पोखरा । माझठाना पोखरा सम्पर्क समाज अध्यक्षमा दयाराम तिवारी चयन भएका छन् । समाजको शनिबार भएको अधिवेशनबाट प्रथम उपाध्यक्ष भोलानाथ ओझा, द्वितीय उपाध्यक्ष शारदा लामिछाने, सचिव रामकृष्ण तिवारी, कोषाध्यक्ष नरेश तिवारी, सहसचिव हरिकृष्ण तिवारी र सहकोषाध्यक्ष रामचन्द्र तिवारी चयन भएका छन् । सदस्यहरुमा डा. पूजन लामिछाने, धनकुमारी भुर्तेल, मोहन गुरुङ, विष्णुहरि तिवारी, मनमोहन अधिकारी, बद्रीनाथ भुर्तेल, राधिका भुर्तेल छन् । पदाधिकारी र सदस्य सर्वसम्मत चयन भएका हुन् ।
समाजको पाँचौ साधारण सभा एवं तेस्रो अधिवेशनको अवसरमा पत्रकार केशवशरण लामिछानेसहित ७ जना सम्मानित भएका छन् । पोखरा—२८ माझठानामा जन्म भई हाल विभिन्न सामाजिक तथा पेशागत क्षेत्रमा रहेर समाजका लागि योगदान पु¥याएकामा प्राध्यापक डा. मानबहादुर के.सी, डा.निर्मल लामिछाने, पत्रकार हरि बास्तोला, केशवशरण लामिछाने, खिमबहादुर गुरुङ, सूर्यप्रकाश तिवारी र गणेश सुनार सम्मानित भएका हुन् ।
पोखरा महानगरपालिका प्रमुख मानबहादुर जिसीले सम्मानित व्यक्तिहरुलाई खादा र सम्मानपत्रले सम्मान गर्दै व्यक्तिको सिप र क्षमताको पहिचान गरी समाज विकासमा उपयोग गर्नुपर्नेमा जोड दिए ।
विश्व माानव जातिकै अस्तित्वका लागि चुनौती वनेको कोभिड–१९ को पोखरामा दोश्रो लहरको संक्रमण बढिरहेको सन्दर्भमा सम्पूर्ण सरोकारवाला निकायहरु यसको रोकथाम, नियन्त्रण र उपचारमा पूर्ण क्षमताका साथ लाग्न उनले अपिल गरे ।
कार्यक्रममा मेयर जिसीले समाजद्वारा प्रकाशित नववर्ष २०७८ को भित्तेपात्रोको लोकार्पण समेत गरे । कार्यक्रममा पोखरा महानगरपालिका वडा नं २८ का वडाध्यक्ष निर्मल दियाली र १२ वडाध्यक्ष रामबहादुर कार्कीले दिगो विकास लक्ष्य प्राप्तिका लागि सवैको साथ र सहयोगको आवश्यकता औंल्याए ।
समाजका अध्यक्ष दुर्गादत्त भुर्तेलको अध्यक्षतामा भएको कार्यक्रममा नेकपा एमालेका भोलानाथ त्रिपाठी, नेपाली कांग्रेसका विकास गुरुङ, माओवादी केन्द्रका यज्ञप्रसाद तिवारी, संस्थापक अध्यक्ष श्रीकृष्ण लामिछाने, समाजका उपाध्यक्ष दयाराम तिवारी र सचिव भोलानाथ ओझा लगायतले समाजको महत्व र आवश्यकता माथि चर्चा गरेका थिए ।
Related News
सम्बन्धित समाचार
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
हाम्रो बहुउद्देश्यीयको रक्तदानमा ४६ युनिट संकलन
शिशुवा सिसाघाट सडक शिलान्यास
मुख्य न्यायाधिवक्ताको कार्यालयले बल्ल सच्यायो विवरण
कतारी अमिर स्वेदश फिर्ता : पोखरा–कतार उडान माग
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१