पोखरा । संसद बैठकमा अनुपस्थित भएपछि एकाएक विवादमा आएका जनमोर्चाका सांसद खीमविक्रम शाहीले अस्पताको शैयाबाट विज्ञप्ति निकालेर पार्टीको निर्णयप्रति आफू प्रतिबद्ध रहेको बताएका छन् ।

बिहीबार विज्ञप्ति निकालेर अहिले आफू विस्तारै निको हुँदै गएको र अस्पतालबाट बाहिर आएपछि सबै आफ्नो भनाइ सार्वजनिक गर्ने बताएका छन्।

बुधबार सदन जाने तयारीमा रहेका बेला अचानक बिरामी भएपछि भाइलाई सम्पर्क गरेको र अस्पताल लैजाने क्रममा बेहोस भएको उनले उल्लेख गरेका छन् ।

अहिले समाचार र सामाजिक सञ्जालमा प्रचार भएका विभिन्न भ्रामक खबरबाट आफ्नो धारणा बनाएर विचार प्रकट नगरिदिन उनले आग्रह समेत गरेका छन् ।

३ थरी रिपोर्ट र कोरोनाका बारेमा भने उनले केही उल्लेख गरेका छैनन् ।