर्लाकोटीले लायन्स अन्तर्राष्ट्रियले नेपाली भाषालाई मान्यता दिनु भनेको सम्पूर्ण नेपाली लायन्सले समाजसेवामा पु¥याएको योगदानको कदर हो भने ।

लायन्स मल्टिपल ३२५ नेपालका काउन्सिल चेयरपर्सन इन्द्र खत्री ‘राजन’, लायन्स डिष्ट्रिक्ट ३२५ बि १ नेपालका डिष्ट्रिक्ट गभर्नर मनबहादुर रोक्का, लायन्स डिष्ट्रिक्ट ३२५ बि १ नेपालका इलेक्ट डिष्ट्रिक्ट गभर्नर विश्वेश्वर आचार्यले लायन्समार्फत २ सय १० राष्ट्रमा नेपाली भाषाको प्रचार हुनु गौरवको विषय भएको बताउँछन् ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग