गण्डकी प्रज्ञा प्रतिष्ठानमा सूर्य खड्का बिखर्ची

Avatar आदर्श समाज सम्वाददाता
वैशाख १९, २०७८
surya khadka

पोखरा । गण्डकी प्रज्ञा प्रतिष्ठान कुलपतिमा साहित्यकार सूर्य खड्का विखर्ची नियुक्त भएका छन् । गण्डकी प्रदेशका भाषा, साहित्य, लोकसाहित्य, संस्कृति, ललितकला, नाट्यकला, संगीतको अध्ययन अनुसन्धान गरी संरक्षण एवं संवद्र्धनका लागि भनेर गठन गरिएको प्रतिष्ठानमा नियुक्ति पाउनका लागि दरखास्त आह्वान गरिएको थियो ।

दरखास्तकै आधारमा सिफारिस समितिले मुख्यमन्त्रीकोमा नाम पठाएको थियो । तिनै नाममध्येबाट विखर्चीलाई कुलपतिमा नियुक्त गरिएको हो । उपकुलपतिमा गोरे गुरुङ र सदस्य सचिवमा मनकुमार श्रेष्ठले नियुक्ति पाएका छन् ।

सामाजिक विकासमन्त्री संयोजक रहेको सिफारिस समितिमा प्रदेश नीति तथा योजना आयोग उपाध्यक्ष र गण्डकी विश्वविद्यालयका कुलपति सदस्य तोकिएको थियो । दरखास्त परेका मध्येबाट ३० जनाको नाम सिफारिस गरिएकोका तिनैमध्येबाट पदाधिकारी र सदस्य नियुक्त गरिएको हो ।

गएको बर्खे अधिवेशनमा गण्डकी प्रदेशसभाले ‘गण्डकी प्रज्ञा प्रतिष्ठान ऐन’ पारित गरेको थियो ।

प्राज्ञिक संस्थामा नियुक्ति प्रक्रिया नै उपयुक्त नभएको भन्दै यसमा विरोध समेत हुँदै आएको छ ।

पोखरा महानगरपालिकाले गठन गरेको प्रज्ञा प्रतिष्ठानको विरोध भइरहेका बेला प्रदेशले पनि गठन गरेको हो ।

कानुन अनुसार कुलपति, उपकुलपति र सदस्यसचिवसहित ७ जनाको कार्यकारिणी समिति हुन्छ ।

कार्यकारिणी समितिमा लोकसाहित्यबाट सुरेन्द्र गुरुङ, भाषा अनुसन्धानबाट कृष्णप्रसाद पौडेल, संस्कृतिबाट दीलकुमारी पौडेल र साहित्यविधाबाट देवकी आचार्य नियुक्त भएका छन् ।

प्राज्ञ सभा सदस्यमा लोकबहादुर थापा, एञ्जिला गौचन, देउकुमारी महतो थारु, टन्डन लगायत छन् ।

Related News

सम्बन्धित समाचार

    • विवाहभोज खाएपछि सङ्क्रमण, एकै घरका तीनको मृत्यु   

      Avatar आदर्श समाज सम्वाददाता वैशाख ३१, २०७८
      बलेवा ।  बागलुङको बडिगाड गाउँपालिका–४ मा एकैघरका तीन जनाको कोरोना सङ्क्रमणबाट मृत्यु भएको छ । उनीहरूको एक हप्ताभित्रै मृत्यु भएको…
    • प्रधानमन्त्रीको शपथ आज

      rss रासस वैशाख ३१, २०७८
      काठमाडौं । नवनियुक्त प्रधानमन्त्री केपी शर्मा ओलीले आज पद तथा गोपनियताको शपथ लिनुहुनेछ । प्रतिनिधिसभामा रहेका दुई वा दुईभन्दा बढी…
    • बिहे र पूजापछि गाउँभरि कोरोना

      Avatar श्रीभद्र पौडेल वैशाख ३१, २०७८
      हेमजा । पछिल्लो २ सातायता अन्नपूर्ण गाउँपालिका–५, झोवाङमा बिहे हुने क्रम तीब्र भएसँगै त्यहाँ कोरोना संक्रमण बढेको छ । उक्त गाउँमा…
    • संसदमा अल्पमतमा परेका ओली फेरि प्रधानमन्त्री नियुक्त

      Avatar आदर्श समाज सम्वाददाता वैशाख ३०, २०७८
      पोखरा । संसदबाट विश्वासकाे मत नपाएर पदमुक्त भएका केपी शर्मा ओली फेरि प्रधानमन्त्रीमा नियुक्त भएका छन्। राष्ट्रपति विद्यादेवी भण्डारीले नेपालको…
    • संस्कृतिकर्मी मेनकाजीलाई पत्नीशोक

      Avatar आदर्श समाज सम्वाददाता वैशाख ३०, २०७८
      पोखरा । संस्कृतिकर्मी मेनकाजी गुरुङलाई पत्नीशोक परेको छ । उनकी पत्नी मीरा गुरुङको कोरोना संक्रमणका कारणका बिहीबार दिउँसो २ बजे…

    hero news full width

    sanil ads

    wordlink ads