पत्रकार महासंघ स्याङ्जामा सपथ तथा पदस्थापन

Avatar आदर्श समाज सम्वाददाता
वैशाख ८, २०७८
fnj syangja

स्याङ्जा । नेपाल पत्रकार महासंघ स्याङ्जा शाखाको पाँचौं अधिवेशनवाट निर्वाचित पदाधिकारी तथा सदस्यको सपथ तथा पदस्थापन बुधबार भएको छ ।

गत २५ गते सम्पन्न निर्वाचनमा निर्वाचित जिल्ला कार्य समितिका सदस्यलाई निर्वाचन अधिकृत तुलसी गिरीले सपथ गराए । सपथ तथा पदस्थापनपछि सम्बोधन गर्दे नेपाल पत्रकार महासंघका केन्द्रीय अध्यक्ष विपुल पोखरेलले मुलुकले संघीय व्यवस्थाको कार्यान्वयन गरिरहेका बेला पत्रकार जगतले संघीयताको अनुभूत गर्न नपाएको बताए । उनले भने ‘प्रेस कार्डदेखि अन्य सेवाका लागि पत्रकारले अझै केन्दकै भर पर्नुपरेको छ ।’

मोफसलमा रहेर पत्रकारिता गर्नेहरुका पीडा र मर्का आफूले बुझेको बताउँदै अध्यक्ष पोखरेलले ती समस्या समाधानका लागि सहयोग गर्ने प्रतिबद्धता जनाए । पत्रकारका लागि स्वास्थ्य बिमा, व्यावसायिक पत्रकारिता, प्रेस तथा अभिव्यक्ति स्वतन्त्रताका पक्षमा आवाज उठाइ साकार बनाउने योजना रहेको अध्यक्ष पोखरेलको भनाइ छ । प्रेस स्वतन्त्रता संकुचन गर्ने गतिविधि विरुद्धका आवाज बुलन्द गराउँदै पत्रकारिताको विकासका लागि केन्द्रदेखि मोफसलका पत्रकारसँगसँगै हातेमालो गरेर हिँड्नुपर्नेमा उनले जोड दिए ।

कार्यक्रममा पत्रकार महासंघका केन्द्रीय पूर्वउपाध्यक्ष गंगााधर पराजुली, नेपाल पत्रकार महासंघका केन्द्रीय सदस्यद्वय छविलाल तिवारी र सरीता तिमिाल्सिना, नेपाली कांग्रेसका कार्यवाहक सभापति वुद्धिबहादुर राना (कुमार), नेकपा एमाले माधव नेपाल समूहका नेता राजेन्द्रप्रसाद मरासिनी, राष्ट्रिय प्रजातन्त्र पार्टीका अध्यक्ष भूमिजंग केसी, प्रमुख जिल्ला अधिकारी दीपकराज नेपाल, उद्योग वाणिज्य महासंघका पूर्व केन्द्रीय सदस्य दीपक लम्साल, पत्रकार महासंघ कास्कीका अध्यक्ष विमला भण्डारी, स्याङ्जा जिल्ला उद्योग वाणिज्य संघका पूर्व अध्यक्ष नवराज सुवेदी लगायतले पत्रकार र पेसागत दायित्वका बारेमा सुझावसहित निष्पक्ष पत्रकारिताका आवश्यकताका बारेमा आआफ्ना धारणा व्यक्त गरे ।

पत्रकार महासंघ स्याङ्जाका अध्यक्ष ओमप्रकाश शर्माको अध्यक्षतामा सम्पन्न कार्यक्रममा उपाध्यक्ष भवानी अधिकारीले स्वागत, पूर्व अध्यक्ष एवं गण्डकी प्रदेश सदस्य प्रकाश डोटेलले धन्यवाद एवं सहसचिव तोलाकान्त बगालेले गरेका थिए ।
यसैगरी, सोही कार्यक्रममा अध्यक्ष शर्माले नवनिर्वाचित अध्यक्ष श्रीकृष्ण सिग्देललाई महासंघको माइन्युट हस्तान्तर गर्दै सबैलाई समेटेर अघि बढ्न सुझाव दिए ।

स्याङ्जाको पाँचौ अधिवेशनले श्रीकृष्ण सिग्देलको अध्यक्षतामा निर्विरोध समिति चयन गरेको थियो । प्रेस युनियन र प्रेस संगठनका गठबन्धनले सिग्देललाई अध्यक्षमा निर्वाचित गरेको हो ।

समितिको उपाध्यक्षमा भवानी अधिकारी र राधाकृष्ष्ण डुम्रे, सचिवमा प्रतीक्षा काफ्ले, सहसचिवमा तोलाकान्त बगाले र भूपराज बस्याल, कोषाध्यक्षमा रमेश (एकबहादुर) गोदार निर्वाचित भएका छन् । यसैगरी, सदस्यमा अमृत अर्याल, खगेन्द्र भण्डारी, जोगराज पाठक, रामप्रसाद लामिछाने, रामु भट्टराई र शालिग्राम पोख्रेल, साधना न्यौपाने, थुमबहादुर (विनोद) रखाली, नारायण विश्वकर्मा छन् ।

यसैगरी, राष्ट्रिय परिषद सदस्यमा ओमप्रकाश शर्मा र रोशन लामिछाने, प्रदेश परिषद सदस्यमा चुत्रबहादुर महत र प्रेमनारायण रेग्मी र हिमाल न्यौपाने निर्वाचित भएका निर्वाचित अधिकृत अधिवक्ता तुलसी गिरीले जानकारी दिए ।

Related News

सम्बन्धित समाचार

    • लकडाउनमा सुनसान बेनी बजार (तस्बिर सहित )

      Avatar आदर्श समाज सम्वाददाता वैशाख २३, २०७८
      म्याग्दी । म्याग्दीको बेनी नगरपालिकामा लकडाउन (निशेधाज्ञा) जारी भएपछि सुनसान देखिएको छ । बेनी नगरपालिकाको प्रस्तावमा जिल्ला प्रशासन कार्यालयले नगरपालिका…
    • सङ्क्रमित बोक्नै मान्दैनन् एम्बुलेन्स चालक

      rss रासस वैशाख २३, २०७८
      डोटी । पछिल्लो समय जिल्लामा कोरोना सङ्क्रमित हुनेको दर वृद्धि हुँदै गएको छ । जिल्लामा स्वास्थ्य उपचार गर्न समस्या भएपछि…
    • कोभिडविरुद्ध जुध्न सकस

      सविन लामिछाने सविन लामिछाने वैशाख २३, २०७८
      दमौली  । तनहुँमा कोरोना संक्रमितको संख्या बढेको छ । जिल्लामा सक्रिय संक्रमितको संख्या एक सय नाघेको छ । बुधबार साँझसम्म…
    • धौलागिरि गाउँपालिकाका सबै सेवा बन्द

      sadhanramjali साधन राम्जाली वैशाख २३, २०७८
      म्याग्दी । म्याग्दीको धौलागिरि गाउँपालिकाको कार्यालय, वडा र विषयगत सेवा केन्द्रका कार्यालय बन्द हुने भएका छन् । गाउँपालिकाभित्र समुदायस्तरमा कोरोना…
    • गाउँलेले खोले कोभिड अस्पताल

      Avatar आदर्श समाज सम्वाददाता वैशाख २३, २०७८
      हेमजा । कास्कीको अन्नपूर्ण गाउँपालिकामा ५ शैयाको कोभिड अस्पताल स्थापना गरिएको छ । ढिकुरपोखरीस्थित दिगो महिला विकास बचत तथा ऋण…

    hero news full width

    sanil ads

    wordlink ads

    trending post

    ट्रेन्डिङ्ग