पोखरा । लायन्स क्लब अफ पोखरा गण्डकी प्रदेशको अध्यक्षमा वर्ष २०२१÷०२२ का लागि कुश्मराज सुवेदी चयन भए । यसअघि प्रथम उपाध्यक्ष रहेका सुवेदी सर्वसम्मत अध्यक्ष चुनिएका हुन् ।

क्लबका निवर्तमान अध्यक्षमा कोपिला श्रीस, प्रथम उपाध्यक्ष उषा थापा, द्वितीय उपाध्यक्ष रूद्रबहादुर श्रीस, तृतीय उपाध्यक्ष सन्तु सुवेदी, सचिव सुशीला विक निर्वाचित भएका हुन् ।

यस्तै प्रशासक सञ्जु शर्मा, कोषाध्यक्ष विनीता सुवेदी, सहसचिव देवी थापा, सहकोषाध्यक्ष सुरेन्द्र थापा, मेम्बरसिप चेयरपर्सन सूर्य श्रीस, एलसीआइएफ संयोजकमा तारा बुढा, क्लब सर्भिस चेयरपर्सन पुष्पा घले पहारी, क्लब मार्केटिङ चेयरपर्सन मीना तिवारी, जनसम्पर्क अधिकृत लीला वस्ती, टेमर विष्णु छन्त्याल, टेल ट्वीस्टर रञ्जु कार्की र निर्देशक लायन खिम छन्त्याल र वीरेन्द्रकुमार पुन निर्वाचित भएका छन् ।

अन्य पदहरूमा पछि प्रक्रिया बमोजिम मनोनित गरिने क्लबका संस्थापक अध्यक्ष कोपिला श्रीसले जानकारी दिइन् । क्लबका एक्टेन्सन चेयरपर्सन एवं एडिसनल क्याबिनेट सेक्रेटरी विकास भुर्तेलले निर्वाचनको संयोजन गरेका थिए ।