युनाइटेड क्लबको वार्षिकोत्सव तथा सम्मान

Avatar आदर्श समाज सम्वाददाता
वैशाख ७, २०७८
united club barsikotsavv

पोखरा । युनाइटेड क्लब पोखराले सप्ताहव्यापी कार्यक्रम गर्दै ११ आंै वार्षिकोत्सव तथा सम्मान कार्यक्रम सम्पन्न गरेको छ ।

मंगलबार वार्षिकोत्सव समारोह उद्घाटन गर्दै डिभिजन वन कार्यालय कास्कीका प्रमुख केदार बरालले पचभैयामा निर्माणाधीन प्राणी उद्यान केन्द्र निर्माणमा क्लबको मुख्य भूमिका रहेको बताउँदै क्लबको सामाजिक कामको प्रशंसा गरे ।

क्लबले राज्यले गर्न नसकेको काममा महोत्सवको आयोजना गरी चिडियाखाना निर्माणमा २५ प्रतिशत रकम प्रदान गरेर महत्वपूर्ण योगदान दिएको बताए । पोखराको फेवाताल र पचभैयालाई प्रदेशको २ प्रमुख गन्तव्यका रुपमा पहिचान गरी संघीय सरकारमा पठाएको र पास भएमा युनाइटेड क्लबको सपना साकार हुने बरालले बताए ।

क्लबका संस्थापक अध्यक्ष हिमालय बख्रेलले पोखरामा विभिन्न सामाजिक काम गरे तापनि पर्यटनको क्षेत्रमा युनाइटेड क्लबले चिडियाखानाको अवधारणा ल्याएको र हालसम्म सिड मनीको रुपमा ५८ लाख ८५ हजार खर्चिसकेको र अहिले गण्डकी प्रदेश सरकारअन्तर्गत जिल्ला डिभिजन वन कार्यालय कास्कीको हातमा पुगेकाले यसलाई उत्कृष्ट गन्तव्य बनाउनतर्फ सम्बन्धित निकायले चासो दिन आवश्यक रहेको बताए ।

सम्मानित व्यक्तितर्फबाट क्लब सल्लाहकार गोविन्द घिमिरेले क्लबको सामाजिक कार्यको प्रशंसा गरे ।

क्लबले विभिन्न संघसंस्थामा निर्वाचित तथा मनोनीतलाई सम्मान समेत गरेको हो । जसमा पोखरा स्वास्थ्य विज्ञान प्रतिष्ठानका सिनेटरमा नियुक्ति क्लब सल्लाहकार तीर्थलाल श्रेष्ठ र क्लबका आजीवन सदस्य मीन गुरुङ, पश्चिमाञ्चल क्षेत्रीय अस्पताल सञ्चालक समितिमा मनोनीत क्लब सल्लाहकार गोविन्द घिमिरे, सामुदायिक सेवा केन्द्र एवं सामुदायिक प्रहरी सेवा केन्द्र, पृथ्वीचोकअन्तर्गत पोखरा १० को संयोजक मनोनीत क्लबका सदस्य सीमा गुरुङ, पोखरा चेम्वर अफ कमर्स कास्कीको युथ चेम्बर अफ कमर्सको सचिवमा निर्वाचित क्लबका आजीवन सदस्य नवीन श्रेष्ठ, नेपाल पत्रकार महासंघ कास्कीको सदस्यमा निर्वाचित क्लबका मिडिया को–अर्डिनेटर गीता रानामगरलाई सम्मान तथा बधाई ज्ञापन गरिएको थियो ।

क्लब अध्यक्ष राजु श्रेष्ठको अध्यक्षतामा भएको कार्यक्रममा प्रथम उपाध्यक्ष लोकबहादुर थापाले स्वागत, द्वितीय उपाध्यक्ष गणेश तिमिल्सिनाले धन्यवाद ज्ञापन र महासचिव शान्तबहादुर थापाले सञ्चालन गरेका थिए ।

अमरसिंहचौरमा पोखरा महोत्सवको आयोजना गरी बचत रकम क्लबले शिक्षा, स्वास्थ्य, खेलकुद, पर्यटन प्रवद्र्धनको लागि चिडियाखाना निर्माण, सेती नदी संरक्षण र विपद् व्यवस्थापनमा काम गर्दै आएको छ ।

Related News

सम्बन्धित समाचार

    • सर्वोच्चमा संवेदनशील र सार्वजनिक विषयमा सुनुवाइ हुने

      Avatar आदर्श समाज सम्वाददाता वैशाख ३१, २०७८
      पोखरा  । निषेध आदेश अवधिमा कतिपय विषयका मुद्दामा सुनुवाइ नगर्ने निर्णयमा सर्वोच्च अदालतले पुनर्विचार गरेको छ। अब आइतबारदेखि संवैधानिक व्याख्या, मौलिक…
    • प्रधानमन्त्रीले १ महिनाभित्र विश्वासको मत लिनुपर्ने

      Avatar आदर्श समाज सम्वाददाता वैशाख ३१, २०७८
      काठमाडौं । नवनियुक्त प्रधानमन्त्री केपी शर्मा ओलीले अबको तीस दिनभित्र प्रतिनिधिसभामा विश्वासको मत प्राप्त गनुपर्ने संवैधानिक स्थिति रहेको छ ।…
    • प्रधानमन्त्री ओलीले लिए सपथ

      Avatar आदर्श समाज सम्वाददाता वैशाख ३१, २०७८
      पोखरा । नवनियुक्त प्रधानमन्त्री केपी शर्मा ओलीले सपथ लिएका छन् । शीतल निवासमा भर्खरै आयोजित विशेष समारोहमा राष्ट्रपति विद्यादेवी भण्डारीले…
    • भेन्टिलेटर र आइसीयू प्रयोगविहीन

      rss रासस वैशाख ३१, २०७८
      दैलेख । गत वर्ष कोरोना सङ्क्रमणको दर तीव्र भएका बेला दैलेखमा आइसीयू र भेन्टिलेटर जडान भयो । तीनवटा आइसीयू र…
    • विपत्तिका बेला आफ्नै थातथलो प्यारो

      rss रासस वैशाख ३१, २०७८
      गलेश्वर । ‘जननी जन्मभूमिश्च स्वर्गादपि गरियसी’ अर्थात् आफूलाई जन्म दिने आमा र जन्मिएको ठाउँ स्वर्गभन्दा पनि प्यारो हुन्छ । रामायणमा…

    hero news full width

    sanil ads

    wordlink ads