सांसद दीपक मनाङेले संसदमा मागे स्वतन्त्रको ठाउँ

आदर्श समाज सम्वाददाता
वैशाख १३, २०७८
dipak manange

फाइल तस्बिर

पोखरा । प्रदेश सभा सदस्य दीपक मनाङेले प्रदेश सभाको बैठकमा स्वतन्त्रका लागि अलग्गै ठाउँ मागेका छन् । उनी २०७४ मंसिर १० गते भएको प्रदेश सभा निर्वाचनमा मनाङ ‘ख’ बाट स्वतन्त्र उम्मेदवारी दिएर तत्कालीन एमालेको समर्थनमा मनाङे निवार्चित भएका हुन् ।

आफू स्वतन्त्र सांसद भएकाले सोही अनुसार बस्ने ठाउँको प्रबन्ध मिलाइदिनका लागि उनले प्रदेश सभा सचिवालयमा सोमबार निवेदन नै दर्ता गराएका छन् । साेमबार ५ बजे निवेदन दर्ता भएकाे र मंगलबार उनका लागि अलग्गै ठाउँमा कुर्सीकाे प्रबन्ध गरिने प्रदेश सभा सचिवालय सचिव हरिराज पाेखरेलले बताए ।

२०७६ असार ११ गते नेकपा प्रवेश गरेका सांसद राजीवको पार्टी कुन हो भन्ने बारेमा प्रदेश सभा सचिवालय भने अनभिज्ञ छ । केही समय उनकाे लेबी काटिएर नेकपा संसदीय दलकाे खातामा गएकाे भए पनि अहिले भने राेकिएकाे छ ।

उनी पार्टी प्रवेश गरेको लिखित जानकारी अहिलेसम्म नेकपाले प्रदेश सभा सचिवालयलाई गराएको छैन । सांसद राजीव नेकपा संसदीय दलको बैठकमा सहभागी हुँदै आएका थिए ।

पछिल्लो घटनाक्रम विकसित हुनु अगाडि उनी प्रदेश सभामा सत्तापक्षकै दीर्घामा बस्दै आएका थिए ।

सोमबारको बैठकमा पनि उनी सत्तापक्षकै दीर्घामा बसेका थिए ।

Related News

सम्बन्धित समाचार

hero news full width