काठमाडाैं ।  नेपाली कांग्रेसको आज  बस्ने भनिएको केन्द्रीय कार्यसमितिको बैठक स्थगित भएको छ।

नेताहरुलाई कोरोना स्रक्रमण भएपछि बैठक स्थगित गरिएको कांग्रेस पार्टी कार्यालयका मुख्य सचिव कृष्णप्रसाद पौडेलले जानकारी दिए।

‘बैठक तयारीका क्रममा गरिएको पीसीआर परिक्षणमा केन्द्रीय कार्यसमितिका केही साथीहरु एवं केन्द्रीय कार्यालयकै कर्मचारीहरु समेतमा कोरोना पोजेटिभ देखिएको छ। यस्तो स्थितिमा कोरोनाको तीव्र संक्रमण बढिरहेको बेला ठूलो संख्यामा उपस्थित भइ बैठक गर्नु अनुपयुक्त देखिएकाले निर्देशानुसार बैठक स्थगन गरिएको छ’, उनले भनेका छन्।

कांग्रेसका को–को नेतालाई संक्रमण भएको हो खुलाइएको छैन। यसअघि सोमबार बस्ने भनिएको बैठक पिसिआर परीक्षणपछि बस्ने भन्दै बुधबारका लागि सारिएको थियो।

तर केही केन्द्रीय सदस्यहरुलाई संक्रमण देखिएपछि आज स्थगित गरिएको बैठकको अर्काे मिति तय गरिएको छैन।