नाईकर्मी उद्योग वाणिज्य संघमा आउन आग्रह

Avatar आदर्श समाज सम्वाददाता
वैशाख ७, २०७८
nai sng news ph

पोखरा । नेपाल नाई संघ कास्कीले प्रकाशन गरेको भित्तेपात्रो पोखरा उद्योग वाणिज्य संघका अध्यक्ष नारायण कोइरालाले विमोचन गरेका छन् । भित्तेपात्रो उद्घाटनपछि अध्यक्ष कोइरालाले नाई पेसाकर्मीलाई उद्योग वाणिज्य संघमा आबद्ध हुन आग्रह गर्दै निजी क्षेत्रको योगदानलाई सरकारले भुलेको आरोप लगाए । उनले नाई संघलाई सहयोग गर्न आफू तयार रहेको बताए ।

नाई संघ जिल्ला अध्यक्ष विगुलाल ठाकुरको अध्यक्षतामा भएको शुभकामना आदान प्रदान कार्यक्रममा संघका केन्द्रीय वरिष्ठ उपाध्यक्ष लालबाबु ठाकुरले कोरोना समयमा होसियारी पूर्वक सेवा सञ्चालन गर्न अनुरोध गरे ।

कार्यक्रममा नेपाल नाई संघ गण्डकी प्रदेशका उपाध्यक्ष सन्तोष ठाकुर, सचिव ध्रुव ठाकुर, यातायात मजदुर संघका गण्डकी प्रदेश अध्यक्ष किरणबाबु पन्त, नेपाल कारखाना श्रमिक संघका केन्द्रीय उपमहासचिव केशवराज भट्टराई, नेपाल ट्रेड युनियन कांग्रेस कास्कीका सहसचिव केदार धमला, नाई संघका अगुवा नेता भुनेषकुमार ठाकुर, नाई संघका जिल्ला सचिव दीपा ठाकुर, आनन्द ठाकुर, एनटियुसी कास्कीका युवा समिति संयोजक सूर्य पराजुली लगायतले बोलेका थिए ।

नाई संघ कास्कीले नेपाली कांग्रेस कास्कीका सभापति कृष्ण केसीका पिता हर्कबहादुर केसी, नाई संघका वरिष्ठ उपाध्यक्ष लालबाबु ठाकुरका छोरा धर्मनाथ ठाकुर र अंकुर ठाकुरप्रति श्रद्धाञ्जली व्यक्त गरेको छ ।

Related News

सम्बन्धित समाचार

    hero news full width

    Fishtail

    sanil ads

    wordlink ads

    trending post

    ट्रेन्डिङ्ग