पोखरा । लायन्स क्लब अफ पोखरा आदर्श चौतारीमा वर्ष २०२१÷२२ को अध्यक्षमा वसन्तराज कोइराला चयन भएका छन् ।
क्लबको प्रथम उपाध्यक्षमा रुकबहादुर गुरूङ, द्वितीय उपाध्यक्ष सुशील कोइराला र तृतीय उपाध्यक्ष दामोदर आचार्य ‘दामु’ चयन भए ।
सचिवमा सूर्य पोखरेल, कोषाध्यक्ष दीपकप्रसाद घिमिरे, सहसचिव भगवान् श्रेष्ठ र सहकोषाध्यक्ष सञ्जीव बास्तोला छन् ।
सल्लाहकारमा शिव नेपाली, नारायण थापा, अशोक केसी र पोषण खनाल चयन भए ।
निर्वाचनका लागि क्लबका निवर्तमान अध्यक्ष भरतराज सिग्देलको संयोजकत्वमा ३ सदस्यीय निर्वाचन समिति गठन गरिएको थियो ।
चार्टर प्रेसिडेन्ट रिजन चेयरपर्सन वासुदेव कोइरालाले क्लबले आगामी दिनमा सामाजिक सेवामा अझ सशक्त भूमिका निर्वाह गर्नेमा आफू विश्वस्त रहेको बताए ।
क्लब अध्यक्ष मोहनराज पौडेलको अध्यक्षतामा भएको कार्यक्रममा जोन चेयरपर्सन शिवबहादुर खड्का, पूर्व अध्यक्ष राजेन्द्र भण्डारी लगायतले शुभकामना मन्तव्य व्यक्त गरेका थिए ।
स्वागत प्रथम उपाध्यक्ष वसन्तराज कोइराला र सञ्चालन सचिव दामोदर आचार्यले गरेका थिए ।